Kolose 2:22 - Sura Malelaha

²² Atura au nodo bara moanti katuwo maroa irikita, lawi atura iti kana pea i paande hai anu-anu au peisa ope; hampalai pea rapake. Atura iti mesuwu hangko i hawa hai paturo manusia.

Kolose 2:22 Kruisverwysings

Yohane 6:27

Ineekau mobago mohaoki paande au hampalai pea kaopena hai au polo mawai. Agaiana mobagokau mohaoki paande au bara peisa mawai hai au moweikau katuwo maroa au bara mokahopoa. Iko Ana Manusia au ina moweikau paande iti, lawi Ikomi au Napilei Pue Ala hai au Napokatana.”

1 Korintu 6:13

Ara wori lolita, “Paande mobundu i tainta, hai tai mobundu rapoihii paande.” Tou lolita iti, agaiana hambela tempo hinangkana iti ina napatuna Pue Ala. Agaiana watanta ide bara napopewali Pue Ala bona mebualosike. Watanta hangangaa tapake mobabehi peundeana Pue. Iami ampuna watanta.

Kolose 2:21

Inee nipeulai atura au manguli, “Inee nitobo ide!” “Inee niande iti!” “Ineekau moiho ide hai iti!”

Titu 1:14

Weihe lolita bona ineemohe mohaile lolitanda to Yahudi au moula pea parenta-parenta hangko i manusia au mosapuaka paturo au tou.

2 Peturu 2:12

Agaiana guru au mepakanawo iti, bara manoto pekirinda. Mosasalaihe apa au bara raisa. Babehianda nodo binata au bara ara pekirinda. Ihira nodo binata maila au rapoanaka bona rapakala hai rapapatehe. Ihira ina nahukuhe Pue Ala anti babehianda au kadake.

Pampetudungia 17:18

Mewali, towawine au nuita iti, lempona wanua au mahile au naparenta hadua datu au mokuasai ope-ope datu i dunia.”