Exodo 2:21 - Northern Tepehuan Bible

²¹ Daidi aagidi ïgai go Moises saidi ami gï urhiñana dai go Moises bhai aa daidi ami gï urhi. Daidi go Reuél maa ïmoko maradï ix makïdï Sefora tïgidu dai go Moises ka ïma bii.

Exodo 2:21 Kruisverwysings

Exodo 2:10

Bhodïrï ka xiitukai tïïgi ïgai ïpamu go gïï Rey maradï. Dai ïgai ïïgi maradï dukai nïidi dai Moises tïïtï. Daidi ikaiti, —Sudagiañdïrï busaitu aanï kaxkïdï Moises tïïtï aanï— ikaiti go Rey maradï.

Exodo 2:20

Daidi Reuél itïtïdai go aarhi oki, —Bako daja ix makïdï gïn soi. Maiti agai xi mos bia aapimï ïgai. Miadïi abïr daasa dai bhida— itïtïdai.

Exodo 3:1

Aidïpïrï go Moises nukadakana Reuél sosoigadï kañiru. Go Reuél gokadu tïtiaradï. Reuél tïgidu ïgai dai Jetero tïgidu ïpï. Ïgai gamamaakaiña ñoki Madianïrï óídakami xi kïï buaboitudagi ïgai. Ïmo imidagai Moises saadatai imïi kañiñiru oidigamu daidi ayi uruñi utapako ïmo tubidaki Horeb tïgidukïdï xako didibai Diuxi.

Exodo 4:18

Bhodïrï ïpamu tïbai Moises tubidakiañdïrï xako tïïtadai ïgai táí dai xako aatagaitadai ïgai ïmadï Diuxi dai bhodïrï ïpamu ayi kiidïrï tubhadï. Reuél tïgidu tubhadï. Dai Jetero aagaiña odami ïpï. Gokadu tïtiaradï tudu. Daidi Moises itïtïdai aidï —Gï agai xi mïï nïida aanï gin aaduñi ïpamu Ejipituana. Maatïka in ïrhidi xi bhai kia daraja ïgai— itïtïdai. —Ïjï mïïka nïida— itïtïdai Jetero.

Hechos 7:29

Dai mïï aidï go Moises kaïkai ix kaititadai go kïïrhi. Dai busai aidï Ejiptuañdïrï dai mïkaxi jii xako Madianamu tïgidu oidigi. Dai ami oidatu mïkaxdïrï oidakami dukai. Dai ami maamara ïgai goka— ikaiti Tibañi.

1 Tomoteo 6:6

Dïï gia odami ix makïdï xadutudai Diuxi dai bhai gïn ïrhidiña gobaikïdï ix makïdï bia ïgai xioma kïïga ïr gïn bipidakami ix bhai ix makïdï mui bia tuminxi.

Hebreos 11:25

Kïïga bhaigakatadai xi urabagi go Ejiptuïrï óídakami soimaaxkamigadïrï ix makïdï ibuadana ïgai dai podukai bhai ïrhiditai oidakagi lachi tudu. Dïï mos ïgai bhaiyoma ipïrhi sai maatïkana go óídakami sai ïgai ïr Israelita ix makïdï ïr aaduñdï Diuxi. Podukai ipïrhi ïgai tomaxi maatïkatadai ïgai sai go Ejiptuïrï óídakami soi dukai tïïgia agaitadai Israelitakatai ïgai. Dai maatïkatadai ïpï sai go Ejiptuïrï óídakami soimaaxi taatatulda agai ix dukai ibuadana ïgai bïïxi go Israelitas.

Hebreos 13:5

Dai maiti abïr adaimuada go tuminxi ïpï poïrhiditai sai gobai ïr gïn bhai ïrhiaraga. Gï agai bhaiyoma xi bhai gïn ïrhiadagi ixtumaxikïdï ka bia aapimï. Daiñi, ka ojixi Diuxi ojadïrï sai, Aanï Diuxi maiti gïn dagitomu tomarhi ïmo imidagai, ikaiti Diuxi ojadïrï.

Santiago 1:10

Dai ajakoga xi gï bidakagi ïmoko gï agai sai bhai gï ïrhiadagi ïpï. Diuxi soikïi ïgai sai mai gïdukïdï gï ïrhiadagi gï bidakai kaxkïdï. Odami ix makïdï kïïga gïn bipidaka mai tïbïpi kapaka agai dai ugiti agai ïpïan dukai ïmo arhi yooxigai ix makïdï oidigana kïakana tudu.