1 Yohane 5:1 - Sura Malelaha

¹ Ope-ope tauna au mampoinalai Yesu iami Datu Topehompo, ihirami au napoana Pue Ala. Hai hema au mampokaahi Pue Ala Umanta, batena mampokaahi wori ope-ope tauna au napoana Pue Ala.

1 Yohane 5:1 Kruisverwysings

Matiu 16:16

Nahanai Simo Peturu, nauli, “Oiomi Datu Topehompo, Anana Pue Ala au tuwo.”

Lukasi 7:5

lawi ia mampokaahike, ikita to Yahudi, hai mokira doina rapopoaro sou penombaaki.”

Yohane 1:3

Iami au napopatoa Pue Ala mampopewali hinangkana au ara. Bara ara hampaka au mewali ane bara Ia.

Yohane 15:23

Tauna au mokahihiNa, mokahihi worihe UmaNgku.

Yohane 3:3

Nauli Yesu, “Ane hadua tauna bara rapoanaka sule, bara peisa mewali taunana Pue Ala i lalu poparentaNa. Lolita ide tou.”

Yohane 6:69

Ikami, kipoinalaimi hai kiisa kaOiona mpuu Suro au malelaha hangko i Pue Ala.”

Yohane 8:42

Nauli Yesu, “Ane tou-tou mpuu Pue Ala Umami, kenipokaahiNa, lawi Iko hangko i Pue AlaNa mai, hai Ikomi SuroNa. MaiNa bara moula peundeaKu haduduaNgku. Agaiana moulaNa peundeana Pue Ala, lawi Ia au motuduNa.

Suro 8:36

Tanganda mokareta, moitamohe owai i wiwi rara. Nauli to Etiopia iti i Pilipu, “Peita, indolou ara owai. Peisana nuriu?”

Suro 8:37

[Nahanai Pilipu, “Ane tou-tou mpuu nupoinalaimi, peisamoko kuriu.” Nauli to Etiopia iti, “Kupoinalai mpuu Yesu Kerisitu iami Anana Pue Ala.”]

Yakobu 1:18

Napopewalimoke anaNa moula peundeaNa haduduaNa melempo i Ngkora Marasa, au bara ara kamasalana, bona hangko i ope-ope au Napopewali, ikitami au Napokatana ntepuu.

1 Peturu 1:3

Tatoiami Pue Ala, Umana Amputa Yesu Kerisitu! Anti kamahilena ahiNa, Naweimoke katuwo au wou, hai katuwo au wou iti tahumba hangko i katuwona hule Yesu Kerisitu. Ido hai maroho peharunganta.

1 Yohane 2:10

Tauna au mampokaahihe halalunda, tuwohe i lalu kamabaa, hai bara ara babehianda au mopakanawo ranganda.

1 Yohane 2:29

Niisato halalu, Kerisitu mobabehi peundeana Pue Ala. Ido hai niisa wori: ope-ope tauna au mobabehi peundeana Pue Ala, napoanahe Pue Ala.

1 Yohane 3:14

Ane mampokaahike halalunta, taisa katekabahanta hangko i kapate hai molambike katuwo maroa au bara mokahopoa. Agaiana tauna au barahe mampokaahi halalunda, bara manihe tekabaha hangko i kapate.

1 Yohane 3:17

Rapana ara hadua tauna au maroa tuwona, hai moita halaluna au meahi-ahi, agaiana bara mau motulungi halaluna iti, noumba? Ane nodo, ahi au hangko i Pue Ala bara ara i laluna tauna iti.

1 Yohane 3:9

Ope-ope tauna au napoana Pue Ala, barapohe mobabehi dosa, lawi poantina Pue Ala arami i lalunda. Barapohe mobabehi dosa, lawi napoanamohe Pue Ala.

1 Yohane 4:2

Ide au mopakanotoake hema au nakuasai Inaona Pue Ala: ope-ope tauna au mopangaku kaYesuna Datu Topehompo au mewali manusia, tauna iti napoanamohe Pue Ala.

1 Yohane 4:20

Hema au manguli, “Mampokaahina Pue Ala,” agaiana bara mampokaahi halaluna, modongkomi. Lawi ane halaluna bara napokaahi, apa mani Pue Ala au bara naita.

1 Yohane 4:7

Halalu au kupokaahi! Mombepokaahimoke hadua hai hadua, lawi ahi mentumbu hangko i Pue Ala. Ope-ope tauna au mampokaahi ranganda, ihira au napoana Pue Ala hai au moisa Pue Ala.

1 Yohane 5:18

Au taisa: ope-ope tauna au napoana Pue Ala, barahe mobabehi liliu dosa, lawi nakampaihe Anana Pue Ala, ido hai barahe peisa nasilakai Datu Tokadake.

1 Yohane 5:4

lawi ope-ope tauna au napoana Pue Ala monangihe hinangka au kadake i dunia ide. Anti pepoinalainta, monangike hinangkana au kadake iti.

1 Yohane 5:5

Hema au peisa monangi hinangkana au kadake i dunia ide? Batena pea tauna au mampoinalai Yesu Anana Pue Ala.