Titu 1:5 - Sura Malelaha

⁵ Titu, anangku, kupopaida liliuko i Kreta bona mourusiko pobagonta au bara mani roo. Mewali, nodo au roomoko kuhawaa, hangangaa nuangka tauna i ope-ope wanua au peisa motadulakoi to Sarani inditi.

Titu 1:5 Kruisverwysings

Suro 11:30

Kateguluna doi iti, motudumohe Baranaba hai Saulu au rapoinalaia moanti doi iti lao i penatua i Yerusale.

Suro 14:23

I polumaonda iti, Paulu hai Baranaba mopilei hai moangkahe penatua i boea-boeana. Mopuasa hai mekakaehe, merapihe bona nakadipurahe Pue lawi Ia pea peharunganda.

Suro 2:11

Arake au mai hangko i tampo Kreta hai tampo Arabia. Ikita ope-ope mohadihe mololita i lalu basanta haduduanta au mampololita tanda kuasa au nababehi Pue Ala.”

Suro 27:12

Mewali, anti kadana maroa sondaka iti i tempo makuli, ido hai bosa tauna merapi bona kipaliliu posumombaki, bona hawengkai i wanua Feniks. Tunggaianda bona mampegiangkai kaliuna tempo makuli inditi. Feniks iti iami sondaka i Kreta au maroa rapengkaroongi i tempo makuli, lawi terero hangko i himburu.

Suro 27:13

I tempo iti, pewui himburu hangko i Lau maroa. Mewali, moula pelambianda topobago i kapala tahingki, peisangkai mopaliliu posumombaki. Ido hai pantio kapala tahi iti raoremi, hai molumaomi kapalangki menana i lewuto Kreta.

Suro 27:21

Anti kadanapi naita inaonda maande, meangkami Paulu i olonda, nauliangaahe, “Halalu-halalu, ane kenipoinalai lolitangku bona ineeke padu hangko i Kreta, kebarake marugi node.

Suro 27:7

I lalu bahangkia alona, kapala tahingki maole mpuu polumaona, ido hai kebarangkai peisa mohungkuki wanua Knidus. Anti karumihina himburu, kapala tahingki menana pea i lewuto Kreta moliu i wuntu Salmone bona datingkai narumpa ntepuu himburu.

1 Korintu 11:34

Ane ara au marimi, agina maande amikau mai i sou. Ane nibabehi apa au hintoto i poteruhuami maminggu, barakau ina molambi pehuku hangko i Pue. Au ntanina, ina rapakanotoaraikau ane hawena irikamu.

1 Korintu 14:40

Ope-ope hangangaa rababehi moula rara au hintoto hai moula atura.

1 Korintu 4:17

Mewali, kutudumi Timotiu lao mampohidupaakau. Timotiu iti mampopolumao liliu bagona Pue, hai kuimbami anangku au kupokaahi. Ane hawe irikamu, ia ina mampopaingaakau noumba peulangku i Kerisitu hintoto hai paturo au kupahawe i ope-ope to Sarani i boea-boeana.

Kolose 2:5

Lawi nauri karaona hangko irikamu, agaiana aratokau i lalungku. Matana mpuuna mohadi kamarohona pohintuwumi hai pepoinalaimi i Kerisitu.

1 Timotiu 1:3

Kuperapi bona oio maida liliuko i Epesu nodo au kuuli hangkoia i peangkaku, mai inde i Makedonia. Lawi inditi arahe bahangkia tauna au moanti paturo au sala, hai hangangaa nukontohe bona ineehe moanti liliu paturo au mepakanawo.

2 Timotiu 2:2

Ope-ope paturo au nuhadimi hangkoia hangko iriko, i lindonda tauna bosa, hangangaa nupaturoa worihe tauna ntanina au peisahe rapoinalai hai au rabuku mopaguru tauna ntanina.

Titu 1:12

Hangkoia ara hadua tauna au meula i agamanda to Kreta au manguli node, “To Kreta, ope-opehe modongko, nodohe binata maila, mehioro hai lohehe.”