Matiu 23:9 - Sura Malelaha

⁹ Hai inee wori nipomahile tauna i dunia ide hai nikakiohe ‘Uma,’ lawi Umami hadua pea, iami Umami au ara i suruga.

Matiu 23:9 Kruisverwysings

Matiu 23:10

Hai inee worikau mampeinao rakakio ‘Tadulako,’ lawi tadulakomi hadua pea, iami Kerisitu.

Matiu 6:32

Ope-ope iti rahaoki liliu tauna au bara moisa Pue Ala. Agaiana ineekau langa, lawi ope-ope au niparaluu, naisa haha Umami au i suruga.

Matiu 7:11

Kehapirikau kadake, niisa mani mowei apa au maroa i anami. Apa mani Umami au ara i suruga! Batena ina mowei apa au maroa i tauna au merapi Iria.”

Suro 22:1

Nauli Paulu, “Uma-uma, halalu-halalu! Nipehadingi wongkoia, lawi ina kuuliangaakau notongku.”

1 Korintu 4:15

Lawi kehapi isabunami guru au moninikau i peulami i Kerisitu, iko pea au nipouma, lawi iko au nguru-nguruna mobambari Ngkora Marasa irikamu, alana mepoinalaikau i Kerisitu Yesu.

2 Korintu 6:18

“Iko nipouma, hai ikamu, Kupoana.” Nodomi pangulina Pue Ala Au Makuasa.

Ibarani 12:9

Ikita ope-ope rakambaroamoke umanta i dunia, hai tabilahe. Apa mani Umanta au Ampu inaonta. Ane Nakambaroake, hangangaa mengkoru mpuuke alana molambike katuwo maroa.

1 Yohane 3:1

Anti kamahilena ahina Pue Ala Umanta irikita, ido hai Naimbamoke anaNa, hai ikita tou-tou anaNa mpuuke Pue Ala. Agaiana tauna au bara mepoinalai i Yesu, bara raisa kaikitana anana Pue Ala, lawi bara worihe moisa Pue Ala.