Exodo 20:16 - Northern Tepehuan Bible

¹⁶ Maiti abïr yaatagiada gïpiïrï buaja ïrhiditai ïmoko gïn aaduñi go yaatagikïdï.

Exodo 20:16 Kruisverwysings

Mataibo 19:18

Dai go kïïrhi potïtïdai, —¿Ix makïdï go mui sïïrhikamigadï Moises gï agai xi ïïgiada aanï tudu?— itïtïdai. Daidi Suxi potïtïdai, —Gobai ix makïdï pokaiti sai, maiti gï agai xi ïmadï bopodagi aapi ix makïdï maiti ïr gï oñiga dai sai maiti gakodada dai sai maiti gaïxiada dai sai mai gïpiïrï bupaiña ïmai yaatagikïdï

Lukas 3:14

Daidi chïki sandadaru tïkakai ïpï dai potïtïdai, —¿Dai aatïmï ix tuma duna?— itïtïdai. Daidi go Juan potïtïdai, —Aapimï abïr mai gubukadakïdï popiada buxtuidadï odami. Dai bhaiyoma abïr bhai gïn ïrhiada gïn maitïkikïdï xïïxi gamaitïkïi aapimï. Dai abïr mai gïpiïrï bupada odami yaatagikïdï ïpï— itïtïdai.

Hechos 6:13

Dai ami báí ïgai jaa yaatabogami ïpï saidi ïgai itïïna aidï, —Go Tibañi bïïxkïrï bui ñokaiña go gïï kiupai xako xadutudai aatïmï Diuxi. Dai bïïxkïrï buidïrï kaatïkana sïïrhikamigadï Moiseskaru ïpï.

Efesios 4:31

Gï agai sai ka mai bhakoitïrakagi aapimï tomarhi xi gakokodadagi. Abïr mai soimaaxi ñokada jaa bui daidi abïr mai yaatagïda ïpï dai mai kïïdada jaa ïpï.

1 Tomoteo 1:10

Maaxi bupai gobai ix makïdï abhan bopoiña ix makïdï mai kïïgadu. Dukami kïkïïrhi ix makïdï abhan bopoiña jaa kïkïïrhi oki dukai. Dai ix makïdï gasecuestrandoagi jaa ïpï. Dai ix makïdï yaataboga. Dai ix makïdï yaatagikïdï gïpiïrï bupai jaa dudunukamiïrï. Go Moises sïïrhikamigadï maaxi bupai bïïxkatai ix makïdï ïr bui bïïtïkami go buaboikïdï aatagi. Pomaaxi bïïtarï go Moises sïïrhikamigadï tudu. Maaxi bupai soimaaxi ibuadami. Dai gï aagai xi odami maatïkagi ix tuma bïïtarï gobai.

2 Timoteo 3:3

Xïxkadï ka karhioga ugiti agadagi oidigi odami mai oigïdada agai tomarhi ïïgi aaduñdï dai xïïxkadï kïïdadagi ïgai jaa mai tipukamu ixdukatai oigïldagi ïgai ïpamu. Naana kaï nïijadamu ïgai jaa aipakoga dai gïpiïrï bupadamu ïgai jaa ïpï. Maiti ipïrhiadamu ïgai xi ïïgiadagi ixtumaxi ïr kïïga dai ipïrhiadamu bhaiyoma ix ïïgiadagi go soimaaxkami ix kaxkïdï mai bhaigakamu ïgai xi dagitoagi go soimaaxi tïgibudagai. Bui gukada agai ïgai bïïxi ixtumaxi kïïgadukami tudu.

Santiago 4:11

Gin aaduñi, Diuxi gïr maa sïïrhikamigadï ix makïdï ikaiti sai gïr oigïdada aatïmï aipakoga. Kaxkïdï maiti abïr naana kaï nïijada gïn aaduñi. Maiti gï agai ix dudunukami dukai gïn bapasadagi aapimï dai pokaitadagi sai ïmoko gïn aaduñi buaboitudadami ajïga gïgïbidaragai soimaaxi ibuadamikatai ïgai tudu. Xorai podukai ñokadagi ka mai ïïgidi Diuxi sïïrhikamigadï. Bamioma gatïanïdami gï ïrhidi ïgai xi bhai go sïïrhikami tudu podukai ñokaitai ïgai.