1 Yohane 1:8 - Sura Malelaha

⁸ Ane tauli bara ara dosanta, modongkomoke hai barake mopailalu paturo au tou.

1 Yohane 1:8 Kruisverwysings

Yohane 8:44

Umami iami Datu Tokadake! Hai nipeinao moula liliu peundeana umami iti. Hangko i nguru-nguruna ia topepapatemi. Paturona bara tou, lawi bara ara au tou iria. Ane modongko, itimi poantina, lawi ia topodongko mpuu, hai ope-ope tauna au modongko moulahe peundeana.

Roma 3:10

Lawi ara teuki i lalu Sura Malelaha node: “Barapi huba hadua tauna au manoto.

Roma 3:23

Lawi madosamoke ope-ope, hai barake hintoto molambi kiranta i lalu peawana Pue Ala.

1 Korintu 3:18

Ineekau mopakanawo watami haduduami. Ane ara hadua tauna i olomi au mengkamapande i lindo manusia, agina tauna iti mewali nodo tontuli i lindo manusia bona ia mewali mapande i lindona Pue Ala.

Galatia 6:3

Ane ara hadua tauna au moimba tuwona melumbu, moleri barato, himbela pea mampodongkoa watana haduduana.

1 Timotiu 6:5

hai pombembehehe. Pekirinda tauna iti barapi maroa, barahe moisa paturo au tou. Rauli, peisahe molambi rasi hangko i poagamanda.

2 Timotiu 3:13

Agaiana tauna au kadake hai au modongko, ina tetambai kakadakena babehianda. Mopakanawohe ranganda hai paturonda au sala, agaiana tepakanawo worihe.

Yakobu 1:22

Mewali, ane mohadikau Ngkorana Pue, hangangaa nipeulai. Inee nipehadingi mbero pea. Lawi ane nodo, mopakanawomokau watami haduduami.

Yakobu 1:26

Ane ara hadua tauna au manguli ia mosarani mpuu agaiana bara naisa mokampai pohumena bona maroa polololitana, mopakanawomi watana haduduana. Posaranina iti bara mobundu.

Yakobu 3:2

Ikita ope-ope, madahake mobabehi sala. Agaiana ane rapana arahe tauna au bara mobabehi sala i polololitanda, ihira au malelaha tuwonda hai au peisa mokuasai ope-ope peundeana lalunda.

2 Peturu 2:13

Ina narumpahe pehuku hintoto hai babehianda. Babehianda tauna iti mepakaea mpuu. Mogalori mabaa, raunde mobabehi dake moula peundeana lalunda haduduanda. Ane maandehe hihimbela hai ikamu i posusami, mehiorohe moula peundeana lalunda. Ido hai rakakabosai worikau tauna ntanina.

1 Yohane 1:10

Ane tauli barake madosa, mampopodongkomoke Pue Ala, hai NgkoraNa bara ara i lalunta.

1 Yohane 1:6

Ane tauli mohintuwuke hai Pue Ala, moleri tuwoto manike i lalu kamakaindi, modongkomoke hai barake mampeulai paturo au tou.

1 Yohane 2:4

Tauna au manguli, “Moisana Pue Ala,” agaiana barahe mampeulai hawaNa, modongkomohe hai barahe mopailalu paturo au tou.

1 Yohane 4:20

Hema au manguli, “Mampokaahina Pue Ala,” agaiana bara mampokaahi halaluna, modongkomi. Lawi ane halaluna bara napokaahi, apa mani Pue Ala au bara naita.

2 Yohane 1:2

Kipokaahikau lawi mampoinalaike paturo au tou, hai paturo au tou iti takingki hawe i hae-haena.

3 Yohane 1:3

Matana mpuu lalungku, lawi arahe bahangkia halalunta hampepepoinalai au hawe inde moanti bambari kana irio, rauli: mepoinalai liliuko i paturo au tou, hai babehiamu moula wori paturo iti.