Yohane 1:51 - Sura Malelaha

⁵¹ Roo indo, nauli mbuli Yesu, “Tou mpuu lolitaNgku ide: ina niita langi tebungkahi hai malaekana Pue Ala mendaulu mengkahe mai Iriko, Ana Manusia.”

Yohane 1:51 Kruisverwysings

Matiu 25:31

“Iko Ana Manusia, ane hawe suleNa, ina meawaNa hai mahile mpuu kamakuasaNgku, hai ina raporangaiNa ope-ope malaeka. Ina mohudaNa i pohudaa kadatuaNgku au meawa.

Matiu 26:24

Iko Ana Manusia hangangaa mateNa nodo au tepakanotomi i lalu Sura Malelaha. Agaiana hurewumi tauna au mampobaluNa. Agina tauna iti, ineemi rapoanaka.”

Matiu 3:16

Karoona Yesu rariu, mesoremi hangko i lalu owai. Unga pea tebungkahi langi, hai Ia moita Inaona Pue Ala nodo tadasi manggebodo mendaulu Iria.

Matiu 4:11

Hangko inditi, padu mpuumi Datu Tokadake mopalehi Yesu, pane hawemohe malaeka morora.

Matiu 8:20

Nahanai Yesu, Nauli, “Serigala ara kalolunda, hai tadasi ara haranda, agaiana Iko, Ana Manusia, bara ara sou au Kupaturui.”

Matiu 9:6

Bona niisa, Iko, Ana Manusia, makuasaNa moampungi dosa i dunia. Ide-ide ina Kupatongawaakau kaarana kuasaNgku moampungi dosa.” Hangko inditi, membalilimi i topalu iti, Nauliangaa, “Mearomoko, nulolomi alemu, hai mesulemoko!”

Markus 1:10

Pesorena Yesu hangko i owai, Naitami langi tebungkahi hai Inao Malelaha nodo tadasi manggebodo mendaulu Iria.

Markus 14:62

Nahanai Yesu, Nauli, “Io, Ikomi, hai ina niitaNa, Iko Ana Manusia, mohuda ntanda i koanana Pue Ala au makuasa, hai ina niita woriNa mai mendaulu hangko i suruga i lalu gawu.”

Lukasi 2:13

Toporewu iti, unga peahe moita bosa malaeka hihimbela hai malaeka au nguru-nguruna inona. Malaeka iti, motoiahe Pue Ala, rauli,

Lukasi 22:43

[Roo indo, hawemi hadua malaeka hangko i suruga mai mopakaroho laluNa.

Lukasi 22:69

Mewali, idemi pehanaNgku: barapi mahae Ana Manusia ina mohuda ntanda i koanana Pue Ala au makuasa.”

Lukasi 24:4

Wuli mani lalunda moita iti, unga peahe ara rodua tobalilo au mehampi mengkila-ngkila meangka i holanda.

Lukasi 3:21

Hangko damani Yohane ratarunggu, bosa tauna lao iria bona rariu. Yesu lao wori mampoperiu i Yohane. Karoona Yesu rariu, i tempona mekakae, tebungkahimi langi,

Yohane 1:50

Nauli Yesu, “Ba nupoinalai lawi Kuuli kaKuitamu i woi kau ara? Ina nuita mbuli tanda kuasa au meliu kamahilena hangko inditi.”

Yohane 10:1

Nauli Yesu, “Tou mpuu lolitaNgku ide: ane ara hadua tauna mesua i lalu gimpu bara moliu i babaka agaiana mengkaheri i wala, tauna iti iami topanangka hai tokadake.

Yohane 10:7

Ido hai Nauli mbuli, “Tou mpuu lolitaNgku ide: Ikomi babaka au rapoliungi dimba mesua i lalu gimpu.

Yohane 13:16

Tou mpuu lolitaNgku ide: hadua hawi bara meliu karabilana hangko i ampuna. Hadua tudua bara meliu karabilana hangko i tauna au metudu.

Yohane 13:38

Nauli Yesu, “Pebai mpuuko pae mate anti peulamu Iriko? Tou lolitaNgku ide: Bona nuisa, hangko damani motuturua manu wengi ide, talumi belana nusapuakaNa.”

Yohane 14:12

Tou mpuu lolitaNgku ide: tauna au mepoinalai Iriko, peisahe mobabehi nodo au Kubabehi, ba melumburi hangko i apa au Kubabehi, lawi ina laomoNa i UmaNgku.

Yohane 16:20

Tou mpuu lolitaNgku ide: ina moteriakau, agaiana tauna au bara mepoinalai Iriko, matana-tanahe. Ina masusa lalumi, agaiana kamasusana lalumi iti ina tebaliki mewali kamatanami.

Yohane 16:23

I tempo iti, barapokau paraluu mekune ba merapi apa-apa Iriko. Tou mpuu lolitaNgku ide apa pea au niperapi i UmaNgku i lalu hangaNgku, batena mpuukau Nawei.

Yohane 21:18

Tou mpuu lolitaNgku ide: i tempomu mani mangura, mowewe saduduako pekomu, hai laoko iumba pea peundeamu. Agaiana ane saemoko hangalo, ina mohuhuko taiemu rataka tauna ntanina hai raantiko lao i paidaa au bara nuunde.”

Yohane 3:3

Nauli Yesu, “Ane hadua tauna bara rapoanaka sule, bara peisa mewali taunana Pue Ala i lalu poparentaNa. Lolita ide tou.”

Yohane 3:5

Nauli Yesu, “Ane tauna bara rapoanaka hai owai hai kuasana Inaona Pue Ala, bara peisa mewali taunana Pue Ala i lalu poparentaNa. Lolitangku ide tou!

Yohane 5:19

Mewali mololitami Yesu irihira, Nauli, “Tou mpuu lolitaNgku ide: Nauri AnanaNa Pue Ala, baraNa peisa mobago moula peundeaKu haduduaNgku. Apa au Kuita Nababehi UmaNgku, batenami iti au Kupobago. Apa pea bagona UmaNgku, iti wori bagoNgku,

Yohane 5:27

Nawei woriNa kuasa mobotusi kara-kara manusia, lawi Iko Ana Manusia worina.

Yohane 6:26

Mehana Yesu, “Tou mpuu lolitaNgku ide: Kuisa apa tunggaiami mohaokiNa. NihaokiNa lawi mabuhumokau Kupaande, bara anti poisami lempona tanda au Kubabehi.

Yohane 6:32

Nauli Yesu, “Tou mpuu lolitaNgku ide: bara nabi Musa au moweikau paande hangko i suruga. UmaNgkuri au moweikau paande au tou-tou hangko i suruga.

Yohane 6:47

Tou lolitaNgku ide: hema au mepoinalai Iriko, molambihe katuwo maroa au bara mokahopoa.

Yohane 6:53

Ido hai Nauliangaahe, “Tou mpuu lolitaNgku ide: ane barakau moande onto Ana Manusia, hai barakau moenu waheNa, barakau ina molambi katuwo au bara mokahopoa.

Yohane 8:34

Nauli Yesu, “Tou mpuu lolitaNgku ide: ope-ope tauna au mobabehi liliu dosa, napohawihe dosa.

Yohane 8:51

Tou mpuu lolitaNgku ide: hema au mampeulai lolitaNgku, barahe ina mate i hae-haena.”

Yohane 8:58

Nauli Yesu, “Tou mpuu lolitaNgku ide: hangko damani Burahima mesupa, Iko aramoNa!”

Suro 10:11

I lalu pampetudungia iti, naitami langi tebungkahi hai ara au nodo bana mapeka. Iba hunona rabararangi, hai bana iti raulu hawe i tampo.

Suro 7:56

Nauli Setepanu, “Peita! Kuita langi tebungkahi hai Ana Manusia meangka ntanda i koanana Pue Ala!”

2 Tesalonika 1:7

Hai Ia ina mokabahakau hangko i kaparimi, nodo wori ikami. Hinangkana iti ina Nababehi i kahawena hule Pue Yesu au ina mendaulu mai hangko i suruga hai malaekaNa au makuasa hai api au lolaa.

2 Tesalonika 1:9

Tauna au barahe mepoinalai ina molambihe pehuku au bara mokahopoa, hai ina ratendehe hangko i Pue, duuna barapohe moita kamakuasaNa hai peawaNa au mahile.

1 Timotiu 3:16

Maroa ntepuu paturo au tapeulai anti pengkorunta i Pue Ala. Hangkoia paturo iti bara raisa tauna, agaiana ide-ide natudungiamoke Pue Ala. Lawi idemi au tapoinalai kana i Yesu Kerisitu: Iami au mewali manusia, au napakanoto Inao Malelaha, hai au raita malaeka. BambariNa rapahawe i tauna au bara manihe moisa Pue Ala, hai Ia rapoinalai tauna i humalele dunia, hai naore Pue Ala lao i suruga i lalu peawaNa.

Ibarani 1:14

Bara hambela, lawi malaeka iti topobagoNa peahe Pue Ala au Natudu motulungi hai mokadipura tauna au ina molambi katehorema.

Yudasi 1:14

Ara lolitana Heno hangkoia au mampololita pehukuna Pue Ala i guru au mepakanawohe i tempo ide. Heno iti iami pemuleana Adama au kapituna lapina. Nauli node, “Tou-tou Pue ina mai hihimbela hai malaekaNa au malelaha au kabosanda isabuna.

Pampetudungia 19:11

Roo indo, kuita suruga tebungkahi, hai kuita hambaa dara au bula. Hai au mesawi i dara iti, rahanga: “Au Tetida hai Au Manoto.” Manoto pebotusiNa, hai ane mombeala, mombeala i kanoto-notoana.

Pampetudungia 4:1

Roo ido, ara mbuli au rapatongawaana. Moitana hambua baba i suruga tebungkahi, hai mohadi mbulina hambua wotu nodo au kuhadi nguru-nguruna. Pomonina nodo tatamburu. Nauliangaana, “Maiko! Ina Kutudungiako apa au hangangaa mewali i alo au ina mai.”