Efesios 2:11 - Northern Tepehuan Bible

¹¹ Kaxkïdï aapimï ix makïdï maiti ïr judidiu abïr gïn tïgito ajiopada sai mai biakana aapimï urabaragai ïkioma go judidiu ïmadï. Mai circuncidadugami gïn aagaiña go judidiu aidï mai biakatai aapimï go circuncision ix dukai bia ïgai. Go circuncision ix makïdï odami ibuayi dai mos ïr gatukuga bïïtarï tudu.

Tepehuan Northern: Diuusi ñiooquidʌ utuducami oodamicʌdʌ

¹¹ Aapimʌ maitʌrjudidíu, gʌndʌʌdʌ maitʌrjudidíu cascʌdʌ. Ʌjudidíu iquitʌcʌi gʌnmaamara cʌcʌʌli tuucugadʌ cascʌdʌ iquitʌquicʌdʌ gʌnaagaiña ʌgai aipacoga. Dai aapimʌ ismaacʌdʌ maiiiquitʌquicʌdʌ gʌnaagaiña ʌgai.

Efesios 2:11 Kruisverwysings

Mataibo 20:7

—Mai tipu xorai gïr maakiagi aaduindagai— itïtïdai go odami. Daidi go kïïrhi potïtïdai, —Aanï gia gïn maakimu aaduindagai— itïtïdai. —Iimibïrai dai soiña go gaa aatabuadami amïka gin ïxikamigana tudu dai gïn aa namïidamu aanï ixtumaxi ïr sïïrhikagi gïn aaduindaga bïïtarï— itïtïdai. Daidi iji go odami dai gaatadui.

Romanos 11:17

Go judidiu ïr ïpïan dukami ïmo mamaaradï guikomidikami ïmo oliboañdïrï kïï finuakami. Dai aapimï ix makïdï maiti ïr judidiu ïr ïpïan dukami ïmo mamaaradï ïmai oliboañdïrï korientegami ix makïdï Diuxi guikoma dai ïpamu saitu go finuakïdï olibo kïakamiïrï. Xibi aapimï ix makïdï maiti ïr judidiu bhïjimi go gubukarhigai ix makïdï ïr go finuakami olibo mamaaradï bïïtarïkatadai. Bhïjimi aapimï gubukarhigai ix makïdï ïr go judidiu bïïtarïkatadai tudu.

Romanos 2:26

Diuxi circuncidadugami dukai nïidi bïïxi odami ix makïdï kïïgakïrï ïïgidi go sïïrhikami tomaxi maiti gï circuncido tukugadï.

Romanos 2:27

Daiñi, aapimï judidiu mai kïïgakïrï ïïgidi go sïïrhikami tomaxi ojixikami bia aapimï. Kaxkïdï odami ix makïdï maiti ïr judidiu dai ïïgidi go sïïrhikami mos ïïgiditai maaxitudamu sai aapimï ïr soimaaxi buadami, tomaxi ïgai maiti gïn circuncido dai aapimï gia.

1 Korintios 12:2

Daiñi, kïïga maatï aapimï sai ïkioma aidïxi mai kia buaboitu aapimï naana dukai gïn bapaidiña ixtumaxi sai buaboitudaiña aapimï uubixi tomaxi go uubixi tomarhi mai ñokai. Ix makïdï gïn bapaidiña mai ïïgiditadai Diuxi Ibhïadï tudu gïn bapaiditai.

1 Korintios 6:11

Dai ïïmadutai aapimï pomaaxkana ïkioma ïpï. Dïï gia xibi ka buaboitu aapimï Suxi Kristo Gïr Nukadakami dai xibi Diuxi Ibhïadï ka gïn abhana ayi ix kaxkïdï ka buañixi aapimï dai kïïgakïrï gïn nïidi Diuxi dai xibi ka ïkobai darasadï aapimï Diuxi.

Galatas 2:15

Dai potïtïdai aanï go Piduru ïpï, —Daiñi— antïtïdai aanï. —Asta aatïmï ix makïdï kïïgakïrï ïr judidiu gïr dïïdï amadïrï, asta aatïmï ïpï kïï bipiïyi Diuxi ïmadï ïpïan dukai go ix makïdï maiti ïr judidiu. Mos buaboitudaitai aatïmï Suxi Kristo tudu. Gobai gia ïr go bhai ïrhiaragai aatagi. Daiñi, tomarhi aatïmï judidiu tomarhi go gaa ix makïdï maiti ïr judidiu dai ix makïdï soimaaxi ibuadami aagaiña aatïmï tomarhi ïmadutai aatïmï mai kïï bipiïyi Diuxi ïmadï ïïgiditai go sïïrhikami— antïtïdai.

Galatas 6:12

Gin aaduñi, go circuncision ïr ïmo aaduindagai ix makïdï go ïïgi tukugadïkïdï ibuayi odami. Maiti ïr ibhïgadïkïdï tudu. Dai mai gubudakïdï gï agai xi gïn circuncidandoagi aapimï. Dïï gia gïn aagidamu aanï ix tuixi gubudakïdï gïn tïanïi jaa sai gïn circuncidandoagi aapimï. Buamï ïrhidi ïgai ix kaitiadagi go judidiu kaxkïdï. Dai pokaitada ïrhidi ïgai ïpï sai kïïga xadutudai ïgai go Moises sïïrhikamigadï kaxkïdï gïn tïanïi ïgai sai gïn circuncidandoagi aapimï. Dïï gia tomarhi ïïgi ïgai mai kïïga ïïgidi go Moises sïïrhikamigadï. Dai bïïxkïrï mai bhai aagaiña ïgai sai kïïgakïrï bubuakiagi aapimï mos buaboitudakai aapimï ixtumaxi idui Suxi Kristo kuruxiana. Gïgïrdukïdï gïn ïrhidi bhaiyoma dai ibuada ïrhidi aaduindagai ïïgi gubukarhigadïkïdï dai kaxkïdï gïn tïanïi ïgai sai gïn circuncidandoagi aapimï.

Efesios 2:2

Aidïpïrï adaimïiña aapimï go odami tïgibudadï dai ïïgidiña aapimï go diabora pobuadatai. Go diabora ïgai dai tïanïi go soimaaxi iibïdagami ix makïdï mos ïbïltapi ajiopai. Dai xibi aatabuayi ïgai iibhïadïrï odami ix makïdï mai ïïgidi Diuxi ïpï.

Efesios 5:8

Ïkioma aapimï mos ïr ïï tukamudagaikana dïï xibi gia ïr kudagi aapimï buaboidakai Gïr Nukadakami. Kaxkïdï abïr bhai maaxkami dukai óídaka dai kïïga maaxituda xi gia ïr kudagiïrï óídakami aapimï xibi.

Filipenses 3:3

Dïï gia aatïmï ix makïdï kïïgakïrï xadutudai Diuxi gubukarhigadïkïdï Diuxi Ibhïadï, aatïmï gia kïïgakïrï ïr maamaradï Diuxi. Aatïmï tudu ix makïdï gïïpi bia bhai ïrhiaragai bïïna darakatai aatïmï Suxi Kristo. Aatïmï ix makïdï mai buaboitudai ixtumaxi ibuadagi aatïmï ïïgi gïr gubukarhigakïdï tudu.

Kolosenses 1:21

Aapimï ïpï buidïrï bïïtïkatadai Diuxi soimaaxkatai gïn tïgibudaga dai soimaaxi ibuadatai aapimï.

Kolosenses 2:11

Daiñi, aidïxi bïïnakami bii aapimï Suxi Kristo ka circuncidadugami duu bii aapimï. Dïï gia mai xu xi ïmo odami gïn ikitï dai maigobai dáí lïïchi gïn tukuga ogidï aidï dai bhaiyoma Suxi Kristo ïgai dai maigobai dáí gïn tïgibudaga ïkidadï dai soimaaxkïdï. Podukai gïn circuncido ïgai gïn ibhïdagïrï.

Kolosenses 2:13

Gin aaduñi, ïkioma ïko darakatadai aapimï Diuxiañdïrï. Koidadï dukaikana aapimï Diuxi bïïtarï tudu soimaaxi ibuadamikatai aapimï. Aidï kia biakatadai gïn ïïkidadï tïgibudagai soimaaxkïdï. Mai kia maigobai dasakatadai gobai gïn ibhïdagaiñdïrï aidï. Dïï gia tomaxi pomaaxkatadai aapimï bïïxkïrï Diuxi gïn oigïrhi bïïxi gïn soimaaxkamiga dai gïn duakaturhi bïïnakai aapimï Suxi Kristo.

Kolosenses 3:11

Dai xibi ka utudukatai aatïmï buaboitudadami ka mai xudu xi ïr judidiu aapimï xi ïpï ix maiti ïr judidiu. Xiïpï xi circuncidaduga aatïmï ix mai circuncidaduga ïpï. Mai xudu ix ïr mïkaxdïrï oidakamikagi ïmoko xiïpï asta xi ïr oidigana oidakamikagi ïpï. Xibi bïïxi gobai ka maiti ïr ixtumaxi gïr bïïtarï ix makïdï ïr buaboitudadami. Ka utudui bubuaka aatïmï dai ka mai buamï rïrhidi aatïmï xoraitadai aatïmï. Xibi Suxi Kristo gïr ïmadï daja bïïxkatai aatïmï buaboitudadami kaxkïdï. Dai mosïkaxi Suxi Kristo ïgai dai namïga gïr bïïtarï xibi.