1 Juan 4:11 - Northern Tepehuan Bible

¹¹ Kïïga gïr oigïdai Diuxi tudu gin aaduñi. Dai kaxkïdï gï agai ix aipakoga gïr ojoigïadagi aatïmï ïpï.

Tepehuan Northern: Diuusi ñiooquidʌ utuducami oodamicʌdʌ

¹¹ Giñaaduñi aliʌsi gʌnoigʌdai aanʌ. Dai maatʌcatai vʌʌscatai aatʌmʌ siʌʌsi gʌroigʌdai Diuusi aatʌmʌ ʌʌpʌ gʌaagai isaipacoga gʌroigʌadagi.

1 Juan 4:11 Kruisverwysings

Lukas 10:37

Daidi go kïïrhi potïtïdai, —Ix makïdï soi gïlda tïï dai soi— itïtïdai. Dai Suxi potïtïdai, —Ïjï, ïgai aba. Dai xibi aapi poduñi ïpï ixdukai idui ïgai— itïtïdai.

VUAANA 13:34

Kaxkïdï xibi mai kia imïkai gïn bitulda iñagai ïmo utudui sïïrhikami ix makïdï gï agai ix ïïgiada aapimï. Daiñi, gïn tïanïi aanï mïsai gïn oigïdaiña aipakoga ïpïan dukai ix gïn oigïdaiña aanï.

Efesios 4:31

Gï agai sai ka mai bhakoitïrakagi aapimï tomarhi xi gakokodadagi. Abïr mai soimaaxi ñokada jaa bui daidi abïr mai yaatagïda ïpï dai mai kïïdada jaa ïpï.

Kolosenses 3:13

Dai kïïga abïr gïn kabakada xïïxkadï soi gïn buidadagi ïgai daidi abïr oigïldada. Gï agai xi oigïldagi aapimï ix makïdï soi gïn buidadagi ïpïan dukai ix dui Suxi Kristo aidïxi gïn oigïrhi gïn soimaaxkamiga tudu.

1 Juan 2:7

Gin aaduñi, gïn maakimu aanï ïmo sïïrhikami ñoki ix makïdï gï agai sai ïïgiadagi aapimï. Gïn oigïadabïrai aipakoga tudu. Gobai tudu ïr go sïïrhikami ix makïdï kaxi maatïkatadai aapimï ïïki abhiadïrï. Ïïki abhiadïrï kaïkana aapimï gobai tudu dai maatïkana sai gï agai xi ïïgiadagi gobai.

1 Juan 3:11

Gin aaduñi, dudatai kaïkana aapimï go aatagi xako ikaiti saidi gï agai saidi kïïga gïn ojoigïada aapimï aipakoga. Kaïkana aapimï gobai aidïxi abhiadïrï utudami kaïkatadai aapimï go bhai ïrhiaragai aatagi tudu.

1 Juan 3:23

Diuxi gïr tïjai sai buaboitudaiña aatïmï Maradï, sai buaboitudana aatïmï Suxi Kristo tudu. Dai gïr tïjai sai gïr oigïadagi aatïmï aipakoga ïpï. Gobai ïr go sïïrhikami ix makïdï gïr maa Diuxi tudu.

1 Juan 4:7

Gin aaduñi, kïïga gïn oigïdai aanï dai ipïrhidi aanï saidi gïn ojoigïadagi aapimï aipakoga ïpï. Daiñi, mosïkaxi Diuxi ïgai dai buaboikïdï oigïdai jaa dai mosïkaxi Diuxi ïgai dai gamamaakai gubukarhigai óídakami saidi gïn ojoigïadagi ïgai ïpï. Kaxkïdï gï maatï saidi ïr maamaradï Diuxi go odami ix makïdï buaboikïdï oigïadagi jaa. Dai podukai gï maatï ix bhai kïïga maatï ïgai Diuxi ïpï.

2 Juan 1:5

Dai xibi ipïrhidi aanï saidi gïn oigïdada aapimï aipakoga. Ïmo maakaragai ñoki dukai gïn aagidimi aanï saidi gïn oigïdadagi aapimï dai mai xu xi gubudakïdï gïn aagidimi aanï. Dïï gia Diuxi gia gïr tïjai ïkioma tïsai gïr oigïdada aatïmï. Suxi Kristo podukai gïr aagidi aidïxi gïr mamaakaitadai ïgai ñoki tudu. Kaxkïdï gï agai sai gïr oigïdada aatïmï.