1 Juan 4:16 - Northern Tepehuan Bible

¹⁶ Gin aaduñi, kïïga maatï taatamai aatïmï ix gïr oigïdai Diuxi. Dai kïïga iibhïxtakan taadakana aatïmï kïïga buaboitudaitai ix gïr oigïdai ïgai. Daiñi, mosïkaxi Diuxi ïgai ix makïdï buaboikïdï oigïdai odami dai ïgai gïr mamaakai gubukarhigai ix aatïmï oigïadagi jaa ïpï. Kaxkïdï gï maatï sai odami ix makïdï mai ugutai oigïadagi jaa, kïïga gï maatï ix urabaka ïgai Diuxi. Dai podukai gï maatï ïpï ix Diuxi ïgai ïmadï daja.

Tepehuan Northern: Diuusi ñiooquidʌ utuducami oodamicʌdʌ

¹⁶ Cʌʌ maatʌ aatʌmʌ isDiuusi gʌroigʌdai dai sʌʌlicʌdʌ vaavoitudai isDiuusi oigʌdai vʌʌsi oodami oidi daama oidacami. Isaipacoga gʌnoigʌadagi oodami aidʌ gia Diuusi ʌʌmadu daja ʌgai.

1 Juan 4:16 Kruisverwysings

VUAANA 6:69

—Aatïmï kïïga gï buaboitudai ix aapi ïr ïko dasadï Diuxi ix makïdï ïgai otoi tami oidigi daama— itïtïdai.

VUAANA 9:3

Daidi go Suxi itïtïdai, —Tomarhi go kïïrhi tomarhi dïïdïdï ïr duñidï sai mai nïadami busai gobai. Bhaiyoma mai nïadami busai gobai sai podukai gï maaxitudana xïïxi ïr gubuakami Diuxi— itïtïdai.

1 Korintios 2:9

Dïï aatïmï buaboitudadami gïr bïïtarï gia ïr buaboi ix dukatai ojixi ïïki Diuxi ñokidïrï. Ami ikaiti sai, Ka bhai darasakami bia Diuxi naana maaxi ixtumaxi bïïtarï odami ix makïdï oigïdai Diuxi. Bhai darasakami bia ïgai naana maaxi ix makïdï tomarhi ïmo odami mai nïidiña dai mai kajioma dai mai tïgitokana ïpï, po tudu kaiti Diuxi ñokidï.

1 Juan 3:1

Gin aaduñi, gïn tïgitobïrai xïïxi kïïga gïr oigïdai Diuxi. Ka maamaradï gïr aagai ïgai di. Dai kïïga ïr buaboi saidi ïr maamaradï aatïmï. Dïï gia go óídakami ix makïdï mai buaboitudai mai maatï sai aatïmï ïr maamaradï Diuxi. Mai maatï ïgai Diuxi tudu, kaxkïdï ¿dukatai maatïkana ïgai xorai ïr maamaradï?

1 Juan 3:16

Daiñi, Suxi Kristo ïïgi gï tïïgi saidi gï muatudana gïr bïïtarï dai pobuadatai gïr tïtïïgidi ïgai ixdukatai kïïgakïrï oigïada aatïmï jaa. Dai gokïdï gï maatï sai gï agai aatïmï xi gamaakadagi tomax tumaxi dai asta ïïgi gïr ibhïdaga soiña rïrhiditai gïr aaduñi.

1 Juan 3:24

Dai toma xorai ix makïdï ïïgiadagi Diuxi sïïrhikamigadï ïgai kïïga biakana urabaragai Diuxi ïmadï. Diuxi gïr maa Ibhïadï saidi gïr ïmadï dakana tudu. Dai ka biakatai aatïmï Diuxi Ibhïadï gokïdï maatï aatïmï saidi ka kïïgakïrï uraba bii aatïmï Diuxi bïïxkïrï bïïtarï.

1 Juan 4:7

Gin aaduñi, kïïga gïn oigïdai aanï dai ipïrhidi aanï saidi gïn ojoigïadagi aapimï aipakoga ïpï. Daiñi, mosïkaxi Diuxi ïgai dai buaboikïdï oigïdai jaa dai mosïkaxi Diuxi ïgai dai gamamaakai gubukarhigai óídakami saidi gïn ojoigïadagi ïgai ïpï. Kaxkïdï gï maatï saidi ïr maamaradï Diuxi go odami ix makïdï buaboikïdï oigïadagi jaa. Dai podukai gï maatï ix bhai kïïga maatï ïgai Diuxi ïpï.