Yohane 4:9 - Sura Malelaha

⁹ Tingkara mpuu towawine iti, lawi biasana to Yahudi bara raunde mampogaloa to Samaria. Ido hai nauli, “Oio to Yahudi, iko to Samaria. Moapari pane merapiKo owai iriko?”

Yohane 4:9 Kruisverwysings

Matiu 10:5

Au hampulo hai rodua iti natuduhe Yesu lao mobambari Ngkora Marasa. Hangko damanihe meangka, Napaturohe nauli node, “Ineekau lao i boeanda tauna au barahe to Yahudi. Ineekau lao i boeanda to Samaria.

Lukasi 10:33

Bara mahae hangko indo, moliu wori hadua to Samaria i rara iti. Kamoitana tauna au marugi iti, maahi laluna iria.

Yohane 4:27

Tangana mani Yesu mololita hai towawine iti, hawemohe topeguruNa hangko boea. Tingkarahe moita Yesu mololita hai hadua towawine. Agaiana bara ara hadua au bai mekune i towawine iti ba apa paraluuna. Bara worihe bai mekune i Yesu ba apa tunggaiaNa mololita i towawine iti.

Yohane 8:48

Rauli to Yahudi, “Tou mpuu au kiuli! NodoKo to Samaria au napesuangi seta.”

Suro 1:8

Agaiana ina nilambi kuasa ane mendaulu mai Inao Malelaha irikamu. Hai ikamu, ina mewalikau sabiNgku i Yerusale, i humalele tampo Yudea hai Samaria, hawe-hawe i humalele dunia.”

Suro 10:28

Nauliangaahe Peturu, “Niisato, moula atura agamangki, ikami to Yahudi barangkai rapaliu mampogaloa tauna au barahe to Yahudi ba mesua i lalu sounda. Agaiana ara pampetudungiana Pue Ala iriko inona kaindi au mopakanotoana kadana ara manusia au kedai. Bara ara tauna au palia kipogaloahe.

Suro 10:32

Nutudumi taunamu lao i wanua Yope mokakio hadua tauna au rahanga Simo au rahanga wori Peturu. Ia ara i wiwi ntahi i souna Simo topobabehi parewa hangko i koli.’