1 Juan 3:7 - Northern Tepehuan Bible

⁷ Gin aaduñi, oidaga odami ix makïdï gïn aagida antaada naana maaxi ix makïdï mai ïpïan kaiti idi ñoki ix makïdï gïn aagidimi aanï xibi. Kaxkïdï gï agai sai kïïga gïn tïtïgitokagi aapimï sai podukai maiti gïn bupuirumadagi ïgai. Daiñi, odami ix makïdï kïïga oijadagi ixtumaxi ïr sïïrhi kïïga buañixikana ïpïan dukai Suxi Kristo mai biakatai soimaaxkami abhana.

Tepehuan Northern: Diuusi ñiooquidʌ utuducami oodamicʌdʌ

⁷ Giñaaduñi maitavʌr gʌndagito mʌsgʌnvupuiirumadadagi. Sioorʌ cʌʌga ʌʌgiadagi Diuusi sʌʌlicʌdʌ cʌʌga ivueeyi ʌpan duucai Suusi Cristo.

1 Juan 3:7 Kruisverwysings

Mataibo 5:20

—Kïïga abïr gïn tïgito ajiopada tudu. Daiñi, kïï maatï aapimï sai go fariseos dai go tïtïïgiadami sïïrhikami kabami gïn aajagïiña ïïgida ïrhiditai ïgai go sïïrhikamigadï Diuxi. Podukai bamioma buañixikami óídaga ïgai xi jaa mui óídakami. Dïï gia aanï aagai sai gï agai óídakami sai apia bamioma buañixikagi xi bhai go fariseos. Ïma dukai mai biakamu ïgai oigaragai xi urabagi Diuxi gatïanïitai ïgai— itïtïdai Suxi.

Lukas 1:75

Xibi bhaigakamu aatïmï xi kïïga buañixikan dukai xadutuadagi ïgai ïko darakatai aatïmï soimaaxkamiañdïrï. Bhaigakamu aatïmï xi xadutudaitai óídakagi bïïx tasai asta xïïxkadï ka iji aatïmï tami oidigi daamaiñdïrï— ikaiti go Zakarias.

Hechos 10:35

Diuxi kïïgakïrï nïidi tomax maaxkami odami ix makïdï ïr xadutuadami Diuxi dai ix makïdï kïïga ibuadagi— itïtïdai Piduru.

Romanos 2:13

Diuxi kïïgakïrï nïidi odami ix makïdï kïïgakïrï ïïgidi sïïrhikamigadï tudu. Dai mai xu kïïgakïrï nïidi ïgai ix makïdï mos kaïkana dai mai ïïgidiña.

1 Korintios 6:9

Gï aagai ix kïï sïïrhi gïn tïgitokagi aapimï maatïkatai sai soimaaxi buadami mai biaka agai oigaragai ix Diuxi tïanïdagi. Daiñi, odami ix makïdï aipakoga boopoiña jaa ïmadï mai biaka agai oigaragai ix Diuxi tïanïdagi. Dai podukai ïpï ix makïdï buaboitudai uubixi, dai ix makïdï abhana boyiña oñigadï ïmai, dai ix makïdï ïïgi gïn ïmadï boopoiña kïkïïrhi dai oki ïpï,

Efesios 5:6

Maiti abïr gïn dagito tudu xi gïn buirumadagi jaa potïkai ïgai sai maiti ïr soimaaxi gobai ix makïdï gïn aagidi aanï xibiki. Daiñi, Diuxi gïgïbitulda agai bïïxi ix makïdï pomaaxi buayi.

Efesios 5:9

Abhai kudagiañdïrï daibïi mosïkaxi ix makïdï ïr kïïgadukïdï dai ix makïdï ïr sïïrhi dai ix makïdï ïr buaboi.

Filipenses 1:11

Daiñi, Suxi Kristo ka kïïga buañixikami gïn bia. Dai aanï kabami daanïi Diuxi saidi gï ibuadagi naana maaxi ixtumaxi kïïgadukami aapimïkïdï ka buañixikatai aapimï. Aidï gia gïn tïgito nïijadamu jaa dai aagadamu xïïxi ïr gïdukami Diuxi dai xadutuadamu ïgai nïiditai ix makïdï ibuayi Diuxi aapimïkïdï.

Hebreos 1:8

Dïï gia gïïpi ïma dukai aagidi ïgai Maradï. Gïïpi bamioma namïakami aa ïgai tudu dai kaxkïdï potïtïdai sai, Aapi in Maara ïr Diuxi dai aapi gia bïïxkïrï bïïtarï biakamu sïïrhikami ix gatïanïda aapi ïmo gïï rey dukai, itïtïdai. Daidi ikaiti Diuxi ïpï aagaitai ïgai, Gin Maara gia kïïga sïïrhi aatabuada agai gatïanïitai ïgai, ikaiti.

Hebreos 7:2

Daidi go Abraam kïïga xadutugi go Melkisedek dai maa ïmo oidaragai. Maa ïgai jaa go maitïki ix makïdï popoki ïgai go maakoba reyes kokodiïrï. Ïïmoko maa ïgai bhabhaibuxtamaiñdarï ix makïdï maitïtadai ïgai go reyes kokodiïrï tudu. Podukai maa ïmo oidaragai go Abraam go Melkisedek. Dai go Melkisedek tïtiaradï itïiya ïrhidi —Go rey ix makïdï sïïrhi aatabuayi—. Dai reykatadai ïgai Salemïrï dai go Salem itïiya ïrhidi ïmo ibhïxtaragai.

Santiago 1:22

Gï agai sai ïïgiada aapimï Diuxi ñokidï tudu dai mai xu mosïkaxi kaïka aapimï. Jaa gia mosïkaxi kaïkana Diuxi ñokidï dai mai kïïga tïgitokana ix kaiti dai mai ïïgidiña. Ïïgi gïn bupuirumadaiña ïgai pobuadatai tudu. Maiti gï agai ix po buadagi aapimï gin aaduñi.

Santiago 2:19

Kïïga pokaitada antaada aapimï sai buaboitudai aapimï sai oidaga Diuxi dai sai ïmaduga ïgai. Kïïgadu aba gobai. Dïï gia aanï aagai sai asta go tïtïañikarudï go diabora kïïga buaboitudai sai oidaga Diuxi dai asta gigibukïiña ïgai ïbhïiditai.

1 Pedro 2:24

Aatïmï gïr ajïakatadai gïgïbidaragai soimaaxi ibuadamikatai aatïmï tudu dïï gia Suxi taata go gïgïbidaragai gïr bïïtarï mukukai kuruxiana. Po dui ïgai saidi ka maiti gïr tïanïdagi go soimaaxkami. Ïpïan dukami gïr bia ïgai ïmo mukiadï ix makïdï ka mai bhaiga xi ïïgiadagi go soimaaxkami tudu. Ka mai bia aatïmï xi ïïgiadagi go soimaaxkami tudu ka koidadï dukai biïkai aatïmï go soimaaxkami bïïtarï. Po dui ïgai sai ka ïma dukai óídakagi aatïmï ibuadatai ixtumaxi ipïrhidi Diuxi. Gï muragitu ïgai saidi kïïgakïrï bubuakïna aatïmï tudu.

1 Juan 2:1

Aapimï gin maamara Diuxi amadïrï, gïn soiña in ïrhidi aanï sai mai soimaaxi ibuada aapimï dai kaxkïdï gïn otoxdi aanï idi ojai. Dïï gia xïduñada soimaaxi ibuadagi ïmadutai aatïmï, aidï gia kïïga maatï aatïmï sai bia aatïmï xorai gïr soiñagi dai gïr ñokituldagi Diuxi buitapi. Ïgai ïr Suxi Kristo ix makïdï kïïga buañixi ibhïadï.

1 Juan 2:26

Gin aaduñi, oidaga odami ix makïdï gïn tïïgida agai yaatagi gïn bupuirumada ïrhiditai dai kaxkïdï gïn ojidi aanï idi ojai mïsai maatïkana dai gïn nukadakana.

1 Juan 2:29

Kïïga maatï aapimï sai Suxi Kristo kïïga buañixi ibhïadï tudu. Dai kaxkïdï gï maatï ïpï sai bïïxi óídakami ix makïdï kïïga buañixikami óídaga ïgai ïr maamaradï Diuxi ïpï ïpïan maaxkatai ïgai Suxi Kristo.

1 Juan 3:18

Gin aaduñi, maiti gï agai sai mosïkaxi pokaitadagi aatïmï sai oigïdai aatïmï jaa. Gï agai bhaiyoma sai ibuada aatïmï ixtumaxi ïr soiñikagi jaa bïïtarï dai podukai mamaaxdagi sai buaboikïdï oigïdai aatïmï.

1 Juan 3:3

Dai kaxkïdï xibi bïïxkatai aatïmï ix makïdï kabakan dukai buaboitudai sai ïpïan mamaaxka ïragai Suxi Kristo xïïxkadï dibiagi ïgai, aatïmï ka maigobai dadasaimi bïïxi go soimaaxkami ix makïdï ibuadana aatïmï. Buañixikan dukai óídaka rïrhidi aatïmï ïpïan dukai Suxi Kristo kaxkïdï.

1 Juan 4:17

Dai bïïx tasai bamioma kïïga oigïdai aatïmï jaa dai bamioma oigïdai aatïmï Diuxi ïpï uraba óídakatai aatïmï ïgai. Kaxkïdï mai bia aatïmï ixtukïdï duduadikudagi ix kaitiadagi Diuxi xïxkadï aagagi ïgai ix bhai kïï dui aatïmï. Ïpïan dukai óídaga aatïmï Suxi Kristo kaxkïdï, oigïdatai aatïmï Diuxi dai oigïdatai aatïmï jaa ïpï.