Exodo 2:24 - Northern Tepehuan Bible

^24-25 Ïkioma Diuxi kaxi aagiditadai piipixarakarudï go Israelitas sai maaki agai dïbïrai xako óídakagi ïgai. Abraam dai Isaak dai Jakobo tïtïgidu piipixarakarudï go Israelitas. Dai xibi Diuxi tïgito nïidi soi ïrhiaradï go Israelitas Ejipituana darajatai. Dai tïgito ix tïtïdai ïgai piipixarakarudï ïïki dai ka soiña agai ix dukai aagai ïgai dai bubaida agai abhiadïrï.

Exodo 2:24 Kruisverwysings

Genesis 15:13

Dai Gïr Nukadakami gï maaxitu ïgai buitapi daidi itïtïdai, —Aanï ipïrhidi pïx maatïkagi ix no xibhïako óídaka agai gï piipixara xako maiti ïr kiidï. Dai oidakami ami mïkaxi aaduinturhiada agai gï piipixara ïpïan dukai axñiñitu. Maako ciento umigi ka mos soi maa taatamitulda agai ïgai— itïtïdai.

Genesis 22:16

—Kïï ïïgidi aapi dai bhai aa xi gin maakiagi gï maara. Dai xibi an aagai sai gï abhana maakimu aanï ïmo gïdukami bhai ïrhiaragai. Bïïxi gin gubukadakïdï namïatudai aanï idi ñoki— itïtïdai. —Xïïxi oidaga xixabugai tïbagiana ïmadï orai go gïï sudagi ugidana po kaki gï maakimu aanï gï piipixaraga ïpï. Dai gï piipixara maitïmu buidïrï ix makïdï buidïrï bïïtïkagi— itïtïdai.

Genesis 8:1

Dai tomaxi tïbïpi kaatï go sudagi Diuxi bïïxkïrï apia tïtïitoi go kïïrhi Noé ïmadï go buxtaki dai go oidigana buxtaki dai kïkïixi ïmadï ujurugi ix makïdï barko ïraan darajatadai. Dai otoi ïgai ïbïrhi bai ïgaikïdï tïbañimi go sudagi.

Exodo 6:5

Xibi nïidi aanï soi ïrhiaradï piipixaradï ïgai, go Israelitas tudu. Dai nïidi aanï xïï kabami tïanïi go Ejiptuïrï óídakami aaduindagai bïïtïkami. Tïïtïitoi aanï ix dukai gin baasaka aanï ïïki aagaitai aanï sai baidaja iñagai dai tïïgida iñagai dïbïrai xako óídakagi ïgai dai ka baidaja in ïrhidi aanï— itïtïdai Diuxi Moises.

Hechos 7:34

Daiñi, aanï kïï maatï xïï soimaaxi taatamaimi gin maamara Ejiptuïrï óídakatai. Kaïkana aanï xïïxi aajagïiña ïgai dai tïbai aanï dai kïïgakïrï bubaida gin agai. Imiñi tudu, aapi Moises. Gï otosamu aanï Ejiptuamu ïpamu, itïtïdai Diuxi.