Titu 3:2 - Sura Malelaha

² Ineehe mopakadake hanga tauna, ineehe mombembehanai. Hangangaa rapamaalusu poantinda, hai mengkaiwoi liliuhe i ope-ope tauna.

Titu 3:2 Kruisverwysings

Matiu 11:29

Nihaleami haleaNgku, hai megurukau Iriko bona molambikau katinda lalu. Lawi maalusuNa hai mengkaiwoiNa.

Suro 23:5

Nahanai Paulu, “Halalu-halalu bara wongkoia kuisa kaiana Tadulako Mpenomba Mahile. Ara mpuu woa au teuki i lalu Sura Malelaha node: ‘Ineeko motunda-tunda tadulakomu.’ ”

1 Korintu 6:10

au manangka, au mehioro, au malangu-langu, au mepakadake, hai au modongko. Tauna au nodo, barahe mewali taunana Pue Ala i lalu poparentaNa.

1 Korintu 9:19

Barana hawina tauna, ido hai peisana moula peundeaku. Agaiana nauri nodo, kuoaka tuwo nodona hawinda ope-ope tauna. Kubabehi iti bona tetambai tauna au kuanti mepoinalai i Kerisitu.

2 Korintu 10:1

Iko, Paulu, ara perapingku irikamu. Arahe tauna i olomi au manguli: “Ane Paulu karao hangko irikami, pololitana makasara i lalu surana, agaiana ane mombelindoke, ia maalusu.” Mewali, hangko i lalungku au mengkaiwoi hai au maalusu, nodo laluna Kerisitu,

2 Korintu 12:20

Au kupokalanga ane laokau kusondaki kulambikau bara nodo au kupeinao hai hawena irikamu bara nodo au niharunga. Langana ane arakau au mohiho hai mombekahinai, mombekarumpui hadua hai hadua, mengkaiwongko, mombekakabosai, mombepodongkoa, mampemahile, hai au mehawu-hawu

Galatia 5:22

Agaiana ane naninike Inao Malelaha, ina tongawa wuana i lalu katuwonta, i lalu poantita: mombepokaahike, matana-tanake, tinda lalunta, sabarake, maalusu pololitanta, maroa babehianta; mopabukeike dandita,

Galatia 6:1

Halalu, ane moitakau rangami hampepepoinalai mobabehi sala, ikamu au mampeulaikau peundeana Inao Malelaha, hangangaa ninini wohiraia mesule i rara au manoto i lalu kamaalusu. Hai mokampai worikau watami datikau hawe mobabehi dosa.

Galatia 6:10

Ido hai, liana mani ara loga au raweike, hangangaa mobabehike apa au maroa i ope-ope tauna, pelumbunami i halalunta hampepepoinalai.

Epesu 4:2

Hangangaa mengkaiwoikau hai hangangaa maalusu poantimi i paka-pakana. Hangangaa peisakau modoko hangka rangami nauri niisa kamakurana, hai hangangaa sabarakau anti kamaahimi hadua hai hadua.

Epesu 4:31

Mewali, nikabahami ope-ope babehia au node: hai lalu, karumpu, pepailalu, pobungka, pepakadake, hai pekakabosai. Nikabahami babehia iti hai hinangka babehia au kadake.

Pilipi 4:5

Kuharunga ope-ope tauna ina moita kamaroana lalumi. Nikatuinao, barapi mahae Pue ina hawemi.

1 Tesalonika 2:7

Agaiana bara turu inaongki mobabehi nodo. I tempoki hihimbela hai ikamu, maalusu poantiki, nodo hadua ina au mokadipura anana.

1 Timotiu 3:11

Nodo wori towawinenda, hangangaa manoto babehianda hai au hintotohe rabila. Barahe topoanti-anti lolita. Hangangaa raisa morempeki peundeana lalunda au kadake, hai hangangaa rapoinalaihe i paka-pakana.

1 Timotiu 3:3

Bara peisa au malangu-langu ba au paka mobungka-bungka. Hangangaa au maalusu poantina, au mohintuwu hai rangana, hai au bara mohaoki pea doi.

Yakobu 3:17

Agaiana tauna au molambihe kanoto lalu hangko i Pue Ala, node babehianda: malelaha lalunda, raunde mohintuwu hai ranganda, maalusu poantinda, matunduhe hai motulungi peamohe tauna. Maroa babehianda, barahe mampopontani tauna hai poantinda moula kabulana lalunda.

Yakobu 4:11

Halalu, ineekau mombepakadake. Ane ara hadua tauna au mopakadake rangana ba mopakisala halaluna, lempona mopakadake hai mopakisala wori Aturana Pue Ala. Tauna au mopakadake halaluna, bara moula Aturana Pue. Anti babehiana au sala iti, ia peisa rapandiri nodo hadua topobotusi au mosalai Aturana Pue Ala.

1 Peturu 2:1

Mewali, halalu, anti kamolambimimi katuwo au wou, hangangaa nikabaha hinangkana babehiami au kadake hai ope-ope lolita au mepakanawo. Ineekau mengka-mengka, ineekau mahina, ineekau mepakadake.

1 Peturu 3:10

I lalu Sura Malelaha teuki node, “Hema au mohaoki katana hai roa ngkatuwo, ia hangangaa mokampai pololitana, bona dati mekakabosai ba mepodongkoa.

1 Peturu 3:8

Kahopoana, ikamu hangangaa mohintuwukau, hampepekirikau, hai mombepokaahikau nodo topohalalu. Hangangaa maahikau hai mengkaiwoikau.

1 Peturu 4:4

Agaiana ide-ide, rapowulimi rangami au hangkoia lawi barapohe niporanga mobabehi hinangka babehia au kadake. Ido hai rakakabosaimokau.

2 Peturu 2:10

Mantimi mpuu pehukuNa Pue Ala i tauna au raoaka moula peundeana lalunda au kadake hai au mopapakoi kuasaNa. Ane guru agama au mepakanawo iti, baihe mampemahile, hai barahe langa mopapakoi apa au meawa i suruga.

Yudasi 1:10

Agaiana guru au mepakanawo iti, mopapakoihe au makuasa au bara raisa. Au raisa pea, babehia au nodo babehia binata au bara ara pekirinda. Hai anti babehianda iti, ido hai ina molambihe pehuku.

Yudasi 1:8

Mewali, nauri nodomi pehukuna Pue Ala hangkoia i tauna au kadake babehianda, mia-mia pea kadake babehianda tauna au mepakanawo ide-ide. Topangipi-ngipi itihe, tedii lalunda i paturo au sala, ido hai mopakedai peahe watanda hai babehianda au kadake. Mosapuakahe kuasana Pue Ala, hai mopapakoihe ope-ope au makuasa i suruga.