Matiu 6:16 - Sura Malelaha

¹⁶ “Ane mopuasakau, inee marinti lindomi nodohe tauna au maroa i raoa peahe. Ane mopuasahe, marinti lindonda hai raoaka barahe mewawalindo ba mekarabi bona raita tauna kamopuasanda. Nikatuinao, anti karalambinami petoia hangko i ranganda, barapohe molambi apa-apa hangko i Pue Ala.

Matiu 6:16 Kruisverwysings

Matiu 6:1

“Nipamaroa-roa ineekau mobabehi rara mpoagama i lindonda tauna bosa bona raita peakau hangka rangami. Lawi ane nodo babehiami, barakau ina nawati Pue Ala, Umami au ara i suruga.

Matiu 6:2

Mewali, ane motulungikau tauna au meahi-ahi, inee nipopaisa i tauna bosa, nodo au rababehi tauna au maroa i raoa pea. Ihira mampetudungia kamaroana lalunda i lalu sou penombaa ba i rara au mahile bona ratoia hangka ranganda. Bara ara apa-apa au ina rahumba hangko i Pue Ala, lawi rahumbami petoia hangko i ranganda.

Matiu 6:5

“Ane mekakaekau, ineekau nodo tauna au maroa peahe i humenda. Raunde meangka mekakae i lalu sou penombaa ba i porompengaa rara bona raita hai ratoiahe tauna. Mewali, anti karahumbanami petoianda ranganda, barapohe molambi pewati hangko i Pue Ala.

Markus 2:18

Hambela tempo, topeguruna Yohane Toperiu hai toParisi tanganda mopuasa. Arahe tauna au hawe i Yesu hai mekune Iria, rauli, “Topeguruna Yohane Toperiu mopuasahe. Nodo wori topegurunda toParisi. Mewali, moapari pane topeguruMu barahe mopuasa?”

Lukasi 18:12

Mopuasana rombela i lalu haminggu. Hai hangko i ope-ope wuana bagongku, kuweiKo hangkira hampulo.’

Suro 10:30

Mehanami Kornelius, nauli, “Iba alona liu, i tempo au himbela hai ide, tangangku mekakae i soungku tinti talu kalumba, unga pea ara hadua tobalilo au meangka i lindoku. Hampina mengkila-ngkila.

Suro 14:23

I polumaonda iti, Paulu hai Baranaba mopilei hai moangkahe penatua i boea-boeana. Mopuasa hai mekakaehe, merapihe bona nakadipurahe Pue lawi Ia pea peharunganda.

1 Korintu 7:5

Ikamu tohamboko, ineekau mombekaraohi alana barapokau moluhi. Ba tauli ane popakanoto sambelamimi, lawi nipeinao bona peisakau mekakae. Agaiana roo iti, hangangaa moluhi mbulikau bona datikau nakelo Datu Tokadake mobabehi sala anti kadana nibuku morempeki peundeana lalumi.

2 Korintu 11:27

Mobago mantimina i sukana pebukuangku. Bosa belana barana leta, marimina hai mangkadouna. Bosa belana bara ara paandeku, makulina lawi bara handa hampiku.

2 Korintu 6:5

Rapapahaingkai, ratarunggungkai, radulungkai, hai mobago mantimingkai. Bosa belana barapongkai leta, bosa wori belana bara ara paandeki.