Pilemo 1:4 - Sura Malelaha

⁴ I lalu pekakaengku, kukabelai liliuko halalu, hai kuuli ngkaia kamaroana i Pue Ala.

Pilemo 1:4 Kruisverwysings

Roma 1:8

Ioru, mopahawena katana lalungku i Ampuku Pue Ala i lalu hangana Yesu Kerisitu, anti kaikamuna halalu, lawi tebambarimi i humalele dunia kamarohona pepoinalaimi i Pue Yesu.

Epesu 1:16

ido hai barana botu-botu manguli ngkaia kamaroana i Pue Ala anti kaikamuna, hai kukabelai liliukau i lalu pekakaengku.

Pilipi 1:3

Halalu, bela-belana kukatuinaokau, kuuli ngkaia kamaroana i Ampuku Pue Ala anti kaikamuna.

Kolose 1:3

Bela-belami kipekakaea, kiuli liliu ngkaia kamaroana i Pue Ala, Umana Amputa Yesu Kerisitu,

1 Tesalonika 1:2

Halalu, barangkai oha-oha manguli ngkaia kamaroana i Pue Ala anti kaikamuna.

2 Tesalonika 1:3

Halalu-halalu, barangkai oha-oha manguli ngkaia kamaroana i Pue Ala anti kaikamuna. Hai hintoto mpuu kibabehi nodo, lawi kamaroho-rohoami pepoinalaimi i Pue Yesu, hai katetetambaiami ahimi i hangka rangami.

2 Timotiu 1:3

Ioru, kuuli ngkaia kamaroana i Pue Ala au kupenombai hangko i kabulana lalungku, nodo penombaanda toiorungku hangkoia. Kuuli liliu ngkaia kamaroana i Pue Ala anti kaoiona Timotiu. Kukabelai liliuko i lalu pekakaengku, maroa mabaa ba kaindi.

Pilemo 1:5

Lawi kuhadimi bambari au manguli noumba kamarohona pepoinalaimu i Pue Yesu hai kamahilena ahimu i ope-ope to Sarani.