Yakobu 1:1 - Sura Malelaha

¹ Tabea hangko iriko, Yakobu, hawinana Pue Ala hai Pue Yesu Kerisitu. Sura ide kupakatuakau to Isaraeli au hampulo hai rontina au mahawukau i humalele dunia.

Yakobu 1:1 Kruisverwysings

Matiu 13:55

Bara pae Ia ana basi pea? Bara pae Maria inaNa? Bara pae HalaluNahe, Yakobu, Yusupu, Simo hai Yudasi?

Matiu 19:28

Nahanai Yesu, “Bona niisa: i alo pebotusi i tempona Pue Ala mopawou hinangkana, Iko Ana Manusia ina mohuda moparenta i pohudaa au meawa. I tempo iti, ikamu au meula Iriko ina mohuda worikau i pohudaa au hampulo hai rombua, moparenta to Isaraeli au hampulo hai rontina.

Lukasi 22:30

bona maande hai maenu sambelake i hambua meja i lalu poparentaKu. Hai ina mohuda worikau i pohudaa au hampulo hai rombua moparentai to Isaraeli au hampulo hai rontina.”

Yohane 12:26

Hema au naunde mewali hawiNgku, hangangaa meula Iriko bona iumba kalaoaNgku, inditi wori ia. Hai hema au mewali hawiNgku ina napomahile UmaNgku.”

Yohane 7:35

Wulimohe tadulakonda to Yahudi mohadi lolitaNa, hai mombekune-kunemohe, rauli, “Ina laori wei iumba pane Nauli barapi talambi? Ba ina lao i tampo ntanina maida hihimbela hai to Yahudi au mampogaloahe to Yunani bona mopaguruhe to Yunani inditi?

Suro 1:13

Kahawenda i Yerusale, liliuhe lao i sou paidaanda, mengkahehe i lincu au i wongko. Suronahe Pue Yesu iti iami: Peturu, Yohane, Yakobu hai Andaria; Pilipu hai Tomas; Bartolomeus hai Matiu; Yakobu anana Alfeus, Simo to Selot hai Yudasi anana Yakobu.

Suro 12:17

Hangko inditi, Peturu moangka taiena mopakandiihe, hai natuntuamohe noumba kanapopesuwuna Pue hangko i lalu tarunggu. Napahopomi Peturu lolitana hai naperapi, nauli, “Apa au mewali iti, nipahawe wori i Yakobu hai i halalunta hampepepoinalai au ntanina.” Roo indo, meangkami Peturu lao i paidaa ntanina.

Suro 15:13

Karoonda Baranaba hai Paulu mololita, Yakobu mopahawe wori lolitana, nauli, “Halalu-halalu, nipehadingi lolitangku.

Suro 15:21

Hangko i ope-ope Aturana Musa, hawa au bahangkia iti pea au tapahaweahe, datike mopakoi inaonda to Yahudi. Lawi hangkongkoiami, to Yahudi au maida i boea-boeana mobasa Sura Aturana Musa i Alo Pengkarooangaa i sou penombaa. Hai Atura iti rabambari i ope-ope boeanda.”

Suro 15:23

I lalu sura iti, teuki node: “Ikami, surona Pue Yesu hai penatua-penatua hahalalumi hampepepoinalai au arangkai inde, mopakatungkai sura ide irikamu halalu hampepepoinalaingki au barakau to Yahudi i wanua Antiokia hai humalele Siria, hai i propinsi Kilikia. Tabea!

Suro 2:5

Tempo iti, bosahe to Yahudi hangko i humalele dunia au maida i Yerusale. Ope-ope tauna iti mengkoruhe i Pue Ala.

Suro 21:18

Kahalona laomongkai hihimbela hai Paulu mosondaki Yakobu, penatua i Yerusale. Ope-ope tadulako ntanina teruhu worihe hihimbela hai Yakobu.

Suro 23:26

“Gubernur Feliks au rabila. Tabea hangko iriko, Klaudius Lisias.

Suro 26:7

Dandina iti rapoinalai wori ope-ope halalunta to Yahudi au hampulo hai rontina au menomba liliuhe i Pue Ala. Datu au kubila, hangko i peharungangku iti, ido hai rasalaina to Yahudi.

Suro 8:1

Saulu wori mampokana karapapatena Setepanu iti. Mepongka alo iti, ope-ope topepoinalai i Pue Yesu au ara i Yerusale rapopeahi-ahi mpuumohe, alana mahawuhe i humalele tampo Yudea hai Samaria. Batenda pearai surona Pue Yesu au barahe melangka.

Roma 1:1

Sura ide hangko iriko, Paulu, hawina Yesu Kerisitu, au Napilei hai Natudu mobambari Ngkora Marasa hangko i Pue Ala.

Galatia 1:19

Tempo iti, kupohidupaa wori Yakobu halalu ntepuuna Pue Yesu. Agaiana surona Pue Yesu au ntanina, barahe kuita.

Galatia 2:12

Nguru-nguruna ia bara mampopontani to Yahudi hai tauna au barahe to Yahudi, lawi ia biasa maande hihimbela hai halaluna hampepepoinalai au barahe to Yahudi. Agaiana i kahawenda bahangkia rangana Yakobu hangko i Yerusale, Peturu mokaraohihe halaluna hampepepoinalai au bara to Yahudi. Kahopoana, barapi mau maande hihimbela hai ihira, lawi langa rasalai to Yahudi au hangko hawehe.

Galatia 2:9

Mewali, Yakobu, Peturu hai Yohane iti, au rauli tadulakonda ope-ope to Sarani i Yerusale, mololitahe rauli, “Tou, Paulu nakakio Pue Yesu mewali suroNa.” Mewali iko hai Baranaba radoko maroangkai. Mombetabemongkai mewali tanda kahintuwungki. I tempo iti, himpudumongkai bona ihira au mopahawe Ngkora Marasa i to Yahudi, hai ikami au mopahawe Ngkora Marasa i tauna au barahe to Yahudi.

Pilipi 1:1

Sura ide hangko irikami Paulu hai Timotiu, hawina Kerisitu Yesu, kipakatuakau halalungki hampepepoinalai i lalu Kerisitu Yesu i wanua Pilipi, hai tauna au mampopolumao bagona Pue i olomi, maroa penatua, maroa diaken.

2 Timotiu 4:21

Nupari-pari mai hangko damani hawe tempo makuli! Tabeanda wori Ebulus, Pudes, Linus hai Klaudia, hai hangko i ope-ope halalunta hampepepoinalai au arahe inde.

Titu 1:1

Sura ide hangko iriko, Paulu, hawina Pue Ala hai surona Yesu Kerisitu. Naangkana Pue Ala mewali suroNa, hai Natuduna mopakaroho pepoinalainda tauna au Napilei. Natudu worina mopaguruahe paturo au tou, lawi ane tapeulai paturo au tou iti, ina mengkoruke i Pue Ala.

1 Peturu 1:1

Sura ide hangko iriko, Peturu, surona Yesu Kerisitu. Sura ide kupakatu irikamu halalungku au napileimokau Pue Ala, au mahawukau i propinsi Pontus, Galatia, Kapadokia, Asia hai Bitinia, hai au maidakau nodo topolilo i olonda tauna au barahe moisa Pue Ala.

2 Peturu 1:1

Sura ide hangko iriko, Simo Peturu hawina hai surona Yesu Kerisitu, kupakatuakau halalu au mepoinalai i Yesu Kerisitu. Yesu Kerisitu iami Pue Ala au mohoremake hangko i huku dosanta. Anti kamanotona Pue Ala, Napopewalimokau taunaNa au mepoinalai Iria, himbela hai ikami suroNa.

Yudasi 1:1

Sura ide hangko iriko Yudasi, hawina Yesu Kerisitu hai halaluna Yakobu. Sura ide kupakatu irikamu halalu au nakakiokau Pue Ala Umanta mewali taunaNa. Pue Ala mampokaahikau, hai Yesu Kerisitu ina mokampai liliukau duuna i kahaweNa hule.

Pampetudungia 7:4

Hai ara au mouliangaana kabosanda au rapekatandai: hangatu iba pulona hai iba sabuna. Au rapekatandai iti, hangko i hampulo hai rontina to Isaraeli.