Matiu 5:11 - Sura Malelaha

¹¹ Morasikau ane rakakabosaikau, rapopeahi-ahikau hai rasalaikau hai mampopengaa lolita au kadake anti peulami Iriko.

Matiu 5:11 Kruisverwysings

Matiu 10:18

Anti peulami Iriko, ikamu ina rahuhu i topoparenta hai i datu-datu. I tempo iti, ina raweikau katepaka mopahawe kana i pepoinalaimi Iriko i lindonda topoparenta hai i tauna au bara manihe moisa Pue Ala.

Matiu 10:22

Ina rakahihikau ope-ope tauna anti peulami Iriko. Agaiana tauna au meula liliu Iriko duuna i kahopoana ina tehoremahe.

Matiu 10:25

Apa au mewali i hadua guru, iti wori au ina mewali i topeguruna. Apa au mewali i hadua tuana, iti wori au ina mewali i hawina. Maroa-roakau, lawi Iko, Ampumi, hai ikamu, topeguruNgku. Mewali, ane rapana Iko rahanga Beelsebul, datunda ope-ope seta, pelumbunami ikamu au meula Iriko. Ina rakakabosai worikau.”

Matiu 10:39

Hema au mokabaha peundeana haduduana hai meula Iriko kehapiri rapapate, ia ina molambi katuwo maroa au bara mokahopoa. Agaiana hema au mampeulai peundeana haduduana, bara ina molambi katuwo maroa au bara mokahopoa iti.

Matiu 19:29

Hema au mopalehi halaluna, inana ba umana, anana ba souna ba bondena lawi meula Iriko, batena molambi hurungina hangatu belana hangko i apa au napalehi, hai molambi wori katuwo maroa au bara mokahopoa.

Matiu 24:9

I tempo iti, ikamu ina rahaka hai rahuhu i tauna bona rapopeahi-ahikau hai rapapatekau. Anti peulami Iriko, tauna i humalele dunia ina mokahihikau.

Matiu 27:39

Tauna au melempo inditi, molili-liahe waanda mopapakoi Yesu,

Markus 13:13

Anti peulami Iriko, ina rakahihikau ope-ope tauna. Agaiana tauna au meula liliu Iriko duuna i kahopoana ina tehoremahe.”

Markus 13:9

Agaiana ikamu, mainga-ingakau! Lawi ikamu ina rahaka hai raanti lao i topebotusi agama Yahudi. Ina rapopeahi-ahikau i lalu sou penombaa. Anti peulami Iriko, ina rahuhukau i gubernur hai i datu. Indo, ina raweikau tempo mopahawe kana i pepoinalaimi Iriko.

Markus 4:17

Agaiana Ngkora iti bara mouaka i lalunda, ido hai bara mantaha pepoinalainda. Ane rapopeahi-ahihe ba rapamaparihe anti pepoinalainda i Ngkorana Pue, usulihe hai barapohe mepoinalai.

Markus 8:35

Hema au mokabaha peundeana haduduana anti peulana Iriko hai Ngkora Marasa, kehapiri rapapate, ia molambi katuwo maroa. Agaiana hema au mampeulai peundeana haduduana bara molambi katuwo maroa.

Lukasi 21:12

Agaiana hangko damani ope-ope iti mewali, ikamu ina rahaka hai rapopeahi-ahi. Ina rasalaikau i lalu sou penombaa hai ratarunggukau. Anti peulami Iriko, ikamu ina rahuhu i datu hai topoparenta.

Lukasi 21:17

Anti peulami Iriko, ina rakahihikau ope-ope tauna.

Lukasi 6:22

Morasikau au rakahihi, au barakau rapohintuwua, rakakabosai hai rasalai tauna anti peulami Iriko Ana Manusia.

Lukasi 9:24

Hema au mokabaha peundeana haduduana anti peulana Iriko kehapiri rapapate, iami au molambi katuwo maroa. Agaiana hema au mampeulai peundeana haduduana bara molambi katuwo maroa.

Yohane 15:21

Ope-ope iti ina rababehiakau anti peulami Iriko lawi barahe moisa Pue Ala au motuduNa.

Yohane 9:28

Hangko inditi, ratunda-tundami hai rauliangaa, “Oio topeguruNa tauna iti! Ikami topegurunangkai nabi Musa!

Suro 9:16

Hai ina Kutudungia wori hinangka kapari au hangangaa nahalea anti pobagona Iriko.”

Roma 8:36

I lalu dunia ide, batena narumpake kapari, nodo au teuki i lalu Sura Malelaha hangkoia: “Anti kaOiona, rapopara peamongkai rapapate nodomongkai dimba au ina rasambale.”

1 Korintu 4:10

Ikami raimbangkai tontuli lawi mopahawengkai bambari kana i Kerisitu, agaiana niuli ikamu to Sarani au mapandekau! Ikami, maledengkai, agaiana niuli ikamu maroho pepoinalaimi! Ikamu raadaikau tauna i dunia, agaiana ikami, rakakabosaingkai!

2 Korintu 4:11

I lalu katuwongki i dunia ide, bosa tauna mampeinaohe mopapatengkai anti peulangki i Pue Yesu. Agaiana iti mewali bona tongawa katuwona Pue Yesu, i lalu watangki au bara monono.

Pilipi 1:29

Mewali, ineekau langa i tauna au moewakau, lawi tunggaiana Pue Ala mopileikau, bara pea bona mepoinalaikau i Kerisitu, agaiana bona molambi worikau kapari alana hangana Kerisitu rapomahile.

1 Peturu 2:23

Nauri rakakabosai, bara mehurungi. Nauri rapopeahi-ahi, bara meewa. Ia mopaisare pea tuwoNa i Pue Ala, Topebotusi au manoto.

1 Peturu 4:14

Morasikau, halalu, ane rakakabosaikau anti peulami i Kerisitu, lawi Inao Malelaha au meawa au hangko i Pue Ala maida liliu i lalumi.

Pampetudungia 2:3

Mantahakau i lalu kapari anti pepoinalaimi Iriko, hai bara malede lalumi meula Iriko.