Titu 1:9 - Sura Malelaha

⁹ Hangangaa maroho pepoinalaina i paturo au tou, nodo au nadokomi bona naisa rara mopaguru tauna i paturo au tou iti hai mopakaroho lalunda, hai bona nabuku wori mopatongawa kamasalanda tauna au moewa paturo iti.

Titu 1:9 Kruisverwysings

Suro 18:28

Anti kamapandena mololita, Apolo monangihe to Yahudi i lalu pombehanainda i lindonda tauna bosa. Hangko i Sura Malelaha, Ia mopatongawa kaYesuna Datu Topehompo au nadandimi Pue Ala.

1 Korintu 14:24

Agaiana ane ikamu ope-ope mopahawe lolita hangko i Pue Ala hai mesua hadua tauna au bara to Sarani ba au bara mani moisa Ngkorana Pue Ala, ina naisa lempona lolitami alana manoto kamadosana hai

1 Tesalonika 5:21

Niparesa maroa-roa hinangka lolita iti, hai nikingkimi apa au maroa.

2 Tesalonika 2:15

Mewali halalu, nipakaroho pepoinalaimi, mekingki liliukau i hinangka au kipaturoamokau, maroa au kiuliangaakau ba au kiukiakau i lalu surangki.

1 Timotiu 1:10

tauna au mebualosi hai tauna au mobabehi babehia au merikai nodo au rababehi tobalilo hore tobalilo ba towawine hore towawine, tauna au motawani rangana bona rapohawi tauna au mosabi dongko, hai ope-ope tauna au mobabehi apa au bara hintoto hai paturo au tou.

1 Timotiu 1:15

Manoto mpuu lolita au manguli: “Kerisitu Yesu mai i dunia bona mohorema tomadosa hangko i huku dosanda.” Tou mpuu lolita iti hai hintoto tapoinalai. Hai hangko i ope-ope tomadosa, ikomi au melumbu dosangku.

1 Timotiu 1:19

Mantahako i lalu pepoinalaimu, hai mobabehi liliuko babehia au maroa hangko i kabulana lalumu. Ara bahangkia tauna au mosapuaka ope-ope paturo ide, alana marugi pepoinalainda.

1 Timotiu 4:9

Lolita ide tou hai hangangaa tapoinalai mpuu.

1 Timotiu 6:3

Ane arahe au moanti paturo au mosisala hai paturonta, barahe mampoinalai paturo au tou hangko i Amputa, Pue Yesu Kerisitu hai bara worihe mampoinalai lolita au mopaturoke bona mengkoruke i Pue Ala,

2 Timotiu 1:13

Timotiu! Kupopaingaako paturo au nuhadimi hangko iriko. Paturo au tou iti hangangaa nupeulai. Inee nukabaha pepoinalaimu i Kerisitu Yesu. Hangangaa maahiko i hangka rangamu anti pohintuwumu hai Yesu.

2 Timotiu 2:2

Ope-ope paturo au nuhadimi hangkoia hangko iriko, i lindonda tauna bosa, hangangaa nupaturoa worihe tauna ntanina au peisahe rapoinalai hai au rabuku mopaguru tauna ntanina.

2 Timotiu 2:25

Ane arahe tauna au moewake, hangangaa takambaroahe hai lolita au maalusu, babila nawei manihe Pue katepaka menoso hangko i peewanda. Lawi ane menosohe, ina moisahe paturo au tou duuna manoto lalunda hai tekabahahe hangko i kuasa Datu Tokadake au mopari-parihe mampeulai peundeana.

2 Timotiu 3:14

Agaiana oio Timotiu, hangangaa mokingki liliuko paturo au roomoko rapaturoa hai au nupoinalaimi. Hai nuisa katouna paturo iti, lawi nuisa kahemanda au mopaguruko.

2 Timotiu 4:3

Lawi i alo-alo au ina mai, tauna barapi ina raunde mampehadingi paturo au tou. Ina mohaokihe guru-guru au mopaturoahe lolita au mopakatana pea lalunda bona peisahe mampeulai apa peundeana lalunda.

Titu 1:11

Tauna iti hangangaa nukontohe, ineehe nupaliu mepaturo, lawi moantihe pepawuli hai pepaturonda au bara hintoto i tambi-tambina. Hai tunggaianda mepaturo bona molambi peahe rasi. Babehianda iti mepakaea mpuu.

Titu 2:1

Agaiana oio Titu, hangangaa mepaturoko hai paturo au tou.

Yudasi 1:3

Halalu au kupokaahi! Nguru-nguruna au kekuukiakau i sura ide iami kana i katehorema au tahumba sambela hangko i Pue Ala. Agaiana ide-ide, tediimi lalungku mobaliki tunggaiaku au nguru-nguruna. Ide-ide kuukiakau sura ide bona nipakaroho pepoinalaimi i paturo au tou hai bona niewa liliuhe tauna au moanti paturo au sala. Lawi Pue Ala mopahawe paturo au tou irikita ope-ope au mewali kiraNa bona iti au tapoinalai, hai paturo iti bara peisa rabaliki.

Pampetudungia 2:25

Nipeulai liliu apa au niisami duuNgku hawe.

Pampetudungia 3:11

Barapi mahae ina hawemoNa! Hangangaa nikingki maroho-roho paturo au niisami datikau mala rapakanawo alana songko kadatua au naweimokau Pue Ala anti penangimi, raperampai tauna ntanina.

Pampetudungia 3:3

Ido hai Kuuliangaakau: hangangaa nikatuinao paturo au nihadi hai au nidoko hangkoia. Peulaimide apa au rapaturoakau iti, hai menosomokau hangko i dosami. Lawi ane barakau mainga-inga, bara ina niisa impira kahawengku, lawi kahaweNgku iti nodo kahawe topanangka.