Pilemo 1:8 - Sura Malelaha

⁸ Halalungku Pilemo! Katouana, peisako kuparentai mobabehi apa au hintoto, lawi naweina Kerisitu kuasa.

Pilemo 1:8 Kruisverwysings

2 Korintu 10:8

Ba niuli mampemahilena? Barana mampemahile, agaiana barana maea mopatongawa kuasangku mopaturokau. Lawi au kupakanoto, iami kuasa au naweina Pue bona mopakaroho pepoinalaimi, barari au mopakanawo pepoinalaimi.

2 Korintu 11:21

Ba niuliri ina maeana lawi barangkai bai moula babehianda iti? Agaiana ane baihe motoia watanda haduduanda, hangangaa kupengkabaiki wori, mololita mbulina nodo tontuli motoia watangku.

2 Korintu 3:12

Mewali, anti peharungangki i dandina Pue Ala au wou, ido hai barangkai langa mopahawe Ngkora Marasa i kanoto-notoana.

Epesu 5:4

Inee worikau metatarahu ba mohowara lolita au bara mobundu au bara hintoto rahadi tauna. Aginari mangulike ngkaia kamaroana i Pue Ala.

1 Tesalonika 2:2

Niisami tuntukana halalu! Hangko damaningkai hawe i boeami, rapopeahi-ahingkai hai rakakabosaingkai i wanua Pilipi. Hai nauri raewangkai tauna, Pue Ala mopakaroho lalungki datingkai langa mopaliliu pobagongki mopahaweakau Ngkora Marasa au hangko i Pue Ala.

1 Tesalonika 2:6

Bara woringkai mampopetoia irikamu ba i tauna ntanina. Katouana, bara sala ane merapingkai ba apa irikamu halalu, lawi ikami ide surona mpuungkai Kerisitu.