Lukasi 1:51 - Sura Malelaha

⁵¹ Anti kamarohona kuasaNa, Ia mobabehi apa au maroa ntepuu. Tauna au mampemahile, Nahawu-hawuhe bona tunggaianda bara mewali.

Lukasi 1:51 Kruisverwysings

Roma 1:21

Raisato kaarana Pue Ala, agaiana barahe mengkoru Iria, hai bara wori raisa manguli ngkaia kamaroana Iria. Pekirinda kakakaraoari hangko i Pue Ala, alana makaindi lalunda.

2 Korintu 10:5

Kuasa iti kipake monangi tauna au mampemahilehe hai kapandenda mohomboki hangka ranganda au mampeinao moisa Pue Ala. Anti karoho au kihumba hangko i Pue Ala, kibaliki lalunda tauna iti bona mengkoruhe i Kerisitu.

1 Peturu 5:5

Nodo wori ikamu au mangura mani, hangangaa mengkorukau i tosae. Ope-opekau hangangaa mengkaiwoi hai mombetulungi. Lawi: “Pue Ala moewahe tauna au mampemahile, agaiana tauna au mengkaiwoi Natulungihe.”

Pampetudungia 18:8

Anti kamampemahilenda iti, i lalu hangaloa pea wanua Babeli ina opehe narumpa, kapate, pandawi hai rimi. Hai wanua ide ina tehuwe, lawi au mohuku wanua ide, iami Pue Ala au makuasa.”