Kolose 1:27 - Sura Malelaha

²⁷ Apa au tewuniangi hangkoia, ide-ide Naunde Pue Ala mopatongawa i taunaNa, iami noumba kamaroana hai kameawana tunggaiaNa irikamu au barakau to Yahudi. TunggaiaNa iti iami bona Kerisitu maida i lalumi, bona manoto kamolambimi wori katuwo au meawa hihimbela hai Pue Ala.

Kolose 1:27 Kruisverwysings

Matiu 13:11

Nahanai Yesu, “Hangkoia, tewuniangi mani paturo kana i poparentana Pue Ala. Ide-ide Naweikau Pue Ala pekiri bona niisa lempona paturo iti. Agaiana ane tauna bosa, barahe Nawei pekiri molempo paturo iti.

Lukasi 17:21

Nodo wori, bara ara tauna au ina manguli, ‘Peita olou, itimi!’ ba: ‘Peita inde, idemi!’ Lawi poparentana Pue Ala arami i olomi.”

Yohane 14:17

Topetulungi iti, iami Inaona Pue Ala au moninikau i paturo au tou. Tauna au bara mepoinalai, barahe peisa modoko Inaona Pue Ala, lawi bara raita hai bara raisa. Agaiana ikamu, niisami, lawi Naporangaimokau ide-ide, hai ina maida i lalumi.

Yohane 14:20

Ane hawe tempo iti, ina niisa Iko mohintuwuNa hai UmaNgku, hai ikamu mohintuwukau hai Iko, nodo wori Iko mohintuwu hai ikamu.

Yohane 14:23

Nauli Yesu, “Tauna au mampokaahiNa mampeulaihe lolitaNgku. Ihirami au napokaahi UmaNgku. UmaNgku hai Iko ina mai i tauna iti hai maidaNgkai irihira.

Yohane 17:26

Kupopaisaamohe kahemaMu, hai batena Kupahawe liliu kahemaMu bona mampokaahihe ranganda nodo kaNupokaahiNgku, hai bona mohintuwuhe hai Iko.”

Yohane 6:56

Tauna au moande ontoKu hai moenu waheNgku, ina mohintuwu liliuhe hai Iko, nodo wori Iko irihira.

Roma 11:33

Maroa mpuu Pue Ala! Kaladu mpuu pekiriNa hai manoto laluNa! Hema au peisa moparesa tunggaiaNa? Hema au peisa moisa ope-ope raraNa?

Roma 2:4

Tou, laluna Pue Ala maroa, sabara hai mahile ahiNa. Agaiana inee nauli lalumi, “Barake paraluu mobaliki babehianta au kadake.” Nikatuinao, halalu tunggaiana kamaroana laluna Pue Ala bona tepakakau mampenosoi dosami.

Roma 5:2

Anti pepoinalainta i kanatanga-tangainta Yesu Kerisitu au mopahintuwuke hai Pue Ala, ido hai taisami kabulana laluna Pue Ala i lalu katuwonta ide. Hai matana lalunta, lawi maroho peharunganta. Anti peharunganta iti, taisa kaina molambita kiranta i lalu peawana tuwona Pue Ala.

Roma 8:10

Agaiana ikita, ane arami Kerisitu i lalunta, kehapiri watanta ide mate lawi madosa, tanoananta batena molambi katuwo maroa au bara mokahopoa, lawi manotomoke i peitana Pue Ala.

Roma 9:23

Anti kasabaraNa, ido hai tongawa kamahilena tuwoNa i tauna au Napokaahi hai au Napatani amihe molambi kiranda i lalu peawana tuwoNa.

1 Korintu 3:16

Bara pae niisa halalu: ikamumi sou paidaana Pue Ala, hai Inaona Pue Ala maida i lalumi.

2 Korintu 2:14

Agaiana kuuli ngkaia kamaroana i Pue Ala, lawi anti pohintuwuta hai Kerisitu, menangike, hai Ia mewali tadulakonta au monini liliuke. Iumba pea kalaoangki, mopahawengkai Ngkora Marasa i ope-ope tauna bona peisahe moisa Pue Ala. Ngkora Marasa iti peisa rapandiri nodo lana mawongi.

2 Korintu 4:17

Kapari au kipolumaongi ide-ide bara hanoumba hai hampalai pea, hai ane mantahangkai ina molambingkai katuwo maroa au bara mokahopoa. Peawana katuwo au ina kilambi iti melumbu kamahilena hangko i kapari au kihampei ide-ide.

2 Korintu 4:6

Lawi Pue Ala au mongkora, Nauli, “Hangko i kamakaindi, mesupami baa!”, Ia worimi au mampopesupa baa i lalunta, bona moisake peawana tuwona Pue Ala au tongawa i tuwona Kerisitu.

2 Korintu 6:16

Peisa pae Souna Pue Ala rapopogulu hai sou penombaa i anitu? Ikita ide rapandiri nodo souna Pue Ala, lawi Pue Ala au tuwo maida i lalunta. Nodo au teuki i Ngkorana Pue: “Ina maidaNa i olonda hai ina Kuporangaihe. Ina mewaliNa Pue Ala au rapenombai, hai ihira ina mewalihe taunaNgku.”

Galatia 2:20

Hai ide-ide barapona tuwo moula peundeaku haduduangku, agaiana Kerisitumi au tuwo i lalu katuwongku. Mewali, tangangku mani tuwo i dunia ide, batengku mepoinalai i Anana Pue Ala au mampokakaiana hai au mokira wataNa rapapate bona mewalina manoto i peitana Pue Ala.

Galatia 4:19

Halalu, kuimba mpuumokau anangku. Hai ide-ide mapari lalungku mampepekirikau. Kamaparina lalungku ide nodo kamaparina hadua towawine au ina moana. Hai ina mapari liliu lalungku duuna poantimi himbela hai poantina Kerisitu.

Epesu 1:7

Hai wahena Pue Yesu au mabubu i kapateNa, tehompokimoke hangko i huku dosanta, lempona naampungimi Pue Ala hinangka dosanta, hangko i kabulana laluNa au mahile.

Epesu 2:22

Hai ikamu wori halalu au barakau to Yahudi, anti pohintuwumi hai Kerisitu, raaro sambelamokau hai ope-ope tauna au mepoinalai i Kerisitu. Hai mewalike haogu sou au napaidai Pue Ala i lalu kuasana Inao Malelaha.

Pilipi 4:19

Pue Ala au kupenombai ina mopabukei hinangka au niparaluu, moula peawaNa au mahile ntepuu, lawi mohintuwumokau hai Kerisitu Yesu.

Kolose 1:5

Pepoinalaimi hai ahimi maroho, lawi meharunga mpuukau i apa au Napasilolongaakau Pue Ala i suruga, nodo au nihadimi i lalu paturo au tou au rapahaweamokau, iami, Ngkora Marasa.

Kolose 2:3

Lawi Kerisitumi au mopakanoto lalunta bona moisake ope-ope tunggaiana Pue Ala irikita.

Kolose 3:11

Mewali, anti kaNapopewalintami manusia au wou, barapi ara pontaniana to Yahudi hai au barahe to Yahudi, lawi i peitana Pue Ala, tauna au ratile hai au bara ratile himbela pea. Ia bara mampopontani tauna au mosikola hai au bara mosikola, tuana ba hawi. Kerisitu iami au tepaioru. Ia au tuwo i lalunta ope-ope.

1 Timotiu 1:1

Sura ide hangko iriko Paulu, surona Kerisitu Yesu. Mewalina suroNa moula hawana Pue Ala au mohoremake hangko i huku dosanta, hai moula hawana Kerisitu Yesu au mewali peharunganta.

Ibarani 6:19

Peharunganta ide nodo besi pantio kapala tahi au mewali pekingkiata au maroho bona dati marugi pepoinalainta. I lalu Souna Pue Ala, ara rindi bana au mohomboki rara manusia datihe peisa mesua i lalu Hologa au Malelaha Ntepuu. Agaiana ikita, barapi ara au mohomboki raranta hawe i lindona Pue Ala.

1 Yohane 4:4

Agaiana ikamu anangku, napoanamokau Pue Ala, hai ninangimohe nabi au mepawuli iti, lawi Inao au ara i lalumi melumbu kuasana hangko i inao au ara i lalunda au barahe mepoinalai i Pue.

Pampetudungia 3:20

Peita! MeangkaNa i baba hai Kutidongko. Ane ara au mohadi wotuNgku hai nabungkahiaNa, ina mesuaNa i lalu hai maidaNa indo hihimbela hai ia. Ina maandeNa hihimbela hai ia, hai ia wori ina maande hihimbela hai Iko.