Yohane 16:22 - Sura Malelaha

²² Nodo wori ikamu: ide-ide masusa lalumi lawi ina paduNa. Agaiana ina Kupohidupaa hulekau. I tempo iti, ina matana hulekau, hai bara ara au peisa moala kamatana iti hangko irikamu.

Yohane 16:22 Kruisverwysings

Matiu 28:8

Hoholigahe towawine iti padu hangko i talumba. Langa mpuuhe, agaiana matana worihe. Melangkamohe lao i topeguruna Yesu lawi rapeinao mopahawe apa au mewali.

Lukasi 10:42

Katouana, ara hampaka au paraluu ntepuu; hangangaa mampehadingike Ngkorana Pue Ala. Iti au maroa ntepuu, hai itimi au napilei Maria. Hai apa au napilei Maria bara ina raala hangko iria.”

Lukasi 16:25

Nahanai Burahima: ‘Anangku, nukatuinao tuwomu i dunia: i tempo iti, molambimoko ope-ope au maroa, agaiana Lasaru molambi pea kapari. Ide-ide, tepalindomi Lasaru inde, agaiana oio hangangaa molambi kapari.

Lukasi 19:26

Mehana datu, nauli, ‘Bona kuuliangaakau, hema au peisa rapoinalai i apa au rawei, ina rawei mbuli. Agaiana hema au bara peisa rapoinalai, nauri haodi pea au rawei, batena ina raala hule.’

Lukasi 24:41

Anti kamatananda, bara gaga mani rapoinalai hai rapotingkara wori. Ido hai nauli Yesu, “Ara ditihou paandemi?”

Yohane 14:1

Yesu mololita i topeguruNa, nauli, “Inee bata-bata lalumi! Mepoinalaimokau i Pue Ala, hai mepoinalai worikau Iriko.

Yohane 14:19

Hampalai pearai, barapoNa ina raita tauna i dunia. Agaiana ikamu, ina niitaNa hai ina tuwokau, lawi Iko, tuwoNa.

Yohane 14:27

Katinda lalu au hangko Iriko Kuwoliakau. Katinda lalu au hangko Iriko Kuweikau. Au Kuweikau ide, bara nodo au naweikau dunia. Inee karao inaomi, hai ineekau langa.

Yohane 16:16

Nauli mbuli Yesu, “Hampalai pearai, barapoNa ina niita. Hampalai pearai wori, ina niita suleNa.”

Yohane 16:20

Tou mpuu lolitaNgku ide: ina moteriakau, agaiana tauna au bara mepoinalai Iriko, matana-tanahe. Ina masusa lalumi, agaiana kamasusana lalumi iti ina tebaliki mewali kamatanami.

Yohane 16:6

Masusa lalumi i kanihadina lolitaNgku inona au mouli kaina paduNgku.

Yohane 21:7

Hangko inditi, topeguruna Yesu au Napokakaia mouliangaa Peturu, “Olou Pue!” Kanahadina Peturu lolitana, mebadumi (lawi ia bara mebadu), hai mengkanawo i owai monangu lao i lorena.

Yohane 4:14

Agaiana hema au moenu owai au Kuwei, barapi mangkadou hawe i hae-haena. Lawi owai au Kuwei iti, ina moili liliu i laluna; lempona, ina molambi katuwo maroa au bara mokahopoa.”

Suro 13:52

Topepoinalai i Pue Yesu i Antiokia, nakuasaimohe Inao Malelaha hai matana mpuu lalunda.

Suro 16:25

Tanga kaindi, Paulu hai Silas mekakae hai monanihe motoia Pue Ala. Naninda iti, rapehadingihe toratarunggu au ntanina.

Suro 2:46

Alo-alona teruhuhe i Souna Pue Ala. Mokira-kirahe roti anti pokatuinaonda Pue Yesu, hai maande sambelahe i sounda i lalu katana-tana moula kabulana lalunda.

Suro 5:41

Padumohe suro iti mopalehi poteruhuanda. Matana mpuu lalunda, lawi Naweihe Pue Ala katepaka rapopeahi-ahi hai rakakabosai anti peulanda i Yesu.

2 Korintu 6:10

Masusa lalungki, agaiana matana liliu woringkai. Tuwongki meahi-ahi, agaiana moantingkai pewati i tauna bosa. I peitana manusia, ngkaia kamakurangki, agaiana katouana hinangkana ara irikami.

2 Tesalonika 2:16

Pue Ala motudungiake ahiNa, hai mopakaroho lalunta hawe i hae-haena, hai Naweike peharunga au maroa anti kabulana laluNa. Ido hai mekakaengkai i Amputa Yesu Kerisitu hai Pue Ala Umanta bona Napakaroho hai Napatetida lalumi bona maroa ope-ope lolitami hai babehiami.

Ibarani 10:34

Maahi lalumi i tauna au ratarunggu anti peulanda i Pue Yesu. Ane anu-anumi rarampaki, bara nipokaehua. Agaiana batemi matana, lawi niisa kaarana au rapasilolongaakau i suruga au meliu kamaroana hai au bara mokahopoa.

Ibarani 6:18

Ane Pue Ala mopahawe dandiNa, bara modongko. Nodo wori ane Ia mohowara sumpaNa, bara modongko. Lolita au rompaka iti bara ara katebaliana. Pue Ala modandi hai mosumpa bona maroho lalunta. Hai ikita ide, mopalehimoke katuwonta hai dosanta hangkoia bona tapegia apa au Nadandiake.

1 Peturu 1:8

Nauri bara manikau moita Yesu Kerisitu, agaiana, nipokakaiami. Hai ide-ide, bara mani wori niita, agaiana nipoinalaimi. Ido hai matana lalumi, hai kamatanami iti mahile, melumbu hangko i apa au peisa rapololita.