Pilipi 1:11 - Sura Malelaha

¹¹ Mekakaena bona nibabehi liliu apa au manoto anti pobagona Yesu Kerisitu i lalu katuwomi, alana bosa tauna motoia hai mampomahile Pue Ala.

Pilipi 1:11 Kruisverwysings

Matiu 5:16

Nodo wori pewangka au ara i lalumi, inee niwuni. Nipakaroa babehiami bona ope-ope tauna ina moita babehiami iti, pane motoiahe Umami au ara i suruga.”

Yohane 15:16

Bara ikamu au mopileiNa. Ikori au mopileikau. Kutudukau mowua; hai wua pobagomi iti bara ina matanta, ina mobundu hawe i hae-haena. Mewali, apa au niperapi i UmaNgku i lalu hangaNgku, batena Naweikau.

Yohane 15:2

Ope-ope daa au tuwo Iriko au bara mowua, Nakadiri. Hai ope-ope daa au tuwo Iriko au mowua, Napakabaa hai Nakadipura bona tetambai powuana.

Yohane 15:8

Ane rumihi powuami, UmaNgku rapomahile. Ane nodo nibabehi, topeguruNgku mpuumokau.

Roma 15:28

Mewali, laomona hampai i Yerusale moanti doi petulungi au tegulumi. Roorai indo, hangko laorina i tampo Spanyol moliuna i boeami.

Roma 6:22

Agaiana ide-ide, tekabahamokau hangko i kuasa dosa hai mewalimokau taunana Pue Ala. Itimi au moanti rasi irikamu, alana malelaha tuwomi, hai kahopoana molambikau katuwo maroa hawe i hae-haena.

1 Korintu 10:31

Agaiana kuuli: ane maandeke ba maenuke, ba apa pea au tababehi, hangangaa tababehi bona Pue Ala rapomahile.

2 Korintu 9:10

Pue Ala mopasilolonga tinuda i topohawu, hai hangko i tinuda iti, Ia mopaara paande. Nodo wori, Pue Ala ina motambai apa au ara irikamu bona tetambai kamaroana lalumi motulungi tauna ntanina.

Epesu 1:12

Nababehi nodo, bona ikami to Yahudi au nguru-nguruna meharunga i Kerisitu motoia hai mampomahile Pue Ala.

Epesu 1:14

Inao Malelaha itimi au mopakaroho dandiNa irikita bona manoto kaina Naweinta ope-ope sosora au Nadandiake, iami Nakabahake hangko i huku dosanta hai Napopewalike taunaNa. Ido hai hintoto mpuuke motoia hai mampomahile Pue Ala.

Epesu 2:10

Pue Ala mampopewalimoke manusia au wou anti pohintuwuta hai Kerisitu Yesu bona mobabehike apa au maroa moula tunggaiaNa irikita au Napasilolongami hangkoia.

Epesu 5:9

Lawi hangko i kamabaana lalumi, mesupa ope-ope babehia au maroa, au tou hai au manoto.

Pilipi 4:17

Kuuli nodo, bara anti kamampeinaongku mbuli molambi kabula lalumi. Agaiana peundeaku bona hangko i kamaroana lalumi, katetetambaia pewatina Pue Ala irikamu.

Kolose 1:10

bona babehiami ina hintoto hai tauna au moula peundeana Pue, hai bona ope-ope babehiami ina mopamatana laluNa. Ane nodo katuwomi, ina mobabehikau hinangka bago au maroa, hai ina katetetambaia poisami Pue Ala i lalu katuwomi.

Kolose 1:6

Ngkora Marasa iti, tebambarimi i humalele dunia alana kabosa-bosaa tauna au mepoinalai i Pue Yesu hai mobabehi apa au maroa. Himbela hai au mewali irikamu, halalu. I kamohadimi Ngkora Marasa iti, liliumokau mepoinalai i Pue Yesu, alana moisa ntepuukau kabulana laluna Pue Ala irikita.

2 Tesalonika 1:12

Tunggaiaki mekakae bona anti babehiami au maroa iti, hangana Yesu Amputa rapomahile, hai bona ikamu napomahile worikau Pue Yesu. Ope-ope iti hangangaa mewali anti kabulana laluna Pue Ala Umanta hai Pue Yesu Kerisitu.

Titu 3:14

Halalunta hampepepoinalai hangangaa mampopolumao liliuhe bago au maroa bona molambihe apa au raparaluu alo-alona, hai bona tuwonda bara mbero-mbero.

Ibarani 12:11

Tanganta rapaturo ba rakambaroa, mapari lalunta. Agaiana ane paturo iti tapeulai, maroa katuwonta, hai manoto babehianta.

1 Peturu 2:12

Arahe tauna au bara moisa Pue Ala au mopapakoikau hai mopakadakekau. Ido hai hangangaa nipamaroa-roa babehiami bona kamaroana babehiami ina tongawa irihira. Kahopoana, ina rapangaku kamaroana babehiami, alana motoiahe Pue Ala i alo kahaweNa.

1 Peturu 2:5

bona Napopewalikau nodo watu au tuwo au rapake moaro sou penombaa i Pue Ala. Napopewali worimokau nodo tadulako mpenomba au malelaha. Nodo tadulako mpenomba mohuhu popenombanda i Pue Ala, ikamu wori hangangaa mohuhu katuwomi i Pue Ala. Itimi au mewali popenombami Iria, hai popenombami iti mopamatana laluna Pue Ala anti kanahoremantami Yesu Kerisitu.

1 Peturu 2:9

Agaiana ikamu, halalu, napileimokau Pue Ala au mampopewalikau nodo tadulako mpenomba au mampopolumao bago mpenomba i Datunta. Napatanikau mewali kiraNa hai taunaNa au malelaha. Pue Ala mopileikau hai mokakiokau hangko i kamakaindi mesua i lalu kamabaaNa au merae ntepuu bona mopahawekau bagoNa au maroa i ope-ope tauna.

1 Peturu 4:14

Morasikau, halalu, ane rakakabosaikau anti peulami i Kerisitu, lawi Inao Malelaha au meawa au hangko i Pue Ala maida liliu i lalumi.