Lukasi 11:2 - Sura Malelaha

² Nauliangaahe Yesu, “Ane mekakaekau, niuli node, Uma, kipomahile hangaMu au malelaha. Nupopewalimi poparentaMu i dunia.

Lukasi 11:2 Kruisverwysings

Matiu 10:32

Hema au mopangaku i lindonda tauna bosa peulana Iriko, ia ina Kupangaku wori i UmaNgku au ara i suruga.

Matiu 3:2

nauliangaahe, “Menosomokau hangko i dosami, lawi barapi mahae ina hawe poparentana Pue Ala i dunia.”

Matiu 5:16

Nodo wori pewangka au ara i lalumi, inee niwuni. Nipakaroa babehiami bona ope-ope tauna ina moita babehiami iti, pane motoiahe Umami au ara i suruga.”

Lukasi 11:1

Hambela tempo, Yesu lao mekakae. KarooNa mekakae, hadua topeguruNa mouliangaa Yesu, “Pue, Nupaturo wongkamia mekakae, nodo Yohane Toperiu mopaturo worihe topeguruna.”

Roma 1:7

Ido hai kupakatu sura ide irikamu, to Sarani i Roma, lawi Pue Ala mampokaahikau hai mokakiokau mewali taunaNa au malelaha. Kuharunga Pue Ala Umanta hai Pue Yesu Kerisitu mowatikau hai moweikau roa ngkatuwo.

Roma 8:15

Hangkoia, nodoke hawi, lawi langake i pehukuna Pue Ala. Agaiana ide-ide, anti polambitami Inao Malelaha, barapoke langa. Lawi Inao Malelaha itimi au mampopewalike anana Pue Ala. Hai anti pokalena Inao Malelaha, baimoke mokakio Pue Ala, “Uma!”

1 Korintu 1:3

Kuharunga Pue Ala Umanta hai Pue Yesu Kerisitu mowatikau hai moweikau roa ngkatuwo.

2 Korintu 1:2

Kiharunga Pue Ala Umanta hai Pue Yesu Kerisitu mowatikau hai moweikau roa ngkatuwo.

Galatia 1:4

Pue Yesu mokirami wataNa rapapate mohuru dosanta bona tekabahake hangko i kuasa dunia au kadake ide. Iti Nababehi moula peundeana Pue Ala Umanta.

Epesu 1:2

Pebila hai peadai! Kuharunga Pue Ala Umanta hai Pue Yesu Kerisitu mowatikau hai moweikau roa ngkatuwo.

Pilipi 1:2

Ngkaia tabea: kiharunga Pue Ala Umanta hai Pue Yesu Kerisitu mowatikau hai moweikau roa ngkatuwo.

Pilipi 4:20

Tetoiami Pue Ala Umanta hawe i hae-haena! Amin.

Kolose 1:2

Sura ide kipakatu irikamu halalungki hampepepoinalai i Kerisitu au ara i Kolose. Kiharunga Pue Ala Umanta ina moweikau pewati hai roa ngkatuwo.

1 Tesalonika 1:1

Sura ide hangko irikami: Paulu, Silas hai Timotiu. Kipakatuakau jumaa i Tesalonika au mohintuwumokau hai Pue Ala Umanta hai Pue Yesu Kerisitu! Mekakaengkai i Pue Ala bona Nawatikau hangko i kabulana laluNa hai Naweikau roa ngkatuwo.

1 Tesalonika 1:3

Ane mekakaengkai i Pue Ala Umanta, kikatuinao liliu pobagomi anti pepoinalaimi, kikatuinao petulungimi i rangami anti kamaahimi, hai kikatuinao kamantahami i lalu kapari anti peharungami i Amputa Yesu Kerisitu.

2 Tesalonika 2:16

Pue Ala motudungiake ahiNa, hai mopakaroho lalunta hawe i hae-haena, hai Naweike peharunga au maroa anti kabulana laluNa. Ido hai mekakaengkai i Amputa Yesu Kerisitu hai Pue Ala Umanta bona Napakaroho hai Napatetida lalumi bona maroa ope-ope lolitami hai babehiami.

Pampetudungia 11:15

Malaeka au kapitu motawuemi tatamburuna. Hai arahe au monganga-nganga i lalu suruga, rauli, “Ide-ide poparenta i dunia i taienami Pue Ala himbela hai Datu Topehompo au Napileimi bona Pue Ala moparenta i hae-haena.”

Pampetudungia 15:4

Pue, hema pae au bara meula Irio? Hema pae au bara mopangaku kamasukuna tuwoMu? Lawi Oio pea au malelaha. Ope-ope tauna batena menomba Irio, Lawi tongawami katouna pobotusiMu i hinangkana.”

Pampetudungia 19:6

Roo indo, kuhadi wori ponganganda tauna au bosa ntepuu. Ponganganda iti nodo powoo owai au mahile, hai nodo pomoni gumpata. Kuhadihe manguli, “Haleluya! Toiami Pue Ala. Lawi Amputa Pue Ala moparentami! Melumbu kuasaNa hangko i hinangkana.

Pampetudungia 20:4

Roo indo, kuita bahangkia kadera kadatua au rapohudai tauna au raweihe kuasa mobotusi kara-kara. Kuita wori tanoananda tauna au rabohoki tambolonda anti popangakunda kaYesuna Ampunda hai popahawenda Ngkorana Pue Ala. Tauna iti, barahe hambela menomba i binata au kadake ba i lengge binata iti, hai bara worihe modoko tanda binata i wingkenda ba i taienda. Ido hai tuwo hulehe hai moparentahe hihimbela hai Kerisitu i lalu hasabu parena.