Yohane 4:3 - Sura Malelaha

³ Kanaisana Yesu apa au rahadi toParisi iti, padumi hangko i tampo Yudea mesule lao i tampo Galilea.

Yohane 4:3 Kruisverwysings

Matiu 10:23

Ane rapopeahi-ahikau i boea au hambua, padukau lao i boea hambuana. Bona niisa, Kuuliangaakau, hangko damanikau roo mobambari Ngkora Marasa i humalele tamponda to Isaraeli, Iko, Ana Manusia, ina hawe.

Markus 3:7

Hangko inditi Yesu hai topeguruNahe meangkahe lao i wiwi rano Galilea. Bosa to Galilea meula i Yesu. Bosa wori au hawe hangko i tampo Yudea,

Lukasi 17:11

I lalu polumaoNa lao i Yerusale, Yesu moula pariolo tamponda to Samaria hai to Galilea.

Yohane 1:43

Kahalona, Yesu motunggai lao i tampo Galilea. Hangko damani meangka, laomi mampombelambia Pilipu hai Nauliangaa, “Meulako Iriko!”

Yohane 10:40

Hangko indo, meangka mbulimi Yesu lao ntanda i orupena owai Yarade i periuana Yohane hangkoia, hai maida inditi.

Yohane 11:54

Ido hai Yesu barapi mampatongawa i olonda to Yahudi bona datipi raita tauna bosa. Padumi Yesu hangko inditi lao i boea au rahanga Epraim i wiwi pada wungi. Maidami inditi hihimbela hai topeguruNa.

Yohane 2:11

Yesu mobabehi tanda kuasa au nguru-nguruna iti i boea Kana i tampo Galilea. Hai tanda kuasa iti, Ia mopatongawa peawaNa. Roo indo, rapoinalaimi topeguruNa.

Yohane 3:22

Roo indo, Yesu hai topeguruNa laohe i tampo Yudea. Maidahe inditi bahangkia alona, moriu tauna.

Yohane 3:32

Ia mampololita apa au Naita hai au Nahadimi, agaiana bara ara au mampoinalai lolitaNa.

Yohane 4:47

Kanahadina tauna iti Yesu mesulemi mai i Galilea hangko i Yudea, laomi tauna iti i boea Kana mampohidupaa Yesu, nauliangaa, “Tua, ane peisa, laoke i Kapernaum, bona Nupakaohaa wongkoia anangku, lawi ina matemi.”

Yohane 7:1

Roo indo, Yesu lao i humalele tampo Galilea. Barapi mau lao i tampo Yudea, lawi arahe tadulakonda to Yahudi inditi au mampeinao mopapate.