Exodo 17:5 - Northern Tepehuan Bible

⁵ Daidi Gïr Nukadakami potïtïdai go Moises, —Abïnakidañi go bhaitï gukakamigadï dai bhaitï imïda aapimï go Israelitas dai bïïxkatai abïr oijada gïn imidagai. Bhïkañi ïpï gï uxiaraga ixtukïdï gïïgï aapi go aki Ejipituana— itïtïdai.

Exodo 17:5 Kruisverwysings

Exodo 14:16

—Sïïrhiñañi gï uxiaraga go gïï sudagi dama. Podukai gï kupiokamu go sudagi ïrana xi ami sïïrhi gakikïrï dïgabuñimu go Israelitas— itïtïdai Gïr Nukadakami.

Exodo 3:16

Daidi Diuxi Gïr Nukadakami kia aatagaimi ïmadï Moises daidi itïtïdai, —Ïmpaidamu aapi go Israelitas bhaitï gukakamigadï aïkai aapi Ejipituana daidi aagidamu aapi xi gï buidïrï maaxitu aanï ix makïdï gïn piipixara buaboitudaiña ïïki. Ix makïdï Abraam dai Isaak dai Jakobo buaboitudaiña tudu. Aagidamu aapi xi gï buidïrï gin maaxitu aanï dai xi aanï gï aagidi xi nïidi aanï xïï soi dukai gïn aaduintuldimi go Ejiptuïrï óídakami— tïdamu aapi go Israelitas bhaitï gukamigadï.

Exodo 3:18

—Go bhaitï gukakamigadï Israelitas gï ïïgida kaimu. Dai bhodïrï oidamu aapi go bhaitï gukakami daidi mïï Ejiptuïrï Rey buidïrï kïkibamu aapi dai atagidamu. Daidi tïdamu aapi go Rey sai, —Diuxi Gïr Nukadakami ix makïdï aatïmï Israelitas buaboitudai ïgai daidi gïr buidïrï gï maaxitu dai gïr aagidi sai mïï oidigana daaxida aatïmï buxtaki. Ïgai gin otoi naidi gï tanïna aanï oigaragai xi dagitoagi aapi gin aaduñi xi baidakagi aanï baika tasai imidagai oidigamu. Mïï koditulda ïragai aatïmï buxtaki Diuxi Gïr Nukadakami. Potïdamu aapi go Rey— itïtïdai Diuxi go Moises.