Pilipi 1:10 - Sura Malelaha

¹⁰ Halalu, kuperapi nodo bona niisa rara mopilei apa au maroa ntepuu hai bona malelaha tuwomi duuna barapi ara kamasalami i alo kahawena hule Kerisitu.

Pilipi 1:10 Kruisverwysings

Matiu 16:23

Yesu mampembalilingi Peturu, hai Nauliangaa, “Peloho Datu Tokadake! Ba nupeinao mohombokiNa bona datiNa mampeulai peundeana UmaNgku? Pekirimu iti pekiri manusia, bara pekirina Pue Ala.”

Matiu 26:33

Nauli Peturu, “Kehapiri ope-ope tauna mopalehiKo Pue, agaiana iko bara!”

Yohane 1:47

KamoitaNa Natanael mai mepohidupaa, mololitami Yesu kana i Natanael, Nauli, “Olou mai hadua to Isaraeli ntepuu, ia bara topodongko!”

Yohane 3:20

Ope-ope tauna au mobabehi dake, mokahihihe Baa iti. Barahe mau mohungkuki Baa iti dati tongawa babehianda au kadake.

Suro 24:16

Ido hai mobabehi liliuna apa au maroa bona kuisa i lalungku kadana ara apa-apa au peisa raraiana, maroa i peitana Pue Ala, maroa i peitana manusia.

Roma 12:2

Ineekau mampeulai babehianda tauna au barahe moisa Pue Ala. Nipogiangaami Pue Ala mowouki pekirimi bona tebaliki poantimi. Lawi ane nodo babehiami, ina niisa mpuu tunggaiana Pue Ala au maroa, au mopamatana laluNa hai au bara ara kamakurana.

Roma 12:9

Nipokaahi rangami hangko i kabulana lalumi, nikaraohi babehia au kadake, hai nibabehi au maroa.

Roma 16:17

Halalu hampepepoinalai, kupopaingaakau bona hangangaa maroa-roakau i tauna au mopaara pogaa-gaa hai au rapeinao mopakanawokau i paturonda au montani hai paturo au rapaturoamokau. Nikaraohihe tauna au nodo!

Roma 2:18

Ikita to Yahudi, moisake peundeana Pue hai taisa mampopontani apa au maroa hai apa au kadake, lawi rapaturoamoke Aturana Musa.”

Roma 7:16

Agaiana ane kubabehi babehia au bara kuunde, lempona kupokana kamaroana Aturana Pue Ala, lawi kusalai babehiangku.

Roma 7:22

I lalungku kuunde Aturana Pue Ala.

Roma 8:7

Tauna au moulahe peundeana lalunda au kadake, moewahe Pue Ala. Barahe mengkoru i hawana Pue Ala, lawi bara rabuku.

1 Korintu 1:8

Ia ina mopakaroho pepoinalaimi duuna i kahopoa dunia bona ane Nakahaweikau Amputa Yesu Kerisitu i kahaweNa hule, barapi ara kamasalami.

1 Korintu 10:32

Ineeke mobabehi apa pea au mopakanawo ranganta, maroa to Yahudi ba tauna au barahe to Yahudi ba halalunta hampepepoinalai au mengkoru i Pue Ala.

1 Korintu 8:13

Ido hai kuuliangaakau, ane rapana kupakanawo halalungku hampepepoinalai i kakuandena bau ba paande ntanina, barapi ina kuande paande iti bona datihe ara halalungku au rapakanawo anti babehiangku.

2 Korintu 1:12

Matana lalungki halalu, lawi kiisa, katuwongki i dunia ide pelumbunami i lalu pohintuwuki hai ikamu, hangko i kabulana mpuu lalungki kipopolumao. Hai apa au kibabehi iti bara hangko i kapande manusia agaiana hangko i kapande au Nakiraiangkai Pue Ala.

2 Korintu 2:17

Agaiana ikami, barangkai nodo tauna au mohaoki peahe doi hangko i popahawenda Ngkorana Pue. Mopahawengkai Ngkorana Pue hangko i kabulana lalungki anti pohintuwuki hai Kerisitu moula tunggaiana Pue Ala au motudungkai mampopolumao bagoNa. Iami au mampetirongkai.

2 Korintu 6:3

Mobagomongkai maroa-roa dati ara tauna au kipakanawo, bona bara ara tauna au mopapakoi bagongki mobambari Ngkorana Pue Ala.

2 Korintu 8:8

Au kuuliangaakau ide bara nodo parenta. Tunggaiaku bona kupopaisaakau noumba kamahilena ahinda to Makedonia mokira doi petulunginda i ranganda. Hai hangko inditi, peisa kuita noumba kamahilena ahimi.

Galatia 5:11

Halalu, arahe tauna au mouli kaikona au mopaguru tauna mampeulai ada mpetile Aturana Musa. Bara tou lolitanda iti! Ane kenodo pepaturongku, kebara ara to Yahudi au moewana. Idemi au kupaturoakau: hangangaa mepoinalaike i Kerisitu, lawi anti kapatena Kerisitu au rapaku i kau mombehape, ido hai peisake mewali manoto i peitana Pue Ala. Anti pepaturongku ide, ido hai to Yahudi iti rumpuhe hai rapopeahi-ahina.

Epesu 4:15

Agaiana ina tapatongawa paturo au tou hangko i lalunta au buke ahi, bona i paka-pakana, kamahae-haea kanoto-notoake duuna mewalike nodo Kerisitu, au mewali Tadulakonta.

Epesu 5:10

Nipari-pari mobabehi apa au hintoto i peitana Pue.

Epesu 5:27

bona mewalike tauanaNa au malelaha hai meawa, alana barapi ara kamasalanta hai kamakuranta i lindoNa.

Epesu 6:24

Pue mowati ope-ope tauna au mampokakaia Amputa Yesu Kerisitu hai ahi au bara ara kahopoana. Hangko iriko PAULU

Pilipi 1:16

Ihira iti mopahawe bambari kana i Kerisitu anti kamaahinda iriko, lawi raisa naangkana Pue Ala mewali suroNa au mopakanoto Ngkora Marasa i ope-ope tauna.

Pilipi 1:6

Pue Ala au mobago i lalumi, hai maroa mpuu bago au Napepongka i lalu katuwomi. Hai kupoinalai Pue Ala ina mopaliliu bago iti duuna hopo apa au Natunggai i lalu katuwomi i alo kahawena hule Kerisitu Yesu.

Pilipi 2:16

i lalu pobambarimi Ngkora Marasa au mopaara katuwo maroa. Mewali halalu, ane nodo liliu babehiami, ina matana lalungku i kahawena hule Kerisitu, lawi babehiami iti ina mopakanoto kadana mbero-mbero pobagongku i olomi; ara mpuu wuana.

1 Tesalonika 3:13

Pue, kiperapi bona Nupakaroho lalunda bona malelahahe hai bara ara kamasalanda i lindoMu ane hawe hule Pue Yesu hai ope-ope taunaNa au malelaha. Amin.”

1 Tesalonika 5:21

Niparesa maroa-roa hinangka lolita iti, hai nikingkimi apa au maroa.

1 Tesalonika 5:23

Mekakaengkai i Pue Ala au moweike roa ngkatuwo, kiuli, “O, Pue Ala! Kiperapi bona babehianda to Tesalonika Nupamanoto liliu, duuna malelaha ntepuu katuwonda. Nuporangaihe i lalu katuwonda, maroa lalunda ba pekirinda ba watanda bona dati ara kamasalanda i kahaweNa hule Amputa Yesu Kerisitu.” Nodomi pekakaengki.

1 Yohane 4:1

Halalu au kupokaahi! Ineehe hampai nipoinalai ope-ope tauna au mouli kaarana Inaona Pue Ala irihira. Nipeita maroahe, ba tou-tou mpuuhe hangko i Pue Ala ba bara. Lawi iumba-umba pea, arahe nabi au mepawuli.

Pampetudungia 2:2

Nauli: Kuisa noumba babehiami: madotakau i lalu bagoNgku, hai mantahakau i tempomi rapopeahi-ahi anti pepoinalaimi Iriko. Kuisa kanikahihina babehianda tauna au kadake. Arahe au manguli suroNgkuhe, agaiana bara tou. Niisa podongkonda, lawi bara maroa babehianda.