Kolose 4:18 - Sura Malelaha

¹⁸ Tabea hangko iriko, Paulu. Kahopoa sura ide kuuki haduduangku. Nikatuinao wongkoia ide-ide tangangku mani i lalu tarunggu. Pue mowatikau. Hangko iriko PAULU

Kolose 4:18 Kruisverwysings

Roma 16:20

Pue Ala, pongka roa ngkatuwo, ina monangi hai moropui Datu Tokadake i lalu katuwomi. Halalu-halalungku! Amputa Yesu Kerisitu, mowatikau hai mamporangai liliukau.

Roma 16:22

Iko, Tertius, au mampoukia Paulu sura ide, mopahawe worina tabeangku i lalu hangana Pue Yesu i halalu hampepepoinalaingku i Roma.

Roma 16:23

Gayu wori mopakatu tabeana. Iko, Paulu, maidana i souna Gayu, hai to Sarani i wanua ide paka moguluhe inde. Erastus, topamboli doi wanua, hai halalunta Kwartus mopakatu worihe tabeanda.

1 Korintu 16:21

Kahopoa sura ide kuuki sadudua, ngkaia tabea hangko iriko Paulu.

Pilipi 1:7

Hintoto mpuu pekiringku nodo, lawi kupokakaiakau. I lalu bagongku au naweina Pue Ala hangko i kabulana laluNa, nidurei liliuna, maroa ide-ide tangangku i lalu tarunggu, maroa i tempoku mosabi hai mopakaroho katouna Ngkora Marasa.

Kolose 4:3

Hai nipekakaea woringkai bona nabungkahiangkai Pue Ala rara mopahawe NgkoraNa au mampololita tunggaiaNa au napabukei Kerisitu. Hangkoia tunggaiaNa iti tewuniangi mani, agaiana ide-ide bambari kana i Kerisitu kupahawemi. Ido hai ratarungguna.

2 Tesalonika 3:17

Tabea hangko iriko, Paulu. Kahopoana sura ide kuuki haduduangku. Ide tanda i lalu ope-ope kahopoa surangku bona niisa mpuu kahangko irikona sura ide.

1 Timotiu 6:21

Katouana tauna au mampeulai paturo iti, mopalehimohe pepoinalainda. Pue mowatikau ope-ope. Hangko iriko PAULU

2 Timotiu 1:8

Ido hai kuweiko lolita bona ineeko maea mewali sabina Pue Yesu, hai inee woriko maea manguli kaikona rangamu nauri ratarungguna anti pobambaringku Ngkorana Pue. Mewali oio wori hangangaa masilolonga mohalea kapari anti pobagomu mobambari Ngkora Marasa. Pue Ala moweiko roho mohalea kapari iti.

2 Timotiu 4:22

Kuharunga naporangaiko Pue. Hai Pue mowatikau ope-ope. Hangko iriko PAULU

Titu 3:15

Kupahawe wori tabeanda ope-ope rangangku au arahe inde. Nupahawe wori tabeangki i halalunta hampepepoinalai inditi, i Kreta. Pue mowatikau ope-ope. Hangko iriko PAULU

Ibarani 13:25

Pue mowatike ope-ope.

Ibarani 13:3

Hangangaa mokatuinaokau rangami au i lalu tarunggu. Hangangaa nihalea kaparinda nodo worikau ratarunggu hihimbela hai ihira. Hai nitulungihe tauna au rapopeahi-ahi anti pepoinalainda. Hangangaa nihalea kamaparinda nodo worikau au rapopeahi-ahi hihimbela hai ihira.