Matiu 23:8 - Sura Malelaha

⁸ Agaiana ikamu, ineekau mampeinao rabila hai rakakio ‘Guru,’ lawi hadua pea gurumi, iami Kerisitu, hai ikamu ope-ope topohalalu peakau.

Matiu 23:8 Kruisverwysings

Matiu 10:25

Apa au mewali i hadua guru, iti wori au ina mewali i topeguruna. Apa au mewali i hadua tuana, iti wori au ina mewali i hawina. Maroa-roakau, lawi Iko, Ampumi, hai ikamu, topeguruNgku. Mewali, ane rapana Iko rahanga Beelsebul, datunda ope-ope seta, pelumbunami ikamu au meula Iriko. Ina rakakabosai worikau.”

Matiu 17:5

Tangana mani Peturu mololita, unga pea hawe gawu au mewangka mobalungkuhihe, hai hangko i lalu gawu iti mohadihe hambua wotu au manguli, “Idemi AnaNgku au Kupokakaia hai au Kupokatana. Nipehadingi lolitaNa!”

Matiu 23:10

Hai inee worikau mampeinao rakakio ‘Tadulako,’ lawi tadulakomi hadua pea, iami Kerisitu.

Matiu 23:7

Matanahe ane rabilahe tauna i pobalu-balua hai ane rakakiohe ‘Guru.’

Matiu 26:25

Hangko inditi, nauli wori Yudasi au ina mampobalu Yesu, “Bara pae iko au Nutunggai Guru?” Nahanai Yesu, “Nodo pangulimu!”

Matiu 26:49

Mewali, kahawenda inditi, laomi Yudasi mampohidupaa Yesu, nauli, “Ngkaia tabea, Guru!” hai naangki.

Markus 10:51

Napekune Yesu iria, “Apa au nuunde bona Kubabehi?” Nahanai tobilo iti, “Guru, kupeinao wongkoia meita!”

Markus 11:21

Nakatuinaomi Peturu lolitana Yesu. Ido hai mouliangaa Yesu, “Guru! Peita pae kau ara au Nugane iti, bangimi!”

Markus 14:45

Mewali, kahawenda inditi, laomi Yudasi mampohidupaa Yesu, nauli, “Guru!” hai naangki.

Markus 9:5

Hangko inditi, Peturu mouliangaa Yesu, “Guru, maroa mpuu kihadi inde. Agina kibabehi talu oguna bambaru: haogu Irio Pue, haogu i Musa, hai haogu wori i Elia.”

Lukasi 22:32

Agaiana Kupekakaengaako Simo bona dati maguli pepoinalaimu. Mewali, ane menosoko hai mesuleko Iriko, hangangaa nupakaroho lalunda halalumu.”

Yohane 1:38

Membalilimi Yesu, Naitahe meula. Napekunehe, “Apa nihaoki?” Rahanai, “Guru, iumba paidaaMu?”

Yohane 1:49

Nauli Natanael, “Guru, tou mpuu AnanaKo Pue Ala! Oio mpuumi Datunda to Isaraeli!”

Yohane 11:8

Rauli topeguruNa, “Guru, bara mani mahae to Yahudi inditi mampeinao mowatuiKo. Moapari hai Nupeinao mbuli lao indolou?”

Yohane 20:16

Nauli Yesu, “Maria.” Membalilimi Maria i Yesu, hai mololita i lalu basanda to Yahudi, “Rabuni!” (Lempona, ‘Guru’.)

Yohane 3:2

Hambela tempo, kaindi, ia mai mampohidupaa Yesu, hai mololita nauli, “Guru, kiisa Oio hadua guru au natuduKo mai Pue Ala, lawi bara ara tauna au peisa mobabehi tanda kuasa nodo au Nubabehi, ane bara naporangai Pue Ala.”

Yohane 3:26

Laomohe i Yohane, rauliangaa, “Guru, ba nukatuinao mani hangkoia hadua tauna au hihimbela hai guru ntanda i orupena owai Yarade au nutudungiangkai? Ia meriu wori, hai kabosa-bosaami tauna au lao Iria!”

Yohane 4:31

Tangana towawine iti lao i boea, mololitamohe topeguruna Yesu, rauli, “Guru, maandemoke.”

Yohane 6:25

Kahawenda tauna bosa ntanda i orupena rano, mampohidupaamohe Yesu hai mekunehe, rauli, “Guru! ImpiraKo hawe inde?”

Yohane 9:2

Mekunehe topeguruNa Iria, “Guru, moapari tauna iti hai bilori hangko i pesupaana? Anti kamadosana haduduana, ba anti dosanda tosaena?”

2 Korintu 1:24

Barapokau kupari-pari kana i apa au hangangaa nipoinalai, lawi marohomi pepoinalaimi i Kerisitu. Agaiana kiunderi mobago sambela hai ikamu bona matana lalumi.

2 Korintu 4:5

Barangkai mopahawe bambari kana i watangki haduduangki. Agaiana mopahawengkai bambari au manguli: Yesu Kerisitu iami Pue. Hai ikami ide mewalimongkai hawimi moula hawana Yesu.

Epesu 3:15

Iami pongkana hinangka au ara, maroa i dunia maroa i suruga.

Pilemo 1:16

Hai Onesimus iti, ineemi nuimba hawimu lawi melumbu tuwona hangko i kahawina. Ide-ide hangangaa nuimbami halalumu hampepepoinalai au nupokaahi. Ane iko maahina iria, apa mani oio. Hangangaa nupokaahi lawi ia hangka manusiamu hai halalumu i lalu Pue Yesu.

Yakobu 3:1

Halalu-halalungku! Ineekau bosa au mampeinao mewali guru agama. Lawi taisami halalu, tauna au mewali guru agama hangangaa mampeulai peundeana Pue Ala, hai ane masalake ina melumbu pehukuNa irikita pane pehukuNa i tauna ntani.

1 Peturu 5:3

Ineehe nipohawaa tauna au rapoinalaiakau nodokau hadua topoparenta mampohawaa taunana. Agaiana hangangaa mewalirikau pandiri irihira

Pampetudungia 1:9

Iko, Yohane, halalumi i lalu hangana Yesu. Himbela karapopeahi-ahinta anti peulanta i Yesu, hai himbela kamolambita kira i lalu poparentana Pue Ala, hai himbela wori kamantahata mohalea pepopeahi-ahi iti. Ratendena i lewuto au rahanga Patmos lawi mopahawena Ngkorana Pue Ala hai mosabina kana i Yesu au kupenombai.

Pampetudungia 19:10

Molingkudumona motumpa i lindona malaeka iti menombana iria, agaiana nauliangaana, “Inee! Ineeko menomba iriko. Batena pea Pue Ala au hintoto nupenombai. Lawi ide iko, hawina pea worina Pue Ala himbela hai oio hai ope-ope halalumu au mopangaku kaYesuna au rapenombai. Lawi tunggaiana ope-ope lolitangku ide bona mosabiki kaYesuna Datu Topehompo.”

Pampetudungia 22:9

Agaiana nakontona, nauli, “Inee! Ineeko menomba iriko. Batena pea Pue Ala au hintoto nupenombai. Lawi ide iko, hawina pea worina Pue Ala himbela hai oio hai hangka nabimu hai ope-ope tauna au mampeulai apa au teuki i lalu sura ide.”