Matiu 11:26 - Sura Malelaha

²⁶ lawi nodomi peundeaMu, Uma.”

Matiu 11:26 Kruisverwysings

Lukasi 10:21

I tempo iti, matanami Yesu i lalu Inao Malelaha, hai hangko i kamatanana laluNa, Nauli, “O Uma, Ampu langi hai tampo! KutoiaKo, lawi ope-ope au tewuniangi hangkoia Nupopaisaamohe tauna au i woi tuwonda, agaiana Nuwuniangiahe tauna au mapangka posikolanda hai tauna au mapande. Lawi nodomi peundeaMu, Uma.”

Lukasi 22:42

Nauli, “UmaNgku, ane Nuunde, Nupakaraoa wongkoia kapari au ina morumpaNa ide. Agaiana bara peundeaKu au Kuula, peundeaMuri, Uma.”

Lukasi 23:34

Yesu mekakae, Nauli, “Uma, Nuampungi wohiraia tauna ide, lawi bara raisa apa au rababehi.” Surodado au mopaku Yesu motendemohe dadu bona mopakanoto kahemana au molambi hampiNa.

Yohane 11:41

Roo indo, rabungkahimi watu petuko talumbana. Mengoami Yesu i langi, Nauli, “UmaNgku, Kuuli ngkaia kamaroana Irio, lawi Nuhadimi perapiNgku.

Yohane 12:27

“Masusa mpuu ide laluNgku. Barapi Kuisa apa au hangangaa Kuuli, ina mekakaena Kuuli: ‘Uma, Nukabaha wongkoia hangko i kapari au ina morumpaNa!’ Agaiana idomi tunggaiaKu mai i dunia bona mantodihaNa kapari iti.

Yohane 12:28

Uma, patongawamide peawana hangaMu!” Roo indo, ara hambua wotu hangko i langi au manguli, “Kupatongawami peawana hangaNgku hai ina Kupatongawa mbuli.”

Roma 9:18

Mewali, taisa mpuu: Pue Ala motudungia ahiNa i hadua tauna, hai mopamatua laluna tohaduana. Ia mobabehi nodo moula peundeaNa haduduaNa.

Epesu 1:11

Pue Ala mobabehi hinangkana moula peundeaNa hai pobotusiNa haduduaNa. Napileimoke hai Napakanotomi kaikitana au mewali taunaNa anti pohintuwuta hai Kerisitu.

Epesu 1:9

Moula peundeaNa, Napopaisaamoke tunggaiaNa au tewuniangi mani. TunggaiaNa iti iami bona hinangkana, maroa au i suruga ba i dunia, ina Napahintuwuhe hai Kerisitu au mewali tadulako i hinangkana. Hai tunggaiaNa iti batena Napopewali melempo i Kerisitu ane hawemi tempona.

Epesu 3:11

Pue Ala mobabehi ope-ope iti moula tunggaiaNa au Napakanotomi hangko damani dunia rapopewali, hai tunggaiaNa iti Napopewali i lalu watana Kerisitu Yesu Amputa.

2 Timotiu 1:9

Nahoremamoke Pue Ala hangko i dosanta hai Nakakiomoke mewali taunaNa au malelaha. Barake Nahorema hai Nakakio anti kamaroana babehianta. Agaiana iti Nababehi anti kabulana laluNa moula tunggaiaNa. Lawi hangko damani dunia ide rapopewali, arami tunggaiana Pue Ala mopahintuwuke hai Kerisitu Yesu anti kabulana laluNa.