Yohane 16:5 - Sura Malelaha

⁵ Agaiana ide-ide, ina laomoNa i UmaNgku au motuduNa, hai barakau ara hadua au mekune Iriko ba iumba kalaoaNgku.

Yohane 16:5 Kruisverwysings

Yohane 13:3

Agaiana naisa Yesu kanaweiNami UmaNa ope-ope kuasa. Naisa wori Ia hangko i Pue Ala, hai ina mesule hule i Pue Ala.

Yohane 13:36

Simo Peturu mekune i Yesu nauli, “Pue, ina laoKo iumba?” Nahanai Yesu nauli, “I kalaoaNgku, bara maniko peisa lao. I alo au ina mai, hangko peisaNa nuula.”

Yohane 14:28

Nihadimi lolitaNgku inona au manguli: ‘Ina paduNa, hai ina mesule huleNa irikamu.’ Ane nipokaahi mpuuNa, hangangaa nipokatana wori kalaoNgku i UmaNgku, lawi UmaNgku meliu kamahilena tuwoNa pane Iko.

Yohane 16:10

Ia ina mopatongawa kamanotoNgku, lawi ina laomoNa i UmaNgku, hai barapoNa niita.

Yohane 16:16

Nauli mbuli Yesu, “Hampalai pearai, barapoNa ina niita. Hampalai pearai wori, ina niita suleNa.”

Yohane 16:17

Wulimohe topeguruNa, hai arahe au mombekune-kune, rauli, “Apa tunggaiaNa pane Nauliangaake, ‘Hampalai pearai, barapoNa ina niita. Hampalai pearai wori, ina niita suleNa’? Hai apa wori tunggaiaNa pane Nauli, ‘LaoNa i UmaNgku’?”

Yohane 16:28

MeangkaNa hangko i UmaNgku maiNa i dunia ide. Ide-ide, ina Kupalehimi dunia ide, hai mesuleNa i UmaNgku.”

Yohane 17:13

Ide-ide, ina mesulemoNa Irio Uma. Ope-ope ide Kuuli i tempoKu mani hihimbela hai ihira i dunia ide bona buke kamatananda au ralambi hangko Iriko.

Yohane 17:4

Uma, Kupatongawami peawaNa tuwoMu i dunia ide i poparooNgku bago au NuweiNa.

Yohane 6:62

Ane nodo, noumbami ane moitakau Ana Manusia mengkaore lao i paidaaNa nguru-nguruna?

Yohane 7:33

I tempo iti, Yesu tangana mololita i tauna bosa, Nauli, “BarapoNa mahae hihimbela hai ikamu, ina mesuleNa lao Iria au motuduNa.

Ibarani 1:3

Hangko Iria tongawa peawana tuwona Pue Ala. Hangko i Yesu moitake poantina hai kuasana Pue Ala. Ia au mokadipura hinangkana au ara hai lolitaNa au makuasa. Ia au mohuhu wataNa rapapate bona mobahoi manusia hangko i dosanda. Hai roo indo, mengkaoremi lao i suruga mohuda ntanda i koanana Pue Ala i lalu poparentaNa.

Ibarani 12:2

Hangangaa mokamatake Yesu au mobungkahimi rara pepoinalainta hai au mopahandai pepoinalainta. Lawi Ia mantaha liliu i lalu kapari duuna mate i kau mombehape. KapateNa iti mepakaea ntepuu. Agaiana nauri nodo, bara Napailalu, Nahuhu pea wataNa rapaku i kau mombehape, lawi Napeinao molambi katana i bokona. Ide-ide mohudami ntanda i koanana kadera kadatuana Pue Ala i suruga.