Titu 1:2 - Sura Malelaha

² Ido hai taharunga kaina molambita katuwo maroa au bara mokahopoa, nodo au nadandiake Pue Ala hangko damani dunia ide Napopewali. Hai Pue Ala bara modongko.

Titu 1:2 Kruisverwysings

Matiu 25:34

Hai Iko Datu, Kuuliangaahe au ntanda i koanaNgku, ‘Maimokau au nawati UmaNgku! Mesuamokau i lalu poparentaKu. Paidaami Kupasilolonga amiamokau hungka i pewalina dunia hangkoia.

Matiu 25:46

Napahopo Yesu lolitaNa, Nauli, “Ope-ope tauna au kadake iti ina ratendehe i lalu naraka hai rahuku hawe i hae-haena, hai tauna au manoto ina molambihe katuwo maroa au bara mokahopoa.”

Markus 10:17

Ina meangka mbulimi Yesu mopaliliu polumaoNa, unga pea ara hadua tauna au melangka mai Iria, liliu molingkudu i lindoNa, hai mekune, nauli, “Guru au maroa, apa au hangangaa kubabehi bona molambina katuwo maroa au bara mokahopoa?”

Markus 10:30

batena molambi hurungina au mahile. I dunia ide ina molambi hangatu belana kangkaiana souna, halaluna, inana, anana, bondena, nauri molambi pepopeahi-ahi. Hai i alo pebotusi batena ina molambi katuwo maroa au bara mokahopoa.

Yohane 10:28

Kuweihe katuwo maroa au bara mokahopoa, hai manotomi kadanda ina rahuku. Bara ara hadua au peisa mamperampaihe hangko i taieNgku.

Yohane 17:2

NuweimoNa kuasa motadulakoi ope-ope tauna bona tauna au NuweimoNa, ina Kukiraiahe katuwo maroa au bara mokahopoa.

Yohane 17:24

Uma, peundeaKu bona ihira au NuweimoNa ina maida hihimbela hai Iko i paidaaNgku bona moitahe peawaNgku. PeawaNgku iti NuweimoNa, lawi NupokakaiaNa hangko damani dunia ide rapopewali.

Yohane 5:39

Moparesakau Sura Malelaha, lawi nipehangu hangko i Sura Malelaha iti nilambi katuwo maroa au bara mokahopoa. Moleri Sura Malelaha iti mololita kana Iriko.

Yohane 6:54

Tauna au moande ontoKu hai moenu waheNgku, ina molambihe katuwo maroa au bara mokahopoa, hai ina Kupopearohe hangko i kapate i alo pebotusi,

Yohane 6:68

Mehana Simo Peturu, nauli, “Ane kipalehiKo Pue, i hemamongkai lao? Oio pea au mohowara lolita au mopaara katuwo maroa hawe i hae-haena.

Suro 15:18

Nodomi pangulina Pue au mopakanoto tunggaiaNa hangkoia.”

Roma 1:2

Ngkora Marasa ide nadandimi Pue Ala hai rapahawemi nabi-nabi hangkoia, nodo au teuki i lalu Sura Malelaha.

Roma 16:25

Toiami Pue Ala! Lawi Iami au makuasa mopakaroho pepoinalaimi anti Ngkora Marasa au kupahaweakau bona niisa kahemana Yesu Kerisitu. Iatunami parena, tunggaiana Pue Ala iti bara raisa tauna.

Roma 2:7

Ara tauna au mobabehi liliuhe roa, lawi rapeinao molambi petoia, pebila hai katuwo au monono hangko i Pue Ala. I tauna au nodo, ina naweihe Pue Ala katuwo maroa au bara mokahopoa.

Roma 5:2

Anti pepoinalainta i kanatanga-tangainta Yesu Kerisitu au mopahintuwuke hai Pue Ala, ido hai taisami kabulana laluna Pue Ala i lalu katuwonta ide. Hai matana lalunta, lawi maroho peharunganta. Anti peharunganta iti, taisa kaina molambita kiranta i lalu peawana tuwona Pue Ala.

Roma 5:21

Hangkoia, dosami au makuasa i lalu katuwonda tauna, alanda ope-opehe hangangaa rahuku mate hai ragaakihe hangko i Pue Ala. Agaiana ide-ide, kabulanami laluna Pue Ala au makuasa i lalu katuwonta. Hangko i kabulana laluna Pue Ala, Naimbamoke manoto i peitaNa hai Naweike katuwo maroa au bara mokahopoa i lalu Yesu Kerisitu Amputa.

Roma 5:4

Hai ane mantahake, peisake monangi pekelo, hai Pue Ala ina mampokatana babehianta. Hai ane taisa babehianta moula peundeana Pue Ala, batena kamaroho-rohoa peharunganta i Pue Ala.

Roma 6:23

Hema au mobabehi dosa batena molambi hurungina, hai hurungina iti iami kapate au mogaakike hangko i Pue Ala. Agaiana anti kabulana laluna Pue Ala irikita, ido hai Naweike katuwo maroa au bara mokahopoa. Kabulana laluNa iti tahumba anti pohintuwuta hai Kerisitu Yesu, Amputa.

Kolose 1:27

Apa au tewuniangi hangkoia, ide-ide Naunde Pue Ala mopatongawa i taunaNa, iami noumba kamaroana hai kameawana tunggaiaNa irikamu au barakau to Yahudi. TunggaiaNa iti iami bona Kerisitu maida i lalumi, bona manoto kamolambimi wori katuwo au meawa hihimbela hai Pue Ala.

1 Tesalonika 2:15

Hangkoia to Yahudi iti mopapatehe nabi-nabi, hai mopapate worimohe Pue Yesu. Ide-ide ikami wori au rapopeahi-ahi. Barahe napokatana Pue Ala, hai mampoiwalimohe ope-ope tauna.

1 Tesalonika 5:8

Agaiana ikita ide iamoke tauna au ara i kamabaa; ido hai pekirinta hangangaa manoto. Hangangaa mepoinalai liliuke i Pue Ala hai hangangaa mampokaahike ranganta, hangangaa tapakaroho peharaunganta i kaNahoremanta Pue Ala. Itimi parewa pombeala au ina tapolaba moewa kamakaindi.

1 Timotiu 6:12

Nupari-pari bona tuwoko hintoto hai apa au nupoinalai, hai nupakaroho pepoinalaimu au moantiko i katuwo maroa au bara mokahopoa. Lawi itimi tunggaiana Pue Ala mokakioko mewali taunaNa bona molambiko katuwo maroa au bara mokahopoa hai au nupangakumi i lindonda tauna bosa, kamepoinalaimu i Pue Yesu.

1 Timotiu 6:19

Lawi ane nodo babehianda, himbela peahe hai morampu anu-anu au maroa i lalu suruga, hai batena molambihe katuwo au maroa ntepuu.

2 Timotiu 1:1

Sura ide hangko iriko Paulu, kupakatu hawe irio Timotiu, anangku au kupokaahi. Naangkamona Pue Ala mewali surona Kerisitu Yesu moula peundeana, bona moantina Ngkora Marasa i ope-ope tauna. I lalu Ngkora Marasa iti, Pue Ala modandi node: hema au mepoinalai i Kerisitu Yesu, batena molambi katuwo maroa au bara mokahopoa. Kuharunga Pue Ala Umanta hai Pue Yesu Kerisitu mowatiko, hai Napatongawaako ahiNa hai moweiko roa ngkatuwo.

2 Timotiu 1:9

Nahoremamoke Pue Ala hangko i dosanta hai Nakakiomoke mewali taunaNa au malelaha. Barake Nahorema hai Nakakio anti kamaroana babehianta. Agaiana iti Nababehi anti kabulana laluNa moula tunggaiaNa. Lawi hangko damani dunia ide rapopewali, arami tunggaiana Pue Ala mopahintuwuke hai Kerisitu Yesu anti kabulana laluNa.

2 Timotiu 2:10

Ido hai kubuku mohalea ope-ope kapari ide bona tauna au napileimohe Pue Ala ina mampehadingi hai mampoinalai Ngkora Marasa iti duunda molambi katehorema hai katuwo meawa au bara mokahopoa anti pohintuwunda hai Kerisitu Yesu.

2 Timotiu 2:13

Kehapirike bara matundu Iria, Ia ina mopabukei liliu ope-ope dandiNa irikita, lawi nodomi poantiNa au bara peisa tebaliki.

2 Timotiu 2:15

Agaiana oio Timotiu, mopahaweko paturo au tou i kanoto-notoana. Nupakaroho mpuu pampopolumaomu bago iti; ineeko maea. Ane nubabehi nodo, Pue Ala ina mampokatana bagomu hai Naimbako topobagoNa au maroa.

Titu 2:13

Lawi ide-ide, tanganta mampegia alo pewalina apa au taharunga, iami alo au buke katana-tana. I tempo iti, ope-ope tauna ina moita kuasana Pue Ala au mahile tuwoNa, hai Datu Topehoremanta, iami Yesu Kerisitu.

Titu 2:7

Hai oio, Titu, ope-ope babehiamu hangangaa mewali pandiri. Ane mepaturoko, mepaturoko hangko i lalumu mpuu, hai hangangaa manoto babehiamu.

Titu 3:7

Tunggaiana Pue Ala mobabehi nodo irikita bona hangko i kabulana laluNa, Naimbamoke tauna au manoto bona molambike katuwo maroa au bara mokahopoa, nodo au Nadandimi i ope-ope tauna au Napoana.

1 Yohane 2:25

Hai idemi dandiNa irikita: katuwo maroa au bara mokahopoa.

1 Yohane 5:20

Taisa worimi: Anana Pue Ala hawemi i dunia, hai Ia au moweike kanoto lalu bona moisake Pue Ala au tou. Mohintuwumoke hai Pue Ala au tou anti pohintuwuta hai Yesu Kerisitu AnaNa. Iami Pue Ala au tou. Hangko Iria molambimoke katuwo maroa au bara mokahopoa.

Yudasi 1:21

Hangangaa tuwokau i lalu pepokaahina Pue Ala, tangami mampegia pekiraina Amputa, Yesu Kerisitu, au ina moweike katuwo au bara mokahopoa.

Pampetudungia 13:8

Ope-ope tauna au maida i dunia menomba iria. Au bara menomba iria, batena pearaihe tauna au teuki hanganda i lalu Sura Ngkatuwo hangko damani dunia rapopewali. Sura Ngkatuwo iti, iami surana Ana Dimba au rasambale. I lalu sura iti, teuki hanganda tauna au molambi katuwo maroa au bara mokahopoa.

Pampetudungia 17:8

Hangkoia tuwo, hai ide-ide barapi ara, agaiana ina mesuwu hule hangko i kabe ngkapate au bara tehoka kakaladuna. Hai roo indo, ina rahuku mate. Tauna au maida i dunia au bara teuki hanganda i lalu Sura Ngkatuwo hangko damani dunia rapopewali, ina tingkarahe moita binata iti. Lawi hangkoia tuwo, ide-ide barapi ara, agaiana hambela tempo ina hawe hule.