Pilemo 1:6 - Sura Malelaha

⁶ Mekakaena bona hangko i pohalalunta i lalu hangana Pue Yesu ina tetambai kapandeta moisa ope-ope pewati au maroa au tahumba anti pohintuwuta hai Kerisitu.

Pilemo 1:6 Kruisverwysings

Matiu 25:16

Hawi au rawei lima sabuna doi bulawa liliu mampopolumao doi iti mohaoki anana, nalambi mpuumi anana lima wori sabuna.

Matiu 5:16

Nodo wori pewangka au ara i lalumi, inee niwuni. Nipakaroa babehiami bona ope-ope tauna ina moita babehiami iti, pane motoiahe Umami au ara i suruga.”

1 Korintu 14:25

ope-ope au tewuniangi i laluna ina tewungkehi. Kahopoana, ia ina molingkudu menomba i Pue Ala, nauli, “Tou-tou mpuu Pue Ala ara irikamu!”

1 Korintu 16:9

lawi kehapirihe bosa tauna au moewana, mobundu mani mpuu pobagongku inde.

Pilipi 4:8

Kahopoana halalu, kuperapi bona nipailalu liliu hinangkana au maroa hai au hintoto ratoia. Apa au tou, apa au hintoto rabila, apa au manoto, apa au malelaha, apa au merae, hai apa au teadai, itimi au hangangaa nipailalu.

Kolose 1:9

Mewali, halalu, i kakihadina bambari kana i pepoinalaimi, kipekakaea liliukau. Mekakaengkai i Pue Ala, kiperapi bona hai Inao Malelaha Napamanoto lalumi hai Napopaisaakau ope-ope peundeaNa,

Kolose 3:10

hai ide-ide mohumbamoke katuwo au wou, lawi napopewalimoke Pue Ala manusia au wou. Ia mowouki liliu lalunta bona mampeulaike babehiaNa, hai bona moisake apa au tou kana Iria.

Titu 3:14

Halalunta hampepepoinalai hangangaa mampopolumao liliuhe bago au maroa bona molambihe apa au raparaluu alo-alona, hai bona tuwonda bara mbero-mbero.

Ibarani 6:10

Pue Ala batena manoto. Bagomi au nipobagomi hangko i lalumi au buke ahi bara ina naliu inaoNa. Manoto nipokaahi Pue Ala, lawi bosami belana motulungikau halalumi hampepepoinalai, maroa i tempo au liu, maroa ide-ide.

Yakobu 2:14

Halalu-halalu! Apami bunduna ane tauli mepoinalaike i Pue, agaiana babehianta bara moula peundeaNa. Ane nodo pepoinalainta, barake ina tehorema.

Yakobu 2:17

Nodo wori hai pepoinalainta. Ane tauli mepoinalaike i Pue, agaiana babehianta bara moula peundeaNa, pepoinalainta iti mate, lempona pepoinalainta mbero-mbero pea.

1 Peturu 2:12

Arahe tauna au bara moisa Pue Ala au mopapakoikau hai mopakadakekau. Ido hai hangangaa nipamaroa-roa babehiami bona kamaroana babehiami ina tongawa irihira. Kahopoana, ina rapangaku kamaroana babehiami, alana motoiahe Pue Ala i alo kahaweNa.

1 Peturu 3:1

Nodo wori ikamu towawine, hangangaa mengkorukau i tobalilomi bona ane arahe tobalilomi au bara mepoinalai i Ngkorana Pue Ala, babehiami iti ina mobaliki lalunda duunda mepoinalai. Barahe paraluu niuliangaa ba apa-apa,

1 Peturu 3:16

Hai hangangaa bula lalumi bona ane arahe tauna au mosasalai babehiami au maroa i peitana Kerisitu, ina maeahe.

2 Peturu 1:8

Ane nodo poantimi hai babehiami, hai ane nitambai liliu, ina mobundu mpuu katuwomi, lawi tou-tou mpuukau moisa Amputa Yesu Kerisitu hai maroho peulami Iria.