Yudasi 1:9 - Sura Malelaha

⁹ Mogalori Mikael tadulakonda ope-ope malaeka, bara bai mopapakoi Datu Tokadake. I kapatena nabi Musa, mampombeheheihe watana Musa ba hema au ina mangala. Mikael bara bai mopapakoi Datu Tokadake hangko i kuasana haduduana, agaiana nauliangaa pea: “Pue haduduaNa ina mampokarumpuko!”

Yudasi 1:9 Kruisverwysings

Markus 15:29

Tauna au melempo inditi, molili-liliahe waanda mopapakoi Yesu, rauli, “Ee! Nuuli woo ina mogeroKo Souna Pue Ala hai Nuaro hule i lalu talu alona!

1 Tesalonika 4:16

Lawi i tempona Pue Yesu mendaulu hangko i suruga, ina tahadi hampai pekakiona tadulakonda malaeka hai pomoni tatamburuna Pue Ala. Hai i tempo iti, ina tuwo hulehe ope-ope tomate au mepoinalai i Kerisitu.

1 Peturu 3:9

Ane ara tauna au mobabehi dake irikamu, inee nihurungi. Ane rakakabosaikau, inee worihe nikakabosai. Agina babehianda au kadake iti nihurungi hai pekakae au mamperapiahe pewati hangko i Pue Ala. Lawi Pue Ala mokakiokau mewali taunaNa bona molambikau pewati hangko Iria.

2 Peturu 2:11

Mogalorihe malaeka, au melumbu kamakuasanda hangko i guru iti, barahe bai mopapakoi ba mosalai apa au meawa iti i lindona Pue Ala.

Pampetudungia 12:7

Hangko inditi, moitana pombeala mahile i suruga. Tadulako malaeka au rahanga Mikael hai hangka malaekana moewahe naga iti, hai naga iti radurei wori malaekana.