Yohane 3:5 - Sura Malelaha

⁵ Nauli Yesu, “Ane tauna bara rapoanaka hai owai hai kuasana Inaona Pue Ala, bara peisa mewali taunana Pue Ala i lalu poparentaNa. Lolitangku ide tou!

Yohane 3:5 Kruisverwysings

Matiu 18:3

hai Nauliangaahe, “Tou lolitaNgku ide: ane barakau mobaliki babehiami hai mewali nodo anangkoi ide, barakau ina mewali taunana Pue Ala i lalu poparentaNa.

Matiu 19:24

Bona niisa: hagolo mani hambaa onta mesua i kalolu gigiu pane topebuku mewali taunaNa Pue Ala i lalu poparentaNa.”

Matiu 21:31

Roo indo, mekune Yesu i tadulako agama Yahudi, Nauli, “Mewali, hangko i anangkoi au rodua iti, hema au mampeulai hawana umanda?” Rahanai tadulakonda to Yahudi, “Au towutu.” Nauli Yesu, “Kana pehanami. Agaiana Kuuliangaakau: tauna au madosa, nodo toperuru asele hai towawine au bara hintoto babehianda, ihirari au ina nadoko Pue Ala mewali taunaNa i lalu poparentaNa, bara ikamu.

Matiu 28:19

Mewali, laomokau i humalele dunia, nipopewalihe ope-ope tauna topeulaNgku, niriuhe i lalu hangana Uma hai Ana hai Inao Malelaha

Matiu 3:11

Nauli mbuli Yohane, “Kuriukau hai owai, tanda pampenosoimimi dosami. Agaiana ina hawe hadua tauna au meliu kuasaNa hangko iriko. Mogalori mowosui peana kandupaNa, barana hintoto. Ia au ina moriukau hai Inao Malelaha hai api.

Matiu 5:20

Mewali, Kuuliangaakau, ane niunde bona mewalikau taunana Pue Ala, hangangaa nipeulai peundeaNa, hai peulami hangangaa meliu hangko i peulanda guru agama hai toParisi.”

Markus 10:14

Kanaitana Yesu apa au rababehi, Ia mokarumpuihe topeguruNa, Nauli, “Pogiangaahe anangkoi iti mai Iriko. Ineehe nikonto, lawi tauna au nodohe anangkoi ide ina mewali taunana Pue Ala i lalu poparentaNa.

Markus 16:16

Hema-hema au mepoinalai Iriko hai rariu, ina tehoremahe hangko i huku dosanda. Agaiana hema au bara mepoinalai batena rahuku.

Markus 9:47

Hai ane pandirina matamu hambali moantiko madosa, nudungkiki peami. Agina hambali pea matamu hai mewaliko taunana Pue Ala i lalu poparentaNa, pane rombali matamu, agaiana kahopoana ratenderiko i lalu api naraka.

Lukasi 13:24

“Au molambi katuwo maroa, peisa rapandiri nodo hadua tauna au mesua i baba au maigu. Hangangaa nipari-pari mesua i baba au maigu iti liana mani tebungkahi. Lawi ane hawemi tempona baba iti natuko ampu sou, bosa tauna ina mampeinaohe mesua, agaiana barapohe peisa. Mewali ane meangka manikau i raoa, ina mekakakiokau merapi bona rabungkahiakau baba. Ina niuli, ‘Ampu bungkahia wongkamia baba!’ Ina nahanai: ‘Barakau kuisa, hai bara wori kuisa kahangko iumbami mai.’

Lukasi 13:3

Bara! Agaiana ane barakau menoso hangko i dosami, batena worikau rahuku.

Lukasi 13:5

Bara! Agaiana ane barakau menoso hangko i dosami, batena worikau rahuku.”

Yohane 1:13

Mewalihe anana Pue Ala bara hangko i ulu bubunda, ba anti posamboko tauna ba anti i peundea manusia. Batena pea mpuu Pue Ala au mampopewalihe anaNa.

Yohane 3:3

Nauli Yesu, “Ane hadua tauna bara rapoanaka sule, bara peisa mewali taunana Pue Ala i lalu poparentaNa. Lolita ide tou.”

Yohane 3:4

Nauli Nikodemus, “Noumbami kapeisana tauna au saemi rapoanaka sule? Peisa pae mesua hule i lalu taina inana hai rapoanaka sule?”

Suro 2:38

Nahanai Peturu, “Hangangaa menosokau hadua-hadua hangko i dosami, hai hangangaa rariukau i lalu hangana Yesu Kerisitu. Ane nodo, Pue Ala ina moampungi dosami, hai Naweikau Inao Malelaha.

Suro 3:19

Halalu-halalu, ido hai hangangaa menosokau hangko i dosami hai mengkorukau i Pue Ala bona Naampungi dosami. Hangko indo, Pue Ala ina mopakaroho lalumi, hai motudu Yesu mai irikamu. Lawi Iami au napakanoto Pue Ala mewali Datu Topehorema.

Roma 14:17

Lawi i lalu poparentana Pue Ala, bara ada mpaande ba paenu au mewali patoana i peitana Pue Ala. Patoana iami lalunta au manoto, pohintuwuta hai ranganta, hai katana lalu au naweike Inao Malelaha.

Roma 8:2

Lawi anti pohintuwuta hai Kerisitu Yesu, Inao Malelaha moweike katuwo au wou hai mokabahake hangko i kuasa dosa au mopaara kapate.

1 Korintu 15:50

Halalu, tunggaiaku node, watanta i dunia ide rapopewali hangko i onto hai wahe. Hai watanta ide ina mate. Ane watanta bara tebaliki, barake peisa maida i lalu poparentana Pue Ala i suruga, lawi indora bara ara kapate.

1 Korintu 2:12

Hai ikita, barake molambi inao hangko i dunia ide, agaiana molambike Inaona Pue Ala bona taisa hinangkana au nawei mberoke Pue Ala.

1 Korintu 6:11

Halalu, arakau au nodo babehiami hangkoia. Agaiana Napamalelahamokau Pue Ala hai Napopewalimokau taunaNa. Napamanotomokau i peitaNa anti pohintuwumi hai Pue Yesu Kerisitu hai anti kuasana Inaona Pue Ala Amputa.

Galatia 6:15

Ratile ba bara, iti bara paraluu. Au paraluu iami katuwo au wou hangko i Pue Ala.

Epesu 5:26

Ope-ope iti Nababehi bona Napatanike mewali taunaNa, Nabahoike hangko i dosanta hai owai hai NgkoraNa,

1 Peturu 1:2

Ikamu, napileikau Pue Ala Umanta lawi nodomi tunggaiaNa hangko i nguru-nguruna. Ia mopileikau, hai anti pobagona Inao Malelaha, mewalimokau kiraNa bona mengkorukau i Yesu Kerisitu hai Napamalelahakau hai waheNa. Kuharunga Pue Ala ina moweikau ngkaia pewati hai roa ngkatuwo.

1 Peturu 3:21

KaNahoremanda hangko i owai au molaboa dunia peisa rapopandiri ada mperiu to Sarani ide-ide, lawi ada iti moanti katuwo maroa irikamu. Ane tababehi ada mperiu iti, bara peake mobahoi watanta. Agaiana ara tunggaiata au melumbu hangko inditi. Ada mperiu iti taimba hambua pamperapita i Pue Ala bona Nabahoike hangko i dosanta. Hai anti katuwona hule Yesu Kerisitu, Naampungi mpuumoke hangko i dosanta.

1 Yohane 2:29

Niisato halalu, Kerisitu mobabehi peundeana Pue Ala. Ido hai niisa wori: ope-ope tauna au mobabehi peundeana Pue Ala, napoanahe Pue Ala.

1 Yohane 5:1

Ope-ope tauna au mampoinalai Yesu iami Datu Topehompo, ihirami au napoana Pue Ala. Hai hema au mampokaahi Pue Ala Umanta, batena mampokaahi wori ope-ope tauna au napoana Pue Ala.