Matiu 3:12 - Sura Malelaha

¹² Ia peisa rapandiri nodo hadua tauna au motapihi pare bona tepatani pare au moihi hai tepatani wori pare au wara. Pare au moihi napopesua i lalu tambaru, hai pare au wara natende i api.”

Matiu 3:12 Kruisverwysings

Matiu 13:30

Pogiangaa peami dana tuwo hihimbela hai pare, duuna tempota mepare. I tempo iti, ina kutuduhe topepare mowuka hampai dana, ragulu, raboke hai rahuwe. Roo indo, hangko raguluri pare, hai rawoli i lalu tambaru’.”

Matiu 13:41

Iko Ana Manusia ina motudu malaekaNgku lao morampu ope-ope au mepakanawo hai tauna au mobabehi dake hangko i olonda taunaNgku.

Matiu 13:42

Ope-ope tauna iti ina ratendehe i lalu api au lolaa. Inditi, ina moteria hai mantodiha liliuhe.

Matiu 13:43

Agaiana tauna au manoto babehianda, ina mewangkahe nodo alo, i lalu poparentana Pue Ala Umanda. Hema au motalinga, pehadingi maroa!”

Lukasi 3:16

Mololitami Yohane, nauli, “Ane iko, kuriu peakau hai owai. Agaiana ara hadua au ina mai au meliu kuasaNa hangko iriko. Mogalorina mokakahi pekapu kandupaNa, barana hintoto. Ia au ina moriukau hai Inao Malelaha hai api.

Lukasi 3:17

Ia peisa rapandiri nodo hadua tauna au motapihi pare bona tepatani pare au moihi hai tepatani wori au wara. Pare au moihi napopesua i lalu tambaru, hai au wara natende i api.”

Yohane 15:2

Ope-ope daa au tuwo Iriko au bara mowua, Nakadiri. Hai ope-ope daa au tuwo Iriko au mowua, Napakabaa hai Nakadipura bona tetambai powuana.