Matiu 20:12 - Sura Malelaha

¹² ‘Au hawe mobago i boko, mobagohe hajaa pea. Agaiana ikami, mobagongkai hangaloa, nasimbakingkai alo au makere. Moapari hai nubaiarihe himbela hai ikami?’

Matiu 20:12 Kruisverwysings

Matiu 20:11

I polambinda saronda iti, mohume-humehe i ampu bonde, rauli,

Lukasi 12:55

Ane mewui himburu hangko i Lau, niuli ina madii, hai batena mewali nodo.

Roma 3:27

Mewali, barapi ara raranta mampemahile. Lawi barake nadoko Pue Ala anti kamaroana babehianta. Agaiana Nadokoke anti pepoinalainta i Pue Yesu.

Roma 3:30

Lawi Pue Ala hadua pea, hai Iami au mopamanoto to Yahudi anti pepoinalainda, hai mopamanoto worihe tauna au bara to Yahudi anti pepoinalainda.

1 Korintu 4:11

Duuna ide-ide, bara handa paandeki, bara handa paenungki, bara handa hampiki. Rapopeahi-ahi liliungkai. Bara ara paidaangki au maroa.

Epesu 3:6

Tunggaia iti iami: tauna au barahe to Yahudi molambi worihe pewatina Pue Ala hihimbela hai to Yahudi. Napopewalimohe Pue Ala hawata-wata hai to Yahudi bona molambi worihe apa au nadandi Pue Ala i ope-ope anaNa. Iti ralambi anti pohintuwunda hai Kerisitu Yesu, lawi mopoinalaihe Ngkora Marasa.

Yakobu 1:11

Lawi ane nasimbaki alo au makere, liliu malau, alana maoru bungana hai matantami peraena. Nodo wori tauna au pebuku: ina matehe tanganda mourusi peawanda.