Yudasi 1:8 - Sura Malelaha

⁸ Mewali, nauri nodomi pehukuna Pue Ala hangkoia i tauna au kadake babehianda, mia-mia pea kadake babehianda tauna au mepakanawo ide-ide. Topangipi-ngipi itihe, tedii lalunda i paturo au sala, ido hai mopakedai peahe watanda hai babehianda au kadake. Mosapuakahe kuasana Pue Ala, hai mopapakoihe ope-ope au makuasa i suruga.

Yudasi 1:8 Kruisverwysings

Lukasi 11:25

Pesulenami lao i tauna au napalehi hangkoia, naita tauna iti nodo sou au tekawohi malelaha hai tekadipura maroa.

Lukasi 12:11

Ane raantikau i tadulako agama ba i topoparenta boea anti peulami Iriko, ineekau langa kana i apa au ina niuliangaahe hai ba noumba pehanami.

Lukasi 19:14

Agaiana i tampona tuana iti, ara worihe tauna au mokahihi. Mewali, i kapaduna, rahawami bona bahangkia suro lao mouliangaa Datu Mahile: ‘Tua, ia inee talanti mewali datungki, lawi bara kiunde!’

Suro 23:5

Nahanai Paulu, “Halalu-halalu bara wongkoia kuisa kaiana Tadulako Mpenomba Mahile. Ara mpuu woa au teuki i lalu Sura Malelaha node: ‘Ineeko motunda-tunda tadulakomu.’ ”

Suro 7:27

Agaiana hadua au mopapahai rangana mohumbanga Musa, nauliangaa: ‘Hema au moangkako mewali tadulakongki hai topebotusingki?

Suro 7:39

Agaiana, nauri nodo, toiorunta hangkoia barahe mengkoru i Musa. Mosapuakamohe petadulakoina, rauli: ‘Agina mesule peamoke lao i tampo Masiri.’

1 Korintu 3:17

Ane ara hadua au mogero sou paidaana Pue Ala iti, ia ina nahuku Pue Ala. Lawi paidaana Pue Ala, malelaha. Hai ikamu halalu, iami sou paidaana Pue Ala.

1 Tesalonika 4:8

Ido hai ane ara tauna au mosapuaka paturo ide, bara manusia au nasapuaka, agaiana Pue Alari au nasapuaka! Tunggaiana Pue Ala moweike Inao Malelaha bona malelaha tuwonta.

1 Timotiu 1:10

tauna au mebualosi hai tauna au mobabehi babehia au merikai nodo au rababehi tobalilo hore tobalilo ba towawine hore towawine, tauna au motawani rangana bona rapohawi tauna au mosabi dongko, hai ope-ope tauna au mobabehi apa au bara hintoto hai paturo au tou.

Ibarani 13:17

Nipeulaimi hawanda tadulakomi hai mengkorukau irihira. Lawi ihira au mokadipura katuwomi, hai au hangangaa mohanaihe Pue Ala kana i pobagonda. Nipeulai hawanda bona matanahe mobago. Ane bara nipeulai hawanda, ina masusa lalunda, hai ane nodo barapi ina ara pobunduana irikamu.

1 Peturu 2:17

Niadaihe ope-ope tauna. Nipokaahi halalumi hampepepoinalai, mengkorukau i Pue Ala, hai nibila datumi.