Matiu 5:1 - Sura Malelaha

¹ Kanaitanda Yesu tauna bosa, mempanaimi lao i tongku-tongkuna hai mohuda. Pohudana peami Yesu, laomohe topeguruna hungku Iria.

Matiu 5:1 Kruisverwysings

Matiu 13:2

Bosa mpuu tauna teruhu motoleliki, ido hai laomi mesawi i duanga hai mohuda i laluna. Tauna bosa meangkahe i wiwi rano.

Matiu 15:29

Roo indo, padu worimi Yesu hangko inditi, molumao metalinti i wiwi rano Galilea. Mempanai lao i tongku-tongkuna, hai mohuda mepaturo.

Matiu 4:25

I tempo iti, bosa mpuu tauna au meula Iria. Arahe au hangko i tampo Galilea, hangko i Dekapolis, hangko i Yerusale, hangko i tampo Yudea, hai ara worihe au hangko i ntanda orupena owai Yarade.

Matiu 5:2

Ia mepongkami mepaturo, Nauli,

Markus 3:13

Roo indo, mempanaimi Yesu lao i tongku-tongkuna, hai mokakio tauna hintoto hai peundeaNa. I kahawenda tauna iti,

Markus 3:20

Roo indo, mesulemi Yesu i sou. Agaiana bosa wori tauna hawe motoleliki, alana Yesu hai topeguruNa barapohe tepaka maande.

Markus 4:1

Hambela tempo, mepaturo mbulimi Yesu i wiwi rano Galilea. Bosa mpuu tauna teruhu motoleliki Yesu. Ido hai laomi Yesu mesawi i duanga, hai mohuda inditi, hai tauna bosa meangkahe i wiwi rano.

Lukasi 6:12

Hambela tempo, Yesu laomi i tongku-tongkuna, hai mekakae hambengia i Pue Ala.

Lukasi 6:17

Roo indo, mempanaulumi Yesu hihimbela hai topeguruNa. Mengkaroomohe i lempena, lawi inditi bosahe tauna au meula Iria mepegia. Inditi ara worihe bosa tauna au hangko i humalele tamponda to Yahudi, hangko i wanua Yerusale hai hangko i wanua Tirus hai Sidon au i wiwi ntahi.

Lukasi 6:20

Yesu mototoki topeulaNa hai Nauliangaahe: “Morasikau au meahi-ahi tuwomi, lawi ikamumi au mewali taunana Pue Ala i lalu poparentaNa.

Lukasi 9:28

Ualu alona hangko i pepaturoNa iti, Yesu moanti Peturu, Yohane hai Yakobu mempanai lao i wongko bulu bona mekakae.

Yohane 6:15

Mewali, arami tunggaianda mopari-pari Yesu mewali datunda. Kanaisana Yesu tunggaianda, padumi Ia hangko inditi lao i tongku-tongkuna mampasadudua.