Yohane 7:7 - Sura Malelaha

⁷ lawi bara ara tauna au mokahihikau. Agaiana Iko, rakahihiNa tauna au kadake i dunia ide, lawi Kupakanotoahe kakadakena babehianda.

Yohane 7:7 Kruisverwysings

Yohane 3:19

Idemi au rahukuahe: Baa hawemi i dunia. Agaiana manusia mounde mani kamakaindi pane kamabaa, lawi kadake babehianda.

Galatia 4:16

Ba niimbarina pae iwalimi, lawi kupahaweakau apa au tou?

1 Yohane 4:5

Nabi au mepawuli iti, hangko i dunia au kadake ide. Ido hai paturonda mesupa wori hangko i dunia au kadake. Hai tauna au barahe mepoinalai i Pue, ihira au mampehadingi hai mampeulai paturonda.

Yakobu 4:4

Halalu, bara hintoto ane mopalehike Amputa hai moulake babehia au kadake i dunia ide. Niisami halalu, ane mampeulaike babehia au kadake i dunia ide, batena mampopewalike watanta iwalina Pue Ala. Hambela mani kuuli: hema au mounde babehia au kadake, ia au mampoiwali Pue Ala!

Yohane 17:14

Kupahaweamohe lolitaMu, ido hai rakahihihe tauna au bara mepoinalai, lawi barahe hampepekiri hai ihira, himbela hai Iko baraNa hampepekiri hai tauna iti.

Roma 8:7

Tauna au moulahe peundeana lalunda au kadake, moewahe Pue Ala. Barahe mengkoru i hawana Pue Ala, lawi bara rabuku.

Lukasi 6:26

Marugikau ane ratoiakau ope-ope tauna, lawi nabi-nabi au mepakanawo ratoia worihe toiorunda hangkoia.”