Yohane 3:21 - Sura Malelaha

²¹ Tauna au manoto babehianda, maihe i Baa bona babehianda raita hai tongawami poulanda peundeana Pue Ala.

Yohane 3:21 Kruisverwysings

Yohane 1:47

KamoitaNa Natanael mai mepohidupaa, mololitami Yesu kana i Natanael, Nauli, “Olou mai hadua to Isaraeli ntepuu, ia bara topodongko!”

Yohane 3:20

Ope-ope tauna au mobabehi dake, mokahihihe Baa iti. Barahe mau mohungkuki Baa iti dati tongawa babehianda au kadake.

Yohane 5:39

Moparesakau Sura Malelaha, lawi nipehangu hangko i Sura Malelaha iti nilambi katuwo maroa au bara mokahopoa. Moleri Sura Malelaha iti mololita kana Iriko.

Yohane 7:17

Hema au mampeinao mobabehi peundeana Pue Ala ina raisa kahangko iumbana lolitaNgku ide, ba hangko i Pue Ala mpuu ba lolitaNgkuto pea haduduaNgku.

1 Korintu 15:10

Agaiana anti kabulana laluna Pue Ala hai anti kaNatulungingku, ido hai raangkana mewali suroNa hawe ide-ide. Hai mobundu mpuu kabulana laluNa hai petulungiNa iriko. Lawi mepongka i karaangkaku, meliu pobagongku i Pue hangko i ope-ope surona Pue Yesu au ntanina. Ane rohongku pea haduduangku, bara kubuku mampopolumao bago iti agaiana anti kabulana laluNa Pue Ala hai anti kaNatulungingku, ido hai kubuku.

2 Korintu 1:12

Matana lalungki halalu, lawi kiisa, katuwongki i dunia ide pelumbunami i lalu pohintuwuki hai ikamu, hangko i kabulana mpuu lalungki kipopolumao. Hai apa au kibabehi iti bara hangko i kapande manusia agaiana hangko i kapande au Nakiraiangkai Pue Ala.

Galatia 6:8

Hema-hema pea au mobabehi liliu peundeana laluna au kadake, ina molambi wori wua au kadake iami ragaaki hangko i Pue Ala hawe i hae-haena. Agaiana hema pea au mampeulai liliu peundeana Inao Malelaha, ina molambi katuwo maroa hihimbela hai Pue Ala hawe i hae-haena lawi katuwo au maroa iti hangko i Inao Malelaha.

Epesu 5:9

Lawi hangko i kamabaana lalumi, mesupa ope-ope babehia au maroa, au tou hai au manoto.

Pilipi 1:11

Mekakaena bona nibabehi liliu apa au manoto anti pobagona Yesu Kerisitu i lalu katuwomi, alana bosa tauna motoia hai mampomahile Pue Ala.

Pilipi 2:13

Lawi Pue Ala au mampopokale lalumi pane niunde moula peundeaNa, hai Ia au moweikau karoho moula peundeaNa.

Kolose 1:29

Idomi hai kupari-pari mopaliliu bagongku moula karoho au kuhumba hangko i Kerisitu, lawi mahile mpuu kuasaNa i lalu katuwongku.

Ibarani 13:21

Kuperapi bona handa kaNaparewaimi i hinangkana au maroa bona peisakau mobabehi peundeaNa. Kuperapi bona anti pohintuwuta hai Yesu Kerisitu, Pue Ala mobago i lalunta bona Napokatana mpuuke. Tatoiami Pue Yesu hawe i hae-haena. Amin.

1 Peturu 1:22

Ide-ide, malelahamokau anti pampeulaimi paturo au tou, ido hai niisami mampokaahi halalumi hampepepoinalai i katou-touana. Mewali kuweikau lolita bona mombepokaahikau hadua hai hadua hangko i lalumi mpuu.

1 Yohane 1:6

Ane tauli mohintuwuke hai Pue Ala, moleri tuwoto manike i lalu kamakaindi, modongkomoke hai barake mampeulai paturo au tou.

3 Yohane 1:11

Halalungku! Ineeko mampeulai babehia au kadake. Nupeulaimi babehia au maroa. Tauna au mobabehi roa, tongawa kanapoanandami Pue Ala. Tauna au mobabehi dake, tongawa kadanda mani moisa Pue Ala.

Pampetudungia 3:15

Nauli: Kuisa apa au nibabehi. Barakau malahe, bara worikau mamu. Mobundumi malahe ba mamukau.