Yakobu 1:9 - Sura Malelaha

⁹ To Sarani au meahi-ahi tuwonda, hangangaa matanahe, lawi nauri nodo, batena napaiwongkohe Pue Ala anti pepoinalainda.

Yakobu 1:9 Kruisverwysings

Lukasi 1:52

Datu Napopendauluhe hangko i lantinda, Agaiana tauna au mengkaiwoi, Napaiwongkohe.

Lukasi 10:20

Agaiana nauri nodo, inee nipokatana pengkorunda seta irikamu. Aginari nipokatana kateukinami hangami i lalu suruga.”

Lukasi 14:11

Hema au mampeindora ina rapaiwoi, hai hema au mengkaiwoi ina rapaiwongko.”

Lukasi 9:48

hai Nauliangaahe, “Hema au modoko hai au motulungi anangkoi ide anti peulana Iriko, lempona Ikomi au nadoko. Hai hema au modokoNa, bara Iko pea au nadoko, agaiana modoko wori Pue Ala au motuduNa. Hema au mengkaiwoi, iami au mahile tuwona.”

Roma 8:17

Mewali, ane napoanamoke Pue Ala, taisa kaina molambita pewati au napasilolongami Pue Ala i anaNahe. Pewati iti tahumba hihimbela hai Kerisitu. Ane mantodihake himbela hai Kerisitu, i alo pebotusi ina molambi worike katuwo mahile hihimbela hai Ia.

2 Korintu 6:10

Masusa lalungki, agaiana matana liliu woringkai. Tuwongki meahi-ahi, agaiana moantingkai pewati i tauna bosa. I peitana manusia, ngkaia kamakurangki, agaiana katouana hinangkana ara irikami.

Pilipi 3:14

Iko nodona hadua tauna au momberiri melangka: barapi kupembalilingi apa au i taleungku, melangka liliuna monontohi au kutunggai. Kupari-pari moula peundeana Pue Ala bona molambina parasee penangi au naweina Pue Ala i suruga, ido hai pane Nakakiona mohintuwu hai Kerisitu Yesu.

Pilipi 3:3

Katouana ikitami au manoto i peitana Pue Ala lawi menombake Iria moula peninina Inaona haduduaNa, hai matana mpuu lalunta anti pohintuwuta hai Kerisitu Yesu. Barake moharunga ada au raita pea i raoa bona mewalike manoto i peitana Pue Ala.

1 Peturu 2:9

Agaiana ikamu, halalu, napileimokau Pue Ala au mampopewalikau nodo tadulako mpenomba au mampopolumao bago mpenomba i Datunta. Napatanikau mewali kiraNa hai taunaNa au malelaha. Pue Ala mopileikau hai mokakiokau hangko i kamakaindi mesua i lalu kamabaaNa au merae ntepuu bona mopahawekau bagoNa au maroa i ope-ope tauna.

Pampetudungia 2:9

Nauli: Kuisa kapari au morumpakau, hai Kuisa peahi-ahimi, agaiana katouana pebukukau i lalu pepoinalaimi. Kuisa noumba karakakabosaimi tauna au moulihe katoYahudinda. Agaiana katouana, i lalunda barahe to Yahudi; topegurunarihe Datu Tokadake.