Yohane 20:21 - Sura Malelaha

²¹ Nauli mbuli Yesu, “Katinda lalu hawe irikamu. Nodo UmaNgku motuduNa, nodo wori Iko motudukau.”

Yohane 20:21 Kruisverwysings

Matiu 10:16

“Maroa-roakau, lawi Kutudukau lao i tauna au kadake. Ikamu ina nodo dimba i olonda serigala. Hangangaa mapande-pandekau nodo ile, agaiana hangangaa nipamaalusu wori poantimi nodo tadasi manggebodo.

Matiu 10:40

Hema au modokokau, himbelami Iko au nadoko. Hema au modokoNa, himbelami Pue Ala au nadoko, lawi Ia au motuduNa.

Lukasi 24:36

Tanganda mani mololita, unga pea Yesu meangka i olonda hai Natabehe, Nauli, “Roa ngkatuwo hawe irikamu.”

Yohane 13:20

Tou mpuu lolitaNgku ide: hema au modoko tuduaNgku, himbelami Iko au nadoko. Nodo wori, hema au modokoNa, himbelami Pue Ala au nadoko lawi Ia au motuduNa.”

Yohane 14:27

Katinda lalu au hangko Iriko Kuwoliakau. Katinda lalu au hangko Iriko Kuweikau. Au Kuweikau ide, bara nodo au naweikau dunia. Inee karao inaomi, hai ineekau langa.

Yohane 20:19

Kaindina i alo Minggu iti, topeguruna Yesu moguluhe i lalu sou hai ragili babana, lawi langahe i tadulakonda to Yahudi. Unga pea ara Yesu meangka i olonda, hai Natabehe, Nauli, “Roa ngkatuwo hawe irikamu.”

Yohane 20:22

Roo indo, Natawuehe pane Nauli, “Nidokomi Inao Malelaha.

Yohane 20:26

Liumi haminggu, mogulu mbulimohe topeguruna Yesu i lalu sou iti. I tempo iti, Tomas ara womi indo. Hai ope-ope baba ragilimi. Nauri nodo, unga pea Yesu ara meangka i olonda, hai mololita, Nauli, “Roa ngkatuwo hawe irikamu.”

Yohane 3:17

Pue Ala motudu AnaNa mai i dunia bara mai mohuku manusia. Agaiana bona mai mohorema manusia hangko i huku dosanda.

Suro 1:2

duuna hawe i alo pengkaoreNa lao i suruga. Karoona rapapate hai tuwo hule, Yesu mopatongawa wataNa i suroNa. I lalu iba pulona alona, bosa belana mampetudungia wataNa bona tongawa katuwo huleNami. I tempo iti, ihira ara hihimbela hai Ia, hai Napahaweahe kana i poparentana Pue Ala. Hangko damani mengkaore lao i suruga, Naweihe hawaNa hai kuasaNa Inao Malelaha i suroNa au Napileimi.

Suro 1:8

Agaiana ina nilambi kuasa ane mendaulu mai Inao Malelaha irikamu. Hai ikamu, ina mewalikau sabiNgku i Yerusale, i humalele tampo Yudea hai Samaria, hawe-hawe i humalele dunia.”

2 Timotiu 2:2

Ope-ope paturo au nuhadimi hangkoia hangko iriko, i lindonda tauna bosa, hangangaa nupaturoa worihe tauna ntanina au peisahe rapoinalai hai au rabuku mopaguru tauna ntanina.

Ibarani 3:1

Halalu-halalu au mewali taunana Pue Ala au Nakakio mesua i suruga, nipailalu kahemana Yesu. Ia tuduana Pue Ala hai Tadulako Mpenomba Mahile au tapoinalai.

3 Yohane 1:14

Lawi kuharunga barapi mahae ina mohidupa mbulike bona ara katepakanta mololita sambela.