Exodo 10:21 - Northern Tepehuan Bible

²¹ Bhodïrï Gïr Nukadakami itïtïdai Moises, —Sïïrhiñañi gï ïka taiyakoga bai kabami tukagïna Ejipituana sai mai maaxikana toma lachi— itïtïdai.

Exodo 10:21 Kruisverwysings

Mataibo 27:45

Daidi daan duku abhiadïrï asta koi gïsïko tasai ukami tukamugatadai oidigi.

Markos 15:33

Daidi daan duku abhiadïrï asta koi gïsïko ukami mos tukapi bii oidigi.

Lukas 23:44

Daidi tukamutu go tasai tomaxi daandukukatadai aidï dai tukapi bii oidigi asta parï baikïrï urunoko ukami. Daidi ïran sïïrhi sarai go gïï ikuxi ix makïdï go gïï kiupiana nagiïkatadai.

2 Pedro 2:17

Go tïtïïgiadami yaatagi ïgai maiti ibuayi soiñi jaa bïïtarï toma lïïchi. Ïpïan dukami ïgai bapabiki ix makïdï ka gakixa dai mai bia sudagi óídakami bïïtarï. Dai ïpïan dukami ïgai ïpï iikomai ix makïdï otoma bhïï ajiopai ïbïrhi dai mai dukitudai oidigi. Maiti ibuayi ïgai soiñi tudu dai gokiïrï bii agai ïgai xako bïïxi adaama tukamuga.

2 Pedro 2:4

Daiñi, Diuxi mai oigïrhi go tïtïañikarudï ix makïdï soimaaxi iduitadai ïïki dai bhaiyoma maigobai surhi ïgai tïbagiañdïrï mïï taana go gïï dïgakana xako kabami tukamuga. Ami nïnïraka ïgai sai Diuxi maakana go gïgïbidaragai ix makïdï ajïga ïgai soimaaxi ibuadamikatai ïgai tudu.

Udaxi 1:13

Ïpïpï gïn aagidamu aanï ix maaxi go tïtïïgiadami yaatagi ïgai. Ïpïan dukami ïgai xïïxkadï gïï daibuskïdagi sudagi dai ugidïrï bipiïyi naana maaxi tukuragai. Pomaaxi ïgai. Dai maiti soikïi ïgai óídakami ix maatïkagi ix dukatai oijadagi oidakaradï ïpï. Ïpïamaaxi ïgai xixabugai ix makïdï kuga iji tudu. Maiti gï agai ix po gï ïrhiadagi ïmoko sai ïgai gïr tïïgidamu boi xako sïïrhi imiagi aatïmï oiditai gïr oidakaraga. Bïïxkïrï bïïtarï bii agai ïgai xako kabami tukamuga tudu.

Udaxi 1:6

Dai gïn tïgitobïrai go tïtïañikarudï Diuxi ïpï ix makïdï ïr sïïrhikami bipiakamikatadai tïbagiana. Bapai ïgai xako mai biakatadai ïgai sïïrhikami dai kaxkïdï bubuaka abhiadïrï tïbagiañdïrï xako óídakatadai ïgai. Dai kaxkïdï aidï abhiadïrï bupurakami bia Diuxi go tïtïañikaru ïgai ïmo ïmapïkïrï xako kabami tukamuga. Dai mai bubuakimu asta xïïxkadï aiyagi go gïï tasai xïïxkadï aagada agai Diuxi ix tuma gïgïbidaragai aji agai bïïxi go soimaaxi ibuadami.

Apokalipsis 8:12

Dai bhodïrï gaiiba ïpï ïmai tïañikarudï Diuxi daidi bhaitoma tajukami xia tui go tasai ïmadï go masadai dai podukai ïpï go xixabugai. Gïn tukutu ïgai bai mai kïï tonorïkana tasïrï dai bamioma tukamugakana tukarï ïpï.