Exodo 19:5 - Northern Tepehuan Bible

⁵ —Aanï bhaiduñimu ñoki gïn ïmadï dai gï aagadamu xi kïïgakïrï ïïgida kaïkagi aapimï gin ñoki dai mai gajiadïrï biagi toma lïïchi aidï gia gïn bhïimu aanï ïïgi gin bïïtarï. Dai aidï gia aapimï ïr gin aaduñikamu ix makïdï bamioma oigïdamu aanï. Bamioma gïn oigïdamu aanï aapimï xi bhai go gaa oidigi dama óídakami tudu.

Exodo 19:5 Kruisverwysings

Exodo 6:7

—Aagidañi ïpï xi aanï gin aaduñi dukai nïijadamu ïgai dai aanï ïr Diuxigadïkamu dai abhana dakamu. Dai ka bubuakïkai go Israelitas Ejiptuañdïrï aidï gia maatïkamu ïgai sai aanï ïr Diuxi ix makïdï bubaitu abhiadïrï Ejiptuañdïrï.

Exodo 8:22

Xoroko Gïr Nukadakami otosa agai gobai. Dïï gia bhobai Gosenïrï xako óídaga aaduñdï Gïr Nukadakami ami gia mai tipukamu tomarhi ïmo imabugai xoroko. Mai tipukamu gïgïbidaradï ïgai ix dukai bia aapimï gïgïbidaragai aapimï Ejipituana óídakami. Podukai gia maatïkamu aapi sai Gïr Nukadakami ïgai dai tïanïi oidigi dama— podukai tïdamu aapi go Rey tudu— itïtïdai Diuxi go Moises.

1 Korintios 10:26

Daiñi, Diuxi ñokidïrï ikaiti sai, Bïïxi ïr tuidadï Diuxi go oidigi ïmadï bïïxi ixtumaxi oidaga tami oidigi daama, ikaiti go ojai. Kaxkïdï tomaxi gï dadaxdi ixtumaxi ïmo ubixi bïïxkïrï ïr Diuxi tuidadï gobai. Kaxkïdï tudu, ¿Ix tuixidï ïr soimaaxkami gobai?

1 Korintios 10:28

Dïï gia maiti gï agai ïpï ix ibuadagi aapi ix makïdï soimaaxkami ïrhiadagi jaa. Kaxkïdï ix gï aagidagi ïmai saidi gï daxditadai go kuadagai gobai ïmo ubixi aidï gia maiti gï agai ix kuadagi aapi. Tadu poïrhidi ïgai sai soimaaxi ibuayi aapi gakuadatai.

Tito 2:14

Suxi Kristo tudu ïgai dai gï dagito ix gï muatudagi kïïgakïrï gïr bubaiditai gïr soimaaxkamiañdïrï. Podukai bhai dui ïgai saidi ïr aaduñdïkana aatïmï Diuxi kïïga buañixikami gïr biakai ïgai. Dai xibi ka kïïgakïrï buabuakïkai aatïmï ipïrhidi ïgai sai bïïxi gïr bhai ïrhiarakïdï ibuadagi aatïmï ixtumaxi ïr kïïga.

Hebreos 11:8

Go Abraamkaru kïïga buaboitu ïpï dai kaxkïdï buaboidaitai ïïgidi ïgai Diuxi. Diuxi aagidi sai dagitona kiidï dai sai imïna xibhïakoga xako Diuxi maaki agai ïmai dïbïrai xako oidakagi. Dai bïïxkïrï ïïgidi ïgai tomaxi mai maatïkatadai xako imi agai kia.

Hebreos 8:9

Go utudui sïïrhikami mai ïpïamaaxkamu go ïïkidadï ix makïdï bhai dui aanï ïïkidadï gïn aaduñi ïmadï aidïxi bubaitu aanï Ejiptuañdïrï. Kïïga nukadakatadai aanï gïn aaduñi ïïkidadï aidï. Kïïga nukadatadai aanï gïn aaduñi Israelitas aidï tudu. Dïï ïgai mai ïïgidi go sïïrhikami ix makïdï bhai dui aanï ïgai bïïtarï. Kaxkïdï dagito aanï dai ka mai nukagi, ikaiti Diuxi.

1 Pedro 2:9

Dïï aapimï gia mai taata agai gïgïbidaragai podukai. Aapimï ïr ïko bubaidadï Diuxi tudu dai ïr ix makïdï maa ïgai sïïrhikami saidi ïr dadaxdadamigadïkana aapimï. Ïmo aadunumï aapimï xibi ïkobai darasadïkatai aapimï Diuxi dai ïgai tuidadï aapimï. Kaxkïdï xibi bhaiga aapimï xi maaxitudagi jaa bïïtarï xïï kïï tuiga Diuxi. Kaxi gïn busaitu ïgai abhiadïrï xako tukapi dukai óídakatadai aapimï mai maatïkatai ixtumaxi ïr buaboi tudu. Dai xibi gia kaxi gïn daibuñtu ïgai xako xigiamaaxi gïn oidakaraga kïïga tonoraka maaxkatai gobai.