Efesios 2:2 - Northern Tepehuan Bible

² Aidïpïrï adaimïiña aapimï go odami tïgibudadï dai ïïgidiña aapimï go diabora pobuadatai. Go diabora ïgai dai tïanïi go soimaaxi iibïdagami ix makïdï mos ïbïltapi ajiopai. Dai xibi aatabuayi ïgai iibhïadïrï odami ix makïdï mai ïïgidi Diuxi ïpï.

Tepehuan Northern: Diuusi ñiooquidʌ utuducami oodamicʌdʌ

² Ʌʌquioma ʌpan duucai oidacatadai aapimʌ aa oodami, daidʌ ivuaadana istumaasi ʌDiaavora ipʌlidiña. ɅDiaavora ʌgai dai gatʌaanʌi oidigi daama, dai soimaasi iduiñtuldi ismaacʌdʌ maiʌʌgiadagi Diuusi.

Efesios 2:2 Kruisverwysings

Mataibo 11:19

—Dai aanï ix makïdï ïr otosadï Diuxi dai ïmo kïïrhi busai gia kïïga gakuadana dai gayïdana. Dai nïidiña aapimï ixtumaxi ibuadana aanï dai soi dukai gin nïidiña ïpï. Pokaitiña aapimï sai aanï bhaibitukami gakuadana dai sai iitoraga aanï dai sai urapïkïiña aanï naana maaxi soimaaxi ibuadami. Saidi asta urapïkïiña aanï taanïdami kuota tudu. Po kaitiña aapimï soi dukai gin nïiditai. Dïï gia tomaxi soi dukai gïr nïidi aapimï aanï ïmadï Juan bïïxkïrï kïïga ïr soiñi gïr tïgibudaga. Xorai oijadagi gïr tïgibudaga kïïga maaxitudamu saidi ïr soiñi gobai tudu— itïtïdai Suxi go odami.

Mataibo 13:22

—Dai go ïxtokai ix makïdï basoi sïïxidakami saagida surhi ïr ïpïan dukami go odami ix makïdï kaïkana Diuxi ñokidï dïï mos apia maaxi óídaga dai buaboidaradï mai kabakaturïiña. Kabami buamï gïn ïrhidi ïgai gaagaitai tuminxi dai gaagaitai bhai ïrhiaradï ixtumaxiïrï oidaga tami idi oidigi daama. Dai kaxkïdï ïgai bïïtarï ka maiti ibuayi soiñi go ñoki ïpï ix makïdï kaïkana ïgai—.

Mataibo 13:38

Dai go dïbïrai xako gï ïi go basoi gobai ïr go oidigi. Go kïïgadukïdï ïxtokai ïr maamaradï Diuxi ix makïdï tïanïi ïgai. Dai go basoi ix makïdï tïrhigi maaxi ïr go diabora maamaradï.

Markos 4:19

dïï mos arhiï tïtïitoi ïgai ixdukatai oidaka agai tami oidigi daama. Ïgai gïn bupuirutudai adaimïitai go tuminxi. Naana maaxi biaka ïrhidi ïgai dai go ñoki ix makïdï kaï ïgai ka mai soikïi.

Lukas 16:8

Dai gokiïrï amudï go pioñi máí xïï kïïga gï tïgito nïiditadai ïgai gaagaitai ix dukatai duñagi sai kïïga ïldana oidakaradï. Dai amudï potïtïdai sai kïï iduitadai tomaxi mai sïïrhi ibuadamikatadai ïgai— itïtïdai Suxi. —Podukai aatabuayi odami ix makïdï adaimïi tïgibudadï tami idi oidigi daama óídakami tudu. Dai aanï aagai sai ïgai kïïga gïn tïgito nïidiña ix dukatai ibuadagi ïïgi aaduñdï buidïrï ix makïdï óídaga tami idi oidigi daama. Kïïga gïn tïgito nïidiña ïgai ixdukatai ibuadagi sai kïïga ïldana oidakaradï tudu. Dïï gia Diuxi maamaradï mai pokaxi gïn tïgito nïidiña ix dukatai ibuadagi.

Lukas 22:31

Dai bhodïrï maa Suxi ïmo ñoki go Ximuñi dai potïtïdai, —Daiñi aapi Ximuñi, go diabora gatáí oigaragai xi gïn duiñdagi naana maaxi soimaaxi sa bhai ka mai buaboitudada aapimï dai podukai ïkobai gïn darasana ïgai aanïañdïrï. Ïpïan duñimu ïgai xïïxkadï odami gigidagi kosadï tïrhigi sai ïkobai biïna go kosadï. Soimaaxi gïn taatamitulda agai ïgai tudu— itïtïdai.

VUAANA 12:31

—Xibi Diuxi daituda agai go gïgïbidaragai ix makïdï ajïga oidigi dama óídakami. Dai xibi ïpï gamaitï agai Diuxi gobai ix makïdï gatïanïi tanai oidigi daama, gamaitï agai ïgai go diabora tudu— itïtïdai.

VUAANA 13:2

Dai aidï urunoko gakuadatadai ïgai go Daibuñigïrï kuadagadï. Dai ami dajatadai go Udaxi Iskariote ix makïdï ïr maradïkatadai ïmo kïïrhi Ximuñi tïgidukami. Dai aidïxi ami dibia ïgai go diabora ka abïnakiditadai sai gatïïgidana ïgai go Suxi.

VUAANA 13:27

Daidi mos bhïkai Udaxi go pan sai go Diabora baa tïgibudadïrï dai gatïanïitadai. Dai Suxi itïtïdai aidï, —Otoma iduñi tuduidï pïx tumaxi iduña agadagi— itïtïdai.

VUAANA 14:30

Ka mai xii tïbïpi aatagadamu aanï gïn ïmadï xibi tudu. Ka karhioga dibia go Diabora ix makïdï gatïanïi tami oidigi daama. Ïgai mai bia gubukarhigai ix gin tïanïdagi

VUAANA 16:11

Dai Diuxi Ibhïgadï maatïtulda agai óídakami ïpï sai Diuxi maakia agai gïgïbidaragai bïïxi soimaaxi buadami. Ka aagai Diuxi ix gïgïbitulda agai go Diabora ix makïdï gatïanïi tami oidigi daama tudu. Dai kaxkïdï gï maatï sai Diuxi gïgïbitulda agai bïïxi soimaaxi buadami ïpï oiditai ïgai go Diabora— itïtïdai.

VUAANA 7:7

—Mai tipu tudu ixtukïdï gïn kïïdadagi odami dïï aanï gia gin kïïdai ïgai. Maaxi aagaiña aanï xïïxi ïr soimaaxi ibuadami ïgai dai kaxkïdï gin kïïdai— itïtïdai Suxi.

VUAANA 8:23

Daidi Suxi potïtïdai, —Aapimï mos ïr tami idi oidigi daama óídakami dai aanï gia ïr mïï daana tïkabiïrï oidakami.

VUAANA 8:44

Aapimï ïr maamaradï go diabora di— itïtïdai. —Dai ojoidi aapimï ix buadagi ixtumaxi ïgai ipïrhidi. Ïgai tukamïrï abhiadïrï mos ïr gamuakamikana dai buidïrï kaatïkamikana ïgai ixtumaxi ïr buaboi. Ïïgi pomaaxi tuigakami ïgai ix kaxkïdï yaatagïi ïgai. Ïgaiñdïrï tudu daibïi bïïxi go yaatagi— itïtïdai.

Hechos 19:35

Daidi bhodïrï ïmo dunukami anaaxi Efesoana oidakami dodorhitu go odami daidi itïtïdai, —Gin aaduñi Efesoana óídakami, kïïga maatï bïïxi oidigi daama óídakami ix aatïmï ïr nukadakamigadï go odai mono ix makïdï tïbagiañdïrï gïi, gïr diuxiga Diana tudu. Dai nukadai aatïmï kiupaigadï ïgai ïpï— itïtïdai.

Hechos 5:3

Daidi go Piduru itïtïdai aidï, —¿Aapi Ananias tuipïxi bhïiyi Diabora tïgibudadï? Kaxi yaatagidi aapi Diuxi Ibhïadï dai ïïgi gï bïïtarï bhïiyi aapi chïki go tuminxi go dïbïrai namïgadï.

Romanos 12:2

Maiti abïr ïïgiada tïgibudadï oidigi daama óídakami bhaiyoma abïr bhïiyi tïgibudagai utudui Diuxiañdïrï. Aidï gia gïn utudutuldamu Diuxi gïn ïrabiadïrï dai maatïkamu aapimï ixtuma agai Diuxi gïn bïïtarï. Ix makïdï Diuxi aagai gïn bïïtarï mos ïr ïï kïkïïgadukami dai buapai bhai ïrhiaraga Diuxi bïïtarï. Mai tipu ïma maaxi bamioma kïïgadukami xi bhai ix makïdï Diuxi agai gïn bïïtarï.

1 Korintios 5:10

Dïï mai maatï kaï aapimï go ojai. Maiti gïn aagiditadai aanï sai mai urapïkïda aapimï go odami ix makïdï mai buaboitudai. Daiñi, oidaga soimaaxi buadami ix makïdï maiti ïr buaboitudadami dai oidaga jaa ix makïdï buaboitudadami gïn aagai dai apia ibuayi naana maaxi soimaaxkami kia. Dai tomax dukai bia aapimï ix urapïkïdagi go odami ix makïdï mai buaboitudai. ¡Kia tami idi oidigi daama óídaga aapimï di! Bia aapimï ix urapïkïdagi ïgai tudu tomax muidutai aipakoga boopoiña jaa odami ïmadï dai jaa koimudadï tutuiga dai ïxibuga dai jaa buaboitudai ubixi maaxi ïpï. Dai tomax dukai gï aagai ix urapïkïda aapimï ix makïdï mai buaboitudai tudu. Ix mai urapïkïda agadamudai aapimï gï agaitadai ix iimia aapimï tabhiadïrï idi oidigi daamaiñdïrï. Ïbogiami podukai mai uraba antaada aapimï ïgai. Kaxkïdï maiti gïn aagidi aanï mïsai mai urapïkïda aapimï ïgai ix makïdï mai buaboitudai.

1 Korintios 6:11

Dai ïïmadutai aapimï pomaaxkana ïkioma ïpï. Dïï gia xibi ka buaboitu aapimï Suxi Kristo Gïr Nukadakami dai xibi Diuxi Ibhïadï ka gïn abhana ayi ix kaxkïdï ka buañixi aapimï dai kïïgakïrï gïn nïidi Diuxi dai xibi ka ïkobai darasadï aapimï Diuxi.

2 Korintios 4:4

Go diabora ïgai dai gatïanïi tami idi oidigi daama tudu. Dai maatiga maaxi sai buirumadai ïgai go óídakami ix makïdï mai maatï kaïkagi gïr aatagi mai buaboitudaitai ïgai ixtumaxi ïr buaboi. Maiti ipïrhidi go diabora ix óídakami maatï kaïkagi go bhai ïrhiaragai aatagi aagaitai Suxi Kristo tudu. Maiti ipïrhidi ïgai ix maatïkagi óídakami xïï kïï tuiga dai xïï gubuka Suxi Kristo Gïr Nukadakami. Suxi ïmadï Diuxi kïïga ïmadugan maaxi dai ïmadugan tutuiga tudu.

Galatas 1:4

Suxi Kristo tudu ïgai dai ïïgi gï tïïgi sai gï muatudana ïmo daxdaragai dukai dai bhai duñagai gïr soimaaxkamiga sai ka kïï biïna aatïmï Diuxi ïmadï. Podukai idui ïgai dai kïïgakïrï gïr bubaitu bïïxi go soimaaxkamiañdïrï ix makïdï oidaga tami idi oidigi daama. Podukai ipïrhi Diuxi gïr Oga sai ïïgi gï tïïgidana Suxi gïr bïïtarï tudu xi kaxkïdï gï tïïgi ïgai dai gï muatu.

Efesios 1:21

Daiñi, Diuxi dáí go Suxi Kristo sai ïgai bamioma gatïanïna xi bhai bïïxi aïkatai gupudagai bipiakami ix makïdï oidaga tïbagiana. Bïïxkïrï bïïtarï Suxi Kristo bamioma ïr gatïanïdami ix toma xorai. Tipukamu aidï tomarhi ïmo ixtumaxi tomarhi ïmo oidakami ix makïdï ïpïan ïxi gatïanïdagi ix xïïxi tïanïi Suxi Kristo.

Efesios 2:11

Kaxkïdï aapimï ix makïdï maiti ïr judidiu abïr gïn tïgito ajiopada sai mai biakana aapimï urabaragai ïkioma go judidiu ïmadï. Mai circuncidadugami gïn aagaiña go judidiu aidï mai biakatai aapimï go circuncision ix dukai bia ïgai. Go circuncision ix makïdï odami ibuayi dai mos ïr gatukuga bïïtarï tudu.

Efesios 2:13

Aidïpïrï mai uraba darakana aapimï Diuxi dïï xibi gia ka kïï miadïrï uraba óídaga aapimï. Suxi Kristo ïgai dai bhai dui gïn bïïtarï ïradïkïdï dai miadïrï gïn darai bïïnakai aapimï ïgai.

Efesios 2:3

Bïïxkatai aatïmï buaboitudadami pomaaxi óídakaiña ïkioma ïpï. Ïïgidiña aatïmï ïïgi gïr tïgibudaga soimaaxkïdï. Mos ibuadana aatïmï bïïxi go soimaaxkami ix makïdï bhai ïrhidiña gïr tukuga ïmadï gïr tïgibudaga ïkidadï. Ïïgi pomaaxkatadai aatïmï tudu. Ajïakamikatadai aatïmï xi gïr bui bhamukagi Diuxi dai xi taatagi aatïmï gïgïbidaragai ïmadï bïïxi go gaa óídakami.

Efesios 4:17

Aanï Pabora ñokai xibi gubukadagaikïdï ix makïdï gin maa Gïr Nukadakami. Dai aanï aagai sai mai ïpïan dukai óídakagi aapimï go ix makïdï mai buaboitudai Diuxi.

Efesios 4:22

Kaxkïdï abïr maigobai dasa go ïkidadï gïn tïgibudaga ïmadï ïkidadï gïn oidakaraga. Gobai mos ïr ïï soimaaxkamikana dai gïn bupuirumadaiña gobai gïn maakaitai tïgibudagai xi iduña ïrhiadagi aapimï ix makïdï maiti ïr soiñi.

Efesios 5:6

Maiti abïr gïn dagito tudu xi gïn buirumadagi jaa potïkai ïgai sai maiti ïr soimaaxi gobai ix makïdï gïn aagidi aanï xibiki. Daiñi, Diuxi gïgïbitulda agai bïïxi ix makïdï pomaaxi buayi.

Efesios 5:8

Ïkioma aapimï mos ïr ïï tukamudagaikana dïï xibi gia ïr kudagi aapimï buaboidakai Gïr Nukadakami. Kaxkïdï abïr bhai maaxkami dukai óídaka dai kïïga maaxituda xi gia ïr kudagiïrï óídakami aapimï xibi.

Efesios 6:12

Daiñi, gïr buidïrï bïïtïkami maiti ïr odami. Aatïmï kokodai jaa ix makïdï ïr diabora tïtïañikarudï soimaaxi iibhïdagami dai ix makïdï mai nïidi aatïmï. Ïgai ïr gupudagai bipiakami dai tïtïanïdami tami oidigi daama dai maigobai tïbagiana ïpï. Gupuka ïgai dai tïanïi ïgai tanai oidigi daama óídakami. Kaxkïdï tukamugan dukai kaatï oidigi xibi gatïanïitai ïgai.

Kolosenses 1:21

Aapimï ïpï buidïrï bïïtïkatadai Diuxi soimaaxkatai gïn tïgibudaga dai soimaaxi ibuadatai aapimï.

2 Timoteo 4:10

Bhaitoma ïïgi bii aanï tanai kaxkïdï. Kaxi gin dagito go Demas tudu dai jii Tesalonikamu gaagaitai bhai ïrhiaragai ixtumaxiïrï oidaga tami oidigi daama. Dai go Kresente jii Galasiamu dai go Tito jii Dalmasiamu.

Santiago 1:27

Dïï gia Diuxi pokaiti sai odami ix makïdï mai sarabidi go soimaaxkami ix makïdï oidaga tami oidigi daama dai bhaiyoma kïïga soikïdagi aarhi mai dïïdïkami ïmadï bipiudu, sai ïgai gia kïïga oidi go buaboidaragai ix makïdï kïïga buañixi. Oidi ïgai go buaboidaragai ix makïdï mai bia soimaaxi tudu.

Santiago 1:7

Dai ïgai gia xadïrï bhïna ixtumaxi tanïdagi Gïr Nukadakami.

Santiago 4:4

Daiñi, Diuxi bïïtarï ïpïan dukami aapimï ïmo oki ix makïdï oidiña ïmai kïïrhi tomaxi maiti ïr kunadï. Oidiña aapimï go tami oidigi daama óídakami tïgibudadï soimaaxkïdï tudu. Pobuayi aapimï gaagaitai gïn bhai ïrhiaraga ixtumaxiïrï oidaga tami oidigi daama. Bamioma ïïmadai aapimï go soimaaxi tïgibudagai ix makïdï oidaga tami idi oidigi daama tudu dai mai ïïmadai aapimï Diuxi. Gï agai sai maatïkagi aapimï tudu sai odami ix makïdï adaimïi pomaaxkami tïgibudagai ïr buidïrï bïïtïkami Diuxi.

1 Pedro 1:14

Daiñi, ïkioma aidïxi mai kia maatïkatadai aapimï ixtumaxi ïr buaboi dai ïïgidiña aapimï ïïgi gïn tïgibudaga, aidï biaka ïrhiditadai aapimï naana maaxi ix makïdï mai kïkïïgadu. Ka maiti abïr podukai óídaka xibi tudu. Ïïgiadabïrai Diuxi gïr Oga bhaiyoma aarhi maamaradïkatai aapimï.

1 Pedro 4:3

Ïkioma gia ibuadana aapimï go soimaaxkami ix makïdï ojoidi xi ibuadagi odami ix makïdï ïkobai daraka Diuxiañdïrï. Ïgai ojoidi xi ïmadï bodagi jaa aipakoga ix makïdï maiti ïr aduñdï dai xi nabaakotïrïdagi. Ibuayi ïgai naana maaxi buirudagai bagimigadïrï dai buaboitudai ïgai uubixi. Gobai ïr ïmo galnaxi buirudagai Diuxi buidïrï.

2 Pedro 2:14

Ïgai mos nïidiña oki dai ka ojiadan taadakana dai biaka ïrhidiña. Dai mai ibhiokorïi soimaaxi ibuadatai. Abïnakidiña ïgai odami ix makïdï mai gupuka buaboidaradï sai soimaaxi ibuada dai podukai gïpiïrï daitudai dai sïïrhikïdï koimudadï tutuiga. Agia soimaaxi taatatulda agai Diuxi ïgai tudu.

1 Juan 3:10

Podukai gï maatï xorai ïr maamaradï Diuxi dai xorai ïr maamaradï go diabora. Odami ix makïdï mai oijadagi ixtumaxi ïr sïïrhi dai mai oigïadagi aaduñdï ïgai mai urabaka Diuxi tudu.

1 Juan 3:8

Dïï gia odami ix makïdï oijadagi go soimaaxkami gobai itïiya ïrhidi sai urabaka ïgai go diabora. Go diabora apia soimaaxi ibuadana aidï abhiadïrï xi kïkiba oidigi tudu. Apia kia soimaaxi ibuayi xibi ïpï. Dïï gia Diuxi Maradï dibia tami oidigi daama dai xia dodai ïgai aaduindadï go diabora. Gobai bïïtarï dibia ïgai tudu.

1 Juan 4:4

Gin aaduñi, maamaradï aapimï Diuxi dai kïïga gïn oigïdai aanï. Dai maiti gïn dagito aapimï ix gïn bupuirumadagi go gatïtïïgiadami yaatagi. Mai bhïiyi aapimï buaboidaradï ïgai tudu. Diuxi gïn ïmadï daja kaxkïdï. Dai ïgai bamioma gubuka xi bhai ïgai ix makïdï ïmadï daja go odami ix makïdï mai buaboitudai. Bamioma gubuka Diuxi xi bhai go diabora tudu.

1 Juan 5:19

Kïïga maatï aatïmï saidi ïr maamaradï aatïmï Diuxi tudu. Dai maatï aatïmï ïpï sai go diabora tïanïi bïïxi go gaa oidigi daama óídakami ix makïdï mai buaboitudai Suxi Kristo.

1 Juan 5:4

Daiñi, bïïxi odami ix makïdï ïr maamaradï Diuxi maitïkïi go soimaaxi ix makïdï oidaga tami idi oidigi daama. Maitïkïi aatïmï buaboitudaitai sai Suxi ïr go Kristo. Buaboitudaitai aatïmï sai ïgai ïr Diuxi otosadï Tïanïdami tudu. Kaxkïdï mai xijaiga ix ïïgiadagi aatïmï Diuxi dai podukai maitiagi aatïmï go soimaaxi.

Apokalipsis 12:9

Daidi Diuxi maigo surhi go gïï kïixi tïbagiañdïrï modukai tïtïañikarudï. Podukai bhaigobai oidigi daama surhi go kïixi ix makïdï diabora tïgidu dai satanás tïgidu ïpï. Ïgai tudu ïr go gïï kooyi agaikïdï ix makïdï ïki abhiadïrï ajiopaiña tami oidigi daama dai bupuirumadaiña óídakami. Tami oidigi daama gï surhitu ïgai tudu ïmadï modukai tïtïañikarudï maitïkai Diuxi tïtïañikarudï ïgai bui.

Apokalipsis 13:14

Diuxi maa ïgai oigaragai saidi ibuadana maaxidaragai podukai dai bupuirumadaiña ïgai bïïxi oidigi daama óídakami ibuadatai naana maaxi maaxidaragai ami buitapi go kïixi ix makïdï ka duayi. Dai tïjai ïgai óídakami saidi ibuadana ïmo ubixi ïpïamaaxkami go kïixi ix makïdï gï muragi dai duayi. Po buadana ïgai ipïrhiditai xi odami xadutuadagi ïgai.

Apokalipsis 13:8

Dai bhaitoma bïïxi oidigi daama óídakami xadutuada agai go kïixi Diuxi dukai. Dïï gia go odami ix makïdï ojixi go libroïrï ix makïdï bia go Arhi Kañiru ïgai gia mai xadutuada agai go gïï kïixi. Go Arhi Kañiru ïgai makïdï gï muatu dai bia ïmo libro xako ojixi odami ix makïdï bïïxkïrï bïïtarï óídaka agai. Aidï abhiadïrï xi mai kia kïkibatadai oidigi biakana ïgai go libro tudu. Dai odami ix makïdï ojixi ami libroïrï gia mai xadutuada agai go gïï kïixi.

Apokalipsis 16:17

Dai bhodïrï go gïmai tïañikarudï Diuxi ïbïltapi aaxi ixtumaxi biakatadai asokorhiïrï. Daidi gï kaidatu ïmo gïï ñoki go kiupiañdïrï dai go gïï daikaruañdïrï daidi gïgïrï ikaiti, —Idikïdï kaxi gï kugaida agai go gïgïbidaragai— ikaiti.

Apokalipsis 20:2

Dai bhïiyi ïgai go gïï kooyi maaxkami kïixi ix makïdï ïïki abhiadïrï oidaga, go diabora tudu. Bhïiyi dai gia kadenakïdï dai ka maiti gï upasdamu ïgai ïmo mirhi umigi.