Efesios 2:3 - Northern Tepehuan Bible

³ Bïïxkatai aatïmï buaboitudadami pomaaxi óídakaiña ïkioma ïpï. Ïïgidiña aatïmï ïïgi gïr tïgibudaga soimaaxkïdï. Mos ibuadana aatïmï bïïxi go soimaaxkami ix makïdï bhai ïrhidiña gïr tukuga ïmadï gïr tïgibudaga ïkidadï. Ïïgi pomaaxkatadai aatïmï tudu. Ajïakamikatadai aatïmï xi gïr bui bhamukagi Diuxi dai xi taatagi aatïmï gïgïbidaragai ïmadï bïïxi go gaa óídakami.

Tepehuan Northern: Diuusi ñiooquidʌ utuducami oodamicʌdʌ

³ Vʌʌscatai aatʌmʌ poduucai oidacatadai ʌʌquioma ivuaadana istumaasi ipʌlidiña dai istumaasi oojoidiña aatʌmʌ dai istumaasi tʌtʌgitoiña aatʌmʌ. Cascʌdʌ gʌaagaitadai isDiuusi soimaasi gʌrtaatatuldiagi ʌpan duucai aa ismaacʌdʌ maivaavoitudai Suusi Cristo.

Efesios 2:3 Kruisverwysings

Genesis 5:3

Go kïïrhi Adán ka biakatadai ïmo ciento dan ïmokobhai dan bhaibuxtama umigi aidïxi maara ïgai Set. Kïïrhi ïgai dai kïïga ïpïamaaxkana ïgai go Adán.

Genesis 6:5

Dai Gïr Nukadakami tïgito nïidi bïïxi go óídakami oidigi dama ix arhiï mai kïkïïgadu iibhïadï dai go ïï soimaaxi tïgibudagai adaimïi.

Genesis 8:21

Dai ojoidan ubaitu Diuxi go xadutudaragai daidi itïi, —Xibi bhaitiakoga ka mai ïpamu xia duadamu aanï oidigi. Kïï maatï aanï odami ix arhidukatai abhiadïrï soimaaxi tïgibodadï. Dïï tomax dukai ka mai ïpamu xia duadamu aanï podukai odami, tomarhi kiiyïrï buxtaki, tomarhi oidigana buxtaki, tomarhi kïkïixi, tomarhi go aarhi kïkïixi, tomarhi ujurugi.

Isa 53:6

Dagito aatïmï Diuxi bogïdï dai aadaji aatïmï ïïgi gïr tïgibudaga. Kuga iji aatïmï bïïxkatai ïpïan dukai kañiñiru ix makïdï mai oida ïrhidi Nukadakamigadï. Aatïmï gïr ajïga gïgïbidaragai dïï Gïr Nukadakami ïïgi otosadï abhana dáí gïr soi maaxkamiga ix makïdï idui aatïmï.

Markos 4:19

dïï mos arhiï tïtïitoi ïgai ixdukatai oidaka agai tami oidigi daama. Ïgai gïn bupuirutudai adaimïitai go tuminxi. Naana maaxi biaka ïrhidi ïgai dai go ñoki ix makïdï kaï ïgai ka mai soikïi.

VUAANA 1:13

Ïgai ix makïdï buaboitudai ïpamu uutudui bubuakïi dai ka Diuxi maamaradï bipiïyi. Dïï gia maiti ïr Diuxi maamaradïkana odami mos bubuakïkai oidigi daama ix dukai bubuakïi bïïxi odami tukugadïkïdï tudu. Dai mai utudui bubuakïi odami mos ipïldakai ïgai. Bhaiyoma Diuxi ïgai dai podukai gï tïgito dai utuduturhi odami buaboitudakai ïgai sai podukai ïr maamaradïkana.

VUAANA 8:44

Aapimï ïr maamaradï go diabora di— itïtïdai. —Dai ojoidi aapimï ix buadagi ixtumaxi ïgai ipïrhidi. Ïgai tukamïrï abhiadïrï mos ïr gamuakamikana dai buidïrï kaatïkamikana ïgai ixtumaxi ïr buaboi. Ïïgi pomaaxi tuigakami ïgai ix kaxkïdï yaatagïi ïgai. Ïgaiñdïrï tudu daibïi bïïxi go yaatagi— itïtïdai.

Hechos 14:16

Ïïkioma, mai kia dibiakai Suxi, Diuxi daadagitoiña odami ix makïdï maiti ïr judidiu saidi xadutuadana ïïgi ixtumaxi xadutuada ïrhiada ïgai.

Romanos 1:24

Kaxkïdï Diuxi dagito odami xi adaimudagi ïïgi gïn tïgibudaga saidi budana ïgai bïïxi ixtumaxi soimaaxkami ix makïdï iduña ïrhidiña ïgai. Dai odami idui naana maaxi xaïraragai maaxi gïn tukugakïdï.

Romanos 11:30

Ïkioma aapimï ix makïdï maiti ïr judidiu maiti ipïrhidiña xi ïïgiadagi Diuxi. Dai xibi go judidiu ïgai dai mai ïïgidimi. Kaxkïdï xibi Diuxi kïï tuiga aapimï gïn bïitarï.

Romanos 13:14

Xibi abïr ïpïan dukai óídaka Suxi Kristo Gïr Nukadakami bhaiyoma. Daidi abïr mai tïgito ajiopada xi dukatai buadagi ix tumaxi gïn tanïi gïn ïkidadï tïgibudaga.

Romanos 2:14

Daiñi, ïïmo imidagai odami ix makïdï maiti ïr judidiu ibuayi ixtumaxi Diuxi gatïjai tomaxi mai maatï ïgai Diuxi sïïrhikamigadï. Podukai maaxitudai ïgai sai ïïgi ïgai kïï maatï ix makïdï ïr sïïrhi.

Romanos 5:10

Ïkioma gïr bupuidïrï bïïtïkana aatïmï ïmadï Diuxi dïï gia Suxi Kristo, Diuxi maradï, muu dai podukai bhai dui sai ïpamu biakana aatïmï urabaragai Diuxi ïmadï. Suxi Kristo ïpamu duakatu aidïxi ka mutadai. Kaxkïdï xioma maatiga maaxi xibi sai kïïgakïrï bubuakimu aatïmï, ïpamu oidakatai ïgai tudu.

Romanos 5:9

Suxi Kristo aaxi ïradï gïr bïïtarï kaxkïdï xibi Diuxi kïïgakïrï gïr nïidi. Dai xi Diuxi kïïgakïrï gïr nïidi aidï gia ka maiti gïr ayimu gïgïbidaragai.

Romanos 6:12

Kaxkïdï abïr mai dagito xi gïn tïanïdagi go soimaaxkami tami oidigi daama óídakatai aapimï bai mai ïïgiadagi aapimï gïn soimaaxi tïgibudagai.

Romanos 7:18

Kïïga maatï aanï aidï sai ïïgi gin tïgibudagïrï mai tipu ixtumaxi kïïgadukami. Kaxkïdï ipïrhidiña aanï xi buadagi ixtumaxi ïr kïïga dai maiti ixtutuidikïiña.

Romanos 9:22

Diuxi pomaaxi aatabuayi ïpï. Ïgai gatïtïïgida ïrhiditadai odami ix maaxika agai gïgïbidaragai ix makïdï daitulda agai soimaaxi buadatai odami. Dai tïtïgida ïrhiditadai xïï gubuka ïgai ïpï. Dïï ïgai maiti gï dagito xi gï maitagi ojodaragai tomaxi tïbïpi nïidi ïgai oidigi daama óídakami. Nïidi ïgai sai kïïga gïn ajïakatadai óídakami ix taatagi gïgïbidaragai ïmadï xia duadaragai mos ïï soimaaxi buadatai.

1 Korintios 4:7

Maiti gï aagai ix gïgïrdukïdï gïn ïrhiada aapimï tudu. Daiñi, bïïxi ix tumaxi ix makïdï ixtutuidikïi aapimï ix ibuadagi Diuxi ïgai dai gïn maa gubukarhigai ix ibuadagi. Kaxkïdï ¿Ix tuixi gïgïrdukïdï gïn ïrhidi aapimï? ¡Mai ïïgi bia aapimï gubukarhigai ix ibuadagi tomarhi ïmo ixtumaxi di!

2 Korintios 7:1

Aapimï gin aaduñi ix makïdï kïïga oigïdai aanï, kaxi gïr aagidi Diuxi saidi gïr saagida oidaka agai ïgai. Kaxkïdï tïtai maigobai dasa bïïxi aïkatai go soimaaxkami ix makïdï gïr tukurhimadagi gïr tukuga ïmadï gïr ibhïdaga. Tïtai ïkobai óídaka bïïxi go soimaaxkamiañdïrï tudu dai go ïïgi Diuxi bïïtarï óídaka kïïga xadutudaitai aatïmï.

Efesios 2:2

Aidïpïrï adaimïiña aapimï go odami tïgibudadï dai ïïgidiña aapimï go diabora pobuadatai. Go diabora ïgai dai tïanïi go soimaaxi iibïdagami ix makïdï mos ïbïltapi ajiopai. Dai xibi aatabuayi ïgai iibhïadïrï odami ix makïdï mai ïïgidi Diuxi ïpï.

Efesios 4:22

Kaxkïdï abïr maigobai dasa go ïkidadï gïn tïgibudaga ïmadï ïkidadï gïn oidakaraga. Gobai mos ïr ïï soimaaxkamikana dai gïn bupuirumadaiña gobai gïn maakaitai tïgibudagai xi iduña ïrhiadagi aapimï ix makïdï maiti ïr soiñi.

Kolosenses 1:21

Aapimï ïpï buidïrï bïïtïkatadai Diuxi soimaaxkatai gïn tïgibudaga dai soimaaxi ibuadatai aapimï.

1Tesalonicenses 4:13

Gïr susukurhi, ipïrhidi aatïmï ix kïïga maatïkagi aapimï ixdukatai daibuña agai ix makïdï koiyagi uraba darakatai Suxi Kristo. Bia ïgai ïmo kïïgadukami nïnïraragai tudu. Dai ix kïïga maatïkagi aapimï ix tuma nïnïraka gïn aaduñi uraba darakatai ïgai Suxi Kristo aidï gia ka mai kabami soi gïn ïldamu aapimï xïïxkadï mukiagi ïmadutai ïgai. Ka mai ïpïan dukai soi gïn ïldamu aapimï go odami ix makïdï mai buaboitudai tudu. Mai bia ïgai ïmo kïïgadukami nïnïraragai ix dukai bia aatïmï kaxkïdï sïïrhikïdï soi gïn ïjïrhidiña ïgai.

1Tesalonicenses 5:6

Maiti gï agai tudu ix koximukandukai óídakagi aatïmï dai bhaiyoma nïnïasïrhigan dukai óídakagi dai kïï sïïrhi gïr tïgitokagi.

1 Tomoteo 6:9

Daiñi, mui odami gïpiïrï susurhigïiña gïn bipida ïrhiditai. Kaxkïdï tudu ibuada ïrhidiña ïgai naana maaxi soimaaxkami. Pobïnïrhidi sai podukai gïn bipida agai. Gobai ïgai dai gïpiïrï surhitudai dai xia buayi oidakaradï bïïxkïrï bïïtarï.

Tito 3:3

Daiñi, maiti gï agai xi soi dukai nïijada aatïmï go jaa ix makïdï mai buaboitudai. Aatïmï ïpï maiti ïr buaboitudadamikana ïkioma tudu dai ïpïan tutiakana aatïmï ïgai dai ïpïamaaxi ibuadana. Aidï mai ïïgidiña aatïmï Diuxi dai buaboitudaiña aatïmï ixtumaxi ïr yaatagi. Mai bhaigakana aatïmï xi dagitoagi go soimaaxkami ix makïdï ibuada ïrhidiña aatïmï gaagaitai ïmo bhai ïrhiaragai. Aidï ïjïgakoitïrïkana aatïmï dai gïr kïïdaiña aatïmï aipakoga. Pomaaxi tutiakana aatïmï mai kia buaboitudakai tudu.

1 Pedro 1:14

Daiñi, ïkioma aidïxi mai kia maatïkatadai aapimï ixtumaxi ïr buaboi dai ïïgidiña aapimï ïïgi gïn tïgibudaga, aidï biaka ïrhiditadai aapimï naana maaxi ix makïdï mai kïkïïgadu. Ka maiti abïr podukai óídaka xibi tudu. Ïïgiadabïrai Diuxi gïr Oga bhaiyoma aarhi maamaradïkatai aapimï.

2 Pedro 2:14

Ïgai mos nïidiña oki dai ka ojiadan taadakana dai biaka ïrhidiña. Dai mai ibhiokorïi soimaaxi ibuadatai. Abïnakidiña ïgai odami ix makïdï mai gupuka buaboidaradï sai soimaaxi ibuada dai podukai gïpiïrï daitudai dai sïïrhikïdï koimudadï tutuiga. Agia soimaaxi taatatulda agai Diuxi ïgai tudu.

2 Pedro 2:18

Kïïga gïgïrdukami gïn aagai ïgai ïïgi dai ñokidï kïïga yoobikan kaiti dïï gia maiti ibuayi soiñi bïïtarï ix makïdï kaïkagi. Pokaiti ïgai sai bia aatïmï oigaragai xi ibuadagi ïïgi ixtumaxi ipïrhiadagi aatïmï, ixtumaxi gïr tanïdagi gïr tukuga tudu. Dai podukai abïnakidi ïgai odami sai soimaaxi ibuadagi. Podukai gïpiïrï surhigai ïgai odami ix makïdï utudami bhïjimi go kïïgadukïdï boi dai utudami ka mai uurapïkïi go soimaaxi ibuadami.

1 Juan 2:16

Tami oidigi daama óídakami bhaibitukami biaka ïrhidiña naana maaxi ixtumaxi dai naana maaxi ibuada ïrhidiña ïpï. Mos nïidiña ïgai ixtumaxi dai ka biaka ïrhidiña tudu. Dai bhodïrï gïgïrdukïdï gïn ïrhidiña ïgai biakatai naana maaxi ixtumaxi. Dïï gobai gia maiti ïr tïgibudadï Diuxi. Oidigi daama óídakami tïgibudadï gobai bhaiyoma.

1 Juan 2:8

Dïï gia xibiapioma Suxi Kristo bamioma kïïga gïr tïtïïgidi ix dukatai ïïgiadagi aatïmï go sïïrhikami gobai ix makïdï ikaiti sai gïr oigïdadagi aatïmï aipakoga. Nïidi aatïmï ix xïï kïïga oigïdaiña ïgai jaa tudu. Dai kaxkïdï ïmo utudui sïïrhikami duu bii gobai xibi ix makïdï gï agai xi ïïgiadagi aatïmï. Dai aapimï ïpï kïïga mamaaxidi sai gï agai xi ïïgiada gobai ïpï gïn oigïdatai aapimï aipakoga. Ka otïrhi imimi go soimaaxkami tudu ka kïïga gïn oigïdaitai aapimï aipakoga. Tukamudagai maaxi go soimaaxkami tudu. Dïï gia Suxi Kristo go Kïïgadukïdï Kudagi tïgidu dai maigobai dadasai ïgai go tukamudagai. Xibi gïn oigïdai aapimï aipakoga Suxi Kristo gubukarhigadïkïdï tudu dai podukai aipakoga kukudadan buayi ïgai gïn soikïitai ïgai ix gïn oigïadagi aapimï aipakoga.