Efesios 1:3 - Northern Tepehuan Bible

³ Gï agai xi oigïda ñokadagi aatïmï Diuxi bïïtarï. Ïgai ïr Diuxigadï Suxi Kristo Gïr Nukadakami dai ïr Ogadï ïpï. Diuxi gïr maa bïïxi aïkatai bhai ïrhiaragai ix makïdï oidaga tïbagiana gïr ibhïdaga bïïtarï. Diuxi gïr maa idi bhai ïrhiaragai mos bïïnakai aatïmï Suxi Kristo.

Tepehuan Northern: Diuusi ñiooquidʌ utuducami oodamicʌdʌ

³ Diuusi ivueeyi naana maasi cʌcʌʌgaducami aatʌmʌ gʌrvʌʌtarʌ. Ootoi ʌgai Suusi Cristo sai ʌgai gʌrʌʌmadu daacana dai sai ʌgai gʌroigʌldiña gʌrsoimaascamiga dai cʌʌgacʌrʌ gʌrvuvaidiña dai gʌrmaacana gʌguvucadaga vai poduucai ʌgai bai gʌrvueeyi tʌsai iimʌna tʌvaagiamu. Vʌʌsi gomaasicʌdʌ aanʌ ipʌlidi isvʌʌsi vaavoitudadami aliʌsi baigʌnʌliadagi Diuusicʌdʌ dai cʌʌga ñioocadagi Diuusi vui. Agai ʌroogadʌ Suusi Cristo gʌrtʌaanʌdamiga.

Efesios 1:3 Kruisverwysings

Genesis 22:18

—Kaxi ïïgidi gin kaï aapi xi Kaxkïdï gï piipixarakïdï maakimu aanï ïmo bhai ïrhiaragai abhana bïïxi oidigi dama oidakami— itïtïdai Gïr Nukadakami.

Lukas 2:28

Dai bhïiyi ïgai go xïïñi dai komitu dai aagai xïï kïï tuiga Diuxi daidi potïtïdai,

VUAANA 14:20

Gïn maakimu aanï gubukarhigai tudu sai kïïga duduakakagi aapimï dai aidï gia maatïkamu aapimï ix gïr bïïna daraka aanï ïmadï gin Oga dai maatïkamu aapimï ïpï sai aanï ïmadï aapimï kïïga bïïna daraka ïpï— itïtïdai.

VUAANA 17:21

Gï daanïi aanï saidi mos ïmo tïgibudagai biakana ïgai bïïxkatai gïr bïïna darakatai. Saidi ïr ïmo odami gïn dukamikana ïgai ïmapi ïpïandukai ix mos ïmo odami gïr dukami aapi ïmadï aanï. Podukai go gaa oidakami buaboituda antaada ix aapi gin otoi nïiditai ix ïr ïmo odami gï dukami gin mamaatïrdamiga— itïtïdai

VUAANA 20:17

Daidi go Suxi itïtïdai, —Maiti bhïbhïda gin tukuga, mai kia tïsai aanï mïïka xako daja gïr Oga— itïtïdai. —Bhaiyoma imi dai mïï aagida gin mamaatïrdamiga sai ka imïda iñagai aanï mïïka xako daja Diuxi gin Oga. Aagidañi sai Diuxi gin Oga ïr aapimï gïn Diuxiga dai aapimï gïn Oga ïpï— itïtïdai.

Romanos 12:5

Pomaaxi aatïmï buaboitudadami ïpï. Aatïmï bïïxkatai ïmapi ïr tukugadï Kristo mos bïïnakai aatïmï ïgai. Gïr arasakan dukai aatïmï ïpïan dukai ïmo odami tukugadï tutuidadï. Dïï gia ïjïkobai bia aatïmï gïr aaduindaga.

Romanos 15:6

Aidï gia kïïga ïmapi xadutuadamu dai oigïda ñokadamu aapimï Suxi Kristo ogadï bui, Diuxi bui tudu.

1 Korintios 1:30

Daiñi, mos ïïgi Diuxi gubukarhigadïkïdï bïïna daraja aatïmï Suxi Kristo. Aatïmï maiti idui tomarhi ïmo ixtumaxi. Suxi Kristokïdï tudu gïr maa Diuxi ïïgi tïgibudadï dai Suxi Kristokïdï ïpï bhai dui Diuxi sai kïïgakïrï gïr nïidiña ïgai ïpï. Suxi Kristo ïgai ix makïdï ïkobai gïr bubaitu sai mos ïïgi Diuxi bïïtarïkana aatïmï dai ïgai aa namïki gïr buatuldaraga ïpï sai kïïgakïrï bubuakïna aatïmï.

1 Korintios 12:12

Gïn aagidamu aanï ïmo maaxidaragai aatagi ix maaxi gobai. Daiñi, tukugadï ïmo odami naana maaxi bia ix makïdï ïjïkobai bia aaduindadï. Dukami bia ïïkasodï dai noonobidï dai naanakadï dai bupuidï dai bïïxi gobai mos ïr ïmo tukugai bïïxi ïmapi tomaxi ïjïkobai bia aaduindadï. Dai pomaaxi aatïmï buaboitudadami ïpï. Muidu aatïmï tudu dai ïjïkobai bia aatïmï gïr aaduindagai dïï gia bïïxkïrï Suxi Kristo tukugadï dukami aatïmï bïïxkatai ïmapi.

2 Korintios 1:3

Gïr aaduñi, mosïkaxi Diuxi ïgai ix makïdï bïïxkïrï soi gïrhidi aatïmï gïr bïïtarï dai bhai gïr ïrhiatudai xïïxkadï soimaaxi taatamadagi aatïmï. Ïïgi potuiga ïgai kaxkïdï. Dai kaxkïdï gï agai sai kïïga ñokada aatïmï ïgai bïïtarï. Ïgai bïïtarï ix makïdï ïr Ogadï Suxi Kristo Gïr Nukadakami tudu.

2 Korintios 11:31

Daiñi, bïïxkïrï bïïtarï kïïga ñokada ragai Diuxi bïïtarï ix makïdï ïr Ogadï Suxi Kristo Gïr Nukadakami. Dai ïgai kïïga maatï saidi ïr buaboi ixtumaxi gïn aagida iñagai xibi. Dai gobaikïdï ix makïdï gïn aagida iñagai aanï gobaikïdï kïïga maatïkamu aapimï sai mai bia aanï gubukarhigai xi ïïgi ibuadagi gin aaduindaga.

2 Korintios 5:17

Daiñi, odami ka ïmapïbuayi xïïxkadï urabagi ïgai Suxi Kristo ïpï. Diuxi utuduturhi ïgai kaxkïdï. Dai amaxi ka buaboitudakai ïgai ka ugiatïkïi go ïïkidadï oidakaradï dai aidï abhiadïrï ka biakana ïgai ïmo utudui oidakaragai.

2 Korintios 5:21

Gïn aagidamu aanï ïmo ixtumaxi aagaitai aanï go oidaragai ix makïdï gïr maakai Diuxi tudu. Daiñi, Diuxi dáí go Suxi ïmo daxdaragai dukai sai buanana gïr soimaaxkamiga mai soimaaxi ibuadamikatai ïgai toma lïïchi. Po dui ïgai saidi ka bïïna biiyagi aatïmï Suxi Kristo sai podukai buañixikami biiyagi aatïmï ïpïan dukai Diuxi. Gobai tudu ïr go gïï oidaragai ix makïdï gïr maakai Diuxi.

Galatas 3:9

Daiñi, Go Abraamkaru biatu ïmo bhai ïrhiaragai ïïki mos buaboitudakai ïgai dai podukai ïpï bïïxi óídakami biakana ïmo bhai ïrhiaragai ïpï mos buaboitudakai ïgai ïpï ïpïan dukai go Abraamkaru. Podukai kïïgakïrï bipiïyi ïgai Diuxi ïmadï tudu. Gobai ïr go bhai ïrhiaragai ix makïdï ïr bïïxi óídakami bïïtarï.

Efesios 1:10

Dai Diuxi ka dáí ïmo tasai ixtuigako Suxi Kristo ïmapida agai bïïxi aïkatai ixtumaxi oidaga. Dai aïkai ïgai tasai Suxi Kristo kïïga ïmapida agai bïïxi gobai ix makïdï oidaga tïbagiïrï dai tami oidigi daama ïpï. Aidïpïrï bïïxi aïkatai ixtumaxi oidaga nïijadamu sai Suxi Kristo bïïxi adama ïr Tïanïdami.

Efesios 1:17

Diuxi gïr Oga ïgai dai Gïr Nukadakami Suxi Kristo xadutudaiña dai kïïga ïr gïdukami ïgai dai kïï tiodi. Ïgai tudu daanïi aanï gïn bïïtarï xi gïn maakana tïgibudagai xi kïïgioma maatïkana aapimï ïgai.

Efesios 1:20

ixtukïdï Diuxi duakaturhi Suxi Kristo koidadïañdïrï. Dai idi baaxi gubukarhigaikïdï ïïgi gï sïïrhixapadïrï dáí ïgai go Suxi tïbagiïrï ïpï. Gobai tudu ïr go gubukarhigai ixtukïdï aatabuayi Diuxi aatïmïrï.

Efesios 2:6

Diuxi gïr duakaturhi Suxi Kristo ïmadï dai tïbagiïrï gïr darai Suxi Kristo ïmadï ïpï bïïnakai aatïmï ïgai.

Efesios 3:10

Dïï gia xibi ipïrhidi Diuxi xi tïtïañikarudï maatïkana xïï saitudaga Diuxi tïgibudadï. Sai tïtïañikarudï ix makïdï ïr gupudagai bipiakami dukai tïbagiana maatïkana tudu. Kaxkïdï xibi aatïmï buaboitudadamikïdï aatabuayi Diuxi dai aatïmïkïdï gatïtïïgidimi ïgai xïï kabami saitudaga tïgibudadï.

Efesios 6:12

Daiñi, gïr buidïrï bïïtïkami maiti ïr odami. Aatïmï kokodai jaa ix makïdï ïr diabora tïtïañikarudï soimaaxi iibhïdagami dai ix makïdï mai nïidi aatïmï. Ïgai ïr gupudagai bipiakami dai tïtïanïdami tami oidigi daama dai maigobai tïbagiana ïpï. Gupuka ïgai dai tïanïi ïgai tanai oidigi daama óídakami. Kaxkïdï tukamugan dukai kaatï oidigi xibi gatïanïitai ïgai.

Filipenses 2:11

dai biakamu xi aagadagi sai Suxi Kristo adaama ïr Tïanïdami. Podukai aagadamu ïgai bïïxi óídakami buitapi tudu dai podukai maaxitudamu ïgai xïïxi ïr gïdukami Diuxi gïr Oga.

Hebreos 8:5

Dïï gia go dadaxdamigadï go judidiu ibuayi aaduindadï ïmo kiupiïrï ix makïdï mos ïr ïmo maaxidaragai dukai bïïtarï go buaboikïdï kiupai ix makïdï tïbagiana kïïka. Kaxkïdï aidïxi kaxi iduña agaitadai Moises go kiupai amïï oidigana Diuxi sïïrhi ñokidi daidi potïtïdai, Aapi Moises, xïxkadï iduñagi aapi go kiupai ix makïdï gï tïjai aanï kïïga gï tïgito nïida dai kïïga iduñi ixdukatai gï aagidi aanï amïï tubidakana, itïtïdai. Go kiupai ix makïdï ibuadatadai go Moises ïr ïmo maaxidaragai dukamikatadai bïïtarï go tïbagiana kiupai tudu. Kaxkïdï gï agaitadai xi kïïga iduñagi ïgai ixdukatai Diuxi aagiditadai aidïxi maa ïgai ñoki amïï Sinaí tubidakana.

Hebreos 9:23

Daiñi, go kiupai ix makïdï tami oidigi daama kïïka, ix makïdï odami idui, gobai mos ïr ïmo maaxidaragai dukai bïïtarï go kiupai ix makïdï tïbagiïrï kïïka ix makïdï Adaama Xadutudikïdï tïgidu. Dai tomaxi mosïkaxi ïr ïmo maaxidaragai bïïtarï gobai bïïxkïrï gï agaitadai xi kodagi buxtaki dai aaxtagi ïradï sai buanan duñagi go kiupai ix makïdï odami idui. Ïbogiami podukai gï bhaigakana xi ibuadagi xadutudaragai ami. Dai gï agaitadai xi podukai buanan duñagi bïïxi go aaduinkaru ix makïdï ami kiupiana darakatadai ïpï. Dïï gia amïka xako baa Suxi Kristo bhai buadatai gïr bïïtarï, ami gia maiti ïr odami duñidï dai maiti ïr mosïkaxi ïmo maaxidaragai gï dukami. Baa ïgai amïka tïbagiana xako buaboikïdï ïr go Adaama Xadutudikïdï tudu. Ami baa Suxi dai ami kïïka ïgai Diuxi buitapi dai ami gïr daanturhimi ïgai. Ami bua ïgai ïmo gïïpi bamioma kïïgadukami daxdaragai xi bhai go buxtaki daxdaragai. Ïïgi gï daxi ïgai tudu gïr bïïtarï.

1 Pedro 1:3

Gin aaduñi, gï agai sai kïïga ñokada aatïmï Diuxi bïïtarï. Gï agai sai kïïga ñokada aatïmï bïïtarï ïgai ix makïdï ïr Diuxigadï Gïr Nukadakami Suxi Kristo tudu. Soi ïlda gïr tïï ïgai kaxkïdï daidi gïr maa ïmo utudui oidakaragai. Gï duakatu Suxi Kristo ïpamu tudu gokiïrï xi mutadai ïgai dai kaxkïdï bia aatïmï ïmo kïïgadukami nïnïraragai xibi. Dai kïïga gupuka antaadakana aatïmï gïr utudui oidakaragai bïïtarï maatïkatai sai bia aatïmï go kïïgadukami nïnïraragai gobai.